Амиграциатә маҵзураҿы русура аихшьаала ҟарҵеит.

09.02.2016
624

Аусбарҭа аиҳабы Алықьса Аџьынџьал ажурналистцәа ирзеиҭаиҳәеит, инеизакны ҵыҧхтәи ашықәс иалагӡаны амиграциатә маҵзура имҩаҧнагаз аусура иалҵшәаны абиуџьет ишаланагалаз ҩажәи хәба миллион мааҭ инарзынаҧшуа. Ҧшьнызқьҩык рҟынӡа аҳәаанырцәтәи атәылауаа ашәҟәы иҭагалан. Ааигәа Аҧсны Ахада инапы аҵеиҩит Жәлар реизара адепутатцәа ирыдыркылаз азакәан апроектқәа, актәи – Аҧсныҟа аареи ацареи рзы, аҩбатәи - Аҳәаанырцәтәи атәылақәа руааҧсыра Аҧсны рыҟазааразы азинтә ҭагылазаашьа азакәан. Урҭ амчра роуеит ҳазну ашықәс апрель мза инаркны. Уи инақәыршәаны, амиграциатә маҵзура аусура шьақәнаргылоит абарҭ азакəанқәа инарықәршәаны. Амиграциатә маҵзура аиҳабы Алықьса Аџьынџьал иҳәеит, ҳҳәынҭқарра аҳәаа ианахысуа аҳәаанырцәтәи атәылауаа ашәҟәы иҭагалазарц шахәҭоу. Уи азы уаҟа иаҧҵатәуп амиграциатә маҵзура агәаҭаратә ҟәша, ашәҟәы ҷыда рыҭара азин алзыршо, - ҳәа азгәеиҭеит Алықьса Аџьынџьал. Есышықәса ҳтәылахь иаауа рхыҧхьаӡара иацлоит. Ус анакәха, ирҕәҕәатәуп урҭ араҟа рыҟазаара азин рызҭоу азакəан анагӡашьазы агәаҭарақәа. Макьана иуҳәар ҟалоит, Аҧсныҟа иаауа ицо ауааҧсыра ишахәҭоу ашәҟәы рҭагалара шымҩаҧымсуа. Иҳаҩсаз ашықәсаз ҧшьнызқьҩык инарзынаҧшуа ауаа ашәҟәы иҭагалан, хнызқьҩык инареиҳаны -аусуразы азин рыҭан. Шәҩык рҟынӡа – административтә хараҧса рыдҵан, ҩажәи фҩык еиуеиҧшым амзызқәа ирыхҟьаны аҳәаа иахыган Аҧсны анҭыҵ ишьҭын. Амиграциатә маҵзура ҧхьаҟатәи аусуразы апланқәа азгәанаҭоит. Урҭ зегьы ауааҧсыра зинда аҳәаа рахысра аҧырҟәҟәаара иадҳәалоуп. Алықьса Аџьынџьал иажәақәа рыла, аҳәаанырцәтәи атәылақәа руааҧсыра зинда ҳтәылаҿы рыҟазаара ашәарҭара иҭанаргылоит. Альбина Жьиҧҳа, Асҭамыр Гәажәба ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ноиабр 2017
105
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
20 Ноиабр 2017
185
1992 шықәса, ноиабр 20 рзы Атәылахьчара аминистрра аҟны еиҿкаан аҳәаахьчаҩцәа ргәыҧ.
17 Ноиабр 2017
126
Аҭыжьымҭаҿы:Зыргылара иаҿу аобиектқәа ргәаҭаразы. Усутә визитла Аҧсны даҭааит Лев Кузнецов.

17 Ноиабр 2017
119
Гиви Аиба ҩынҩажәа шықәса инарзынаҧшуа Аҟәатәи аботаниктә баҳча напхгара аиҭон.
17 Ноиабр 2017
125
Уи хықәкыс иамоуп Аҧсни Нхыҵ –Кавкази еидызкыло азеиҧш культуратә аинформациатә , агуманитартә қәыҧшылара арҕәҕәара амеханизмқәа аус рыдулара .
17 Ноиабр 2017
145
Уи хациркит Басараиа имҩаду аҿы иҟоу аҩнеихагылақәа фба рҿы иқәдыргылаз алифтқәа русушьа агәаҭара ала.
Загрузка плеера
Алаҳәарақәеи адныҳәаларақәеи
АГТРК