Аҧсуа жәлақәа рҩышьа аҧҟарақәа ирылацәажәеит Аҭҵаара-дырраққәа Ракадемиаҿы

09.02.2016
808

Уи далахәын аҧыза-министр актәи ихаҭыҧуаҩ Шамиль Аӡынба.

“Аҧсуа бызшәа ҳәынҭқарратә бызшәоуп, ҳажәлақәа иашаны иаҳмыҩуазар, аҧсшәа аҿиара лацәажәашьас иҟоузеи” – иҳәеит аилатәара аартуа, Аҭҵаарадыррақәа Ракадемиа ахада Зураб Џьапуа. Иара иажәақәа рыла, ахәҭакахьала ари азҵаара аӡбара иахьыҧшуп  ҧхьаҟатәи ҳҧеиҧшгьы.

Аҧсышәала ииашаны ажәлақәа рыҩра аҳәынҭкарра аҿиара астратегиақәа ируакзар ауп, ҳәа  азгәарҭон аилатәараҿы. Аха убри аан ирҳәеит, ажәлақәа рхаҭарнакцәа дара ирҭаххар шакәу, убри азы аҭагылазаашьа шреилыркаатәу мамзар мчыла аӡәгьы ишрыдимгало. Аҧсшәа аҿиара азҵаарақәа рзы Аҧсны Ахада иҿы иаҧҵоу афонд аиҳабы Ҭали Џьапуа лажәақәа рыла, ари азҵаара ирласны иӡбатәуп, избан акәзар зхарҭәаара иалаго атәылауаҩшәҟәы ҿыцқәа ажәлақәа иашаны ирынҵатәуп.

Аҵарауаа ирҳәеит, ари апроблема цәырҵыжьҭеи акыр шҵуа. Аибашьра ашьҭахьгьы ауааҧсыра, аиҳаракгьы Гал араион ахаҭарнакцәа Аҧсуаҭҵааратә институт иадҵаалон рыжәлақәа иишаны аҩразы. Аҵарауаҩ абызшәадырыҩ Лили Ҳагҧҳа лажәақәа рыла, имаҷӡам аҿырҧштәқәа жәлак ахаҭарнакцәа уи  еиҧшымкәа ианырҩуа. Аҵарауаҩ илҳәеит, жәлак ҧшь-вариантк рыла аҩра  ҟалашьа шамам. Уи абызшәа анормақәа зегьы еиланагоит, насгьы аҭоурых еицанакуеит. Абык ихылҵыз,  аха зыжәла еиҧшымкәа изыҩуа аишьцәа ҩба хҧа биҧара рышьҭахь рхылҵшьҭра еицәыхарахоит. Избан акәзар,  урҭ реиуара,  реизааигәара жәлала ишьақәырӷәӷәахаӡом.

Иара убасгьы аҵарауаа алацәажәеит атәылауаҩшәҟәқәа рҿы ажәла иацу ҦҲА анылоу ианымлоу. Убри аан иазгәаҭан, Инал-иҧа,Ӡаҧшь-иҧа уҳәа ИҦА зцу ажәлақәа рҩышьа аҧҟара шыҟоу ишаанхо. Аха ихымҧадатәуп урҭ ажәлақәа зху аҳәса  рыжәла аҳәараан иҧҳа аҳәара,убас Иналҧҳа,Ӡаҧшьҧҳа. Аҵарауаа уи азын ргәаанагарақәа рҳәеит.

Аилатәараҿы иазгәаҭан жәаа зхымҵыз ахәыҷы ижәла аҩышьа аҧсахра иҭаацәа ақәшаҳаҭзар, азакәан азин шинаҭо. Зықәра наӡахьо ихала аӡбамҭа идикыларац азы азин шимоу. Аҵарауаа инаҵшьны ирҳәеит ,зыӡбахә рымоу  ажәлақәа рыҧсахра шақәым, излацәажәо урҭ рҩышьаҧҟара ашьақәыргылара шакәу. Академик, абызшәадырыҩ Шьоҭа Арсҭаа иажәақәа рыла, араҟа ҳасаб ззутәу акәамаҵамақәа рацәоуп, аха ари азҵаара уажәаҧхьагьы иӡбатәын. “Ақырҭқәа рхаан аҧсуаа уахык ала рыжәлақәа рыҧсахуан. Ҩажәа шықәса иреиҳауп аҧсуа жәлақәа рҩышьаҧҟарра ҳаргьежьыр ахәҭоижьҭеи”,-ҳәа азгәаиҭеит иара. Аҧыза-министр актәи ихаҭыҧуаҩ Шамиль Аӡынба иҳәеит, аҵарауаа гәаанагарак иазааир шакәу. Аиҳабыра урҭ рабжьгарақәа ишрықәныҟәо. Ари азҵааразы абызшәадырыҩцәа иҵегь еилацәажәараны иҟоуп.

Елана Лашәриа,Ельдар Дамиров, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23 Ноиабр 2017
103
22 Ноиабр 2017
11
22 Ноиабр 2017
13
Ҿҳәарас иамазаауеит жәа-шықәса .
22 Ноиабр 2017
14
Абри атәы рҳәеит Аҧсны Амшынеиқәафымцамч иаҵанакуа афымцаҭиира аҟәша ахаҭаранакцәа.
21 Ноиабр 2017
150
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
Загрузка плеера
Алаҳәарақәеи адныҳәаларақәеи
АГТРК