Ааигәа, Урыстәыла аҳҭнықалақь Москва имҩаҧысит «Ҳәаа змам аҧсшьара мышқәа» захьӡыз аҿартә-культуратә форум.

09.02.2016
674

Уи иалахәын Аҧсни, Аахыҵ Уаҧстәылеи, Донецктәи, Луганскитәи, Приднестровиатәи ареспубликақәа рҟынтәи аҿар. Аҿартә политиказы аҳәынҭқарратә еилакы аҧшьгарала Аҧснынтәи идәықәҵан ҩажәеи жәохәҩык аҿар.

Ҩажәеи жәохәҩык аҿар рзы арҭ аҧсшьарамшқәа егьырҭ иреиҧшӡам. Реиҳараҩык уажәаҧхьа Москваҟа имааӡацызт, уимоу Аҧсны аҳәаа иахымҵӡацызт. Ҿыцбарах ирыдыркылоит рыкәша –мыкәша ирбо зегьы, даҽакала ҟалашьа амам, избанзар, дара рзы иаҧҵоуп аинтерес зҵоу акультуратә программа. Амузеи-ҳәырҧсарра Царицыно, Коломенсктәи амузеи, ажәытәан Урыстәыла аҳра дуӡӡа аҭоурых аазырҧшуа аҭыҧқәа ирҭааит афорум алахәылацәа актәи амш аҽны.

Аҭоурых зынӡакс уацәыхаразаргьы, арҭ аҭыҧқәа удмыршанхар ҟалаӡом. Даара сгәы иахәоит ас еиҧш алашара ахьсоуз ҳәа азгәеиҭоит Ҳаџьараҭ Ҳашымба.

Аҿартә политиказы Аҧсны Аҳәынҭқарратә еилакы аҧҵоижьҭеи шықәсыкгьы мҵӡац, аха ари аамҭа кьаҿ иалагӡаны, аилак еиҿнакаауа аусмҩаҧгатәқәа зхы рылазырхәуа аҿар рхыҧхьаӡара рацәаӡоуп. Убарҭ иреиуоуп аҿартә-культуратә форум зҽалазырхәыз арҧарцәеи аҭыҧҳацәеи. «Ҳәаа змам аҧсшьара мшқәа»  захьӡу афорум аӡбахә ҳҳәозар, иазгәаҭатәуп иара ҷыдала изыдҳәалоу аусмҩаҧгатә ааигәа ҳтәылаҿы ишеиҿкааз.

Аиҿкааҩцәа, ас еиҧш иҟоу аусеицыура иалҵшәахап ҳәа игәыҕуеит, аҿар рзы ихәарҭоу апроект ҿыцқәа. Уи атәы  анаҳҳәа, иазгәаҭатәуп афорум аҳәаақәа ирҭагӡаны, алахәылацәа рзы ишымҩаҧгаз еиуеиҧшым асеминарқәеи алекциақәа. Урҭ руак азкын агранттә системеи, апроектқәа рҩышьа аҧҟаррақәеи.
Аҧсшьара мшқәа рыпрограмма еиуеиҧшмызт, асеминарқәеи алекциақәеи рҽырыҧсахуан аекскурсиақәа рыла, Москва шықәсырацәала инхо ражәақәа рыла, ҧшьымш рыҩныҵҟа афорум алахәылацәа зҭааз аҭыҧқәа реиҳарак рхаҭа макьаназы ирымбаӡац.

Ублала иубо есымшагьы даҽакала иудыукылоит, уажәаҧхьа телехәаҧшрала мацара иаҳбахьаз, иахьа ҳабла хнакуеит, ҳаршанхоит, ари даҽа дунеик ауп –ҳәа азгәарҭоит еицҿакны Москвариум аҭааҩцәа.  Хьыбла Аҩардан, Москваҟа  раҧхьаӡа акәны дааит, ари амшқәа ирылагӡан илбаз илаҳаз рацәоуп, аха иҟоуп зегь раасҭа иалылкааз.

Ишакәзаалакгьы, зегьы  ҵыхәтәак амоуп, арҭ аҧсшьара мышқәагьы ахыркәшарахь инеит, аха, аҿар цәгьа ирбомызт даҽа маҷк ара иаанхар.

Минуҭқәак роуп инхаз аҳаирплан аҟынӡа, сааҭқәак рыла ижәбо арҧарцәеи аҭыҧҳацәеи рыҩны иҟалоит, аха кыраамҭа ирхашҭран иҟаӡам арҭ амшқәа. Убри акәхап зегь раасҭа ихадоу аиҿкааҩцәа рызгьы.

Лана Аҧшьлааҧҳа, Акоп Кәышьиан, ҷыдала Мосвкантәи.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ноиабр 2017
125
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
21 Ноиабр 2017
96
Сынтәатәи афестиваль аҿы иалкаан ф-фильмк. Убри аан, сынтəа агран-при алкаамызт.
21 Ноиабр 2017
101
Уи азкуп археорлог-кавказҭҵааҩ МихаилҬраҧшь и-шәышықәсхыҵра .
21 Ноиабр 2017
75
Ирылацәажәон Аҧсны инхо Урыстәыла атәылауаа амедицинатә ҧгаҧса рыҭарарзы аиқәшаҳаҭра анагӡашьа азҵаарақәа.
21 Ноиабр 2017
88
Ирылацəажəеит Санкт- Петербург имҩаҧысыз жәларбжьаратәи акультуратә форум алҵшәақәа.
20 Ноиабр 2017
135
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
Загрузка плеера
Алаҳәарақәеи адныҳәаларақәеи
АГТРК