Имҩаҧысит Аҧсны Жәлар Реизара адепутатцәа аҧсшьарахь рцара аламҭалазтәи аҵыхәтәантәи реилатәара.

10.02.2016
621

Аилатәара аартуа, Жәлар Реизара ахантәаҩы Валери Бганба иҳәеит  амшхәаҧштә аиҭакрақәа шалагалоу. Уи ишацлаз иацҵоу ахәҧса азҵаарагьы.

Амшхәаҧштә адкылара анаҩс, ииасит  азҵаарақәа рыхәаҧршахь.   Жәлар Реизара адепутатцәа ахәаҧшырц азы Аҟәа ақалақь аусӡбарҭа  аӡбаҩыс лыӡбахә ҳәан Белла Хасаиа. Белла Хасаиа аӡбаҩыс  акыр шықәса аус лухьеит. Аҟәа ақалақь аусӡбарҭа ахантәаҩыс лусура аамҭа иалагӡаны, лара дрыхәаҧшхьеит аашәи ҩынҩажәа ҩба граждантә уси, шәи жәба ашьауӷатә уси, ҩажәи жәаф аусӡбара-хылаҧшратә материали. Адепутатцәа ирҳәеит лара лусура гəыҩбара шрызцәырнамго.

Иара убасгьы, Аҧсны Иреиҳаӡоу аусӡбарҭа аӡбаҩыс леиҭашьақәырӷәӷәаразы лыӡбахә ҳәан  Ада Касланӡиа. Ажәахәҟаҵаҩы иазгәаиҭеит, аҧышәа  змоу аӡбаҩ лхы бзианы ишаалырҧшхьоу, уи ӡбаҩыс дыҟоижьҭеи аамҭа иалагӡаны, дрыхәаҧшхьеит ҩышәи жәеиза акассациатәи, шәи жәохә ахылаҧшратәи шшаҧхьыӡ, иара убасгьы аграждантәи ашьауӷатәи усқәа. Адепутатцәа ахәыҧшырцазы ирыдгалан арратә усӡбарҭа аӡбаҩыс Дмитри   Гагәыулиа икандидатура. Иазгәаҭан, арратә Иустициаҿы иусура аамҭазы зус ҭакҧхықәрала иазнеиуа иакәны ихы шааирҧшыз. Иара убас адепутатцәа ахәаҧшразы ирыдгалан Аҧсны апрокурор хада актәи ихаҭыҧуаҩ Омиани Логәуа иааникыло аҭыҧ аҟынтә ихы иақәиҭтәразы ииҩыз арзаҳал.  Иара адепутатцәа ирзеиҭеиҳәеит  ари аҩыза аӡбамҭа зидикылаз.

Адепутатцәа ирҳәеит, ишақәшаҳаҭым Омиани Логәуа имаҵура  ааныжьра, иазгәарҭеит гәыҩбара шрымам уи ипрофессионалтә зыҟаҵаразы. Аӡәырҩы иаартны ирҳәеит, ари азҵарра рыбжьы шарымҭо.Адепутатцәа ргәаанагарақәа рҽеиҩыршеит.

Арҭ акандидатурақәа рзы маӡалатәи  абжьыҭира мҩаҧгазарц рыӡбеит.    Уи азы иалхын акомиссиа. Абжьаҭара амҩаҧгаразы аҽазыҟарақәа мҩаҧысуанаҵы, адепутатцәа иацырҵеит егьырҭ азҵаарақәа рыхәаҧшра. Жәлар Реизара ахантәаҩы Валери Бганба  иазгәеиҭеит, аҵыхәтәантәи аамҭазы аҭыҧ шрымаз ҳәа   ақырҭуа диверсантцәа Аҧсны аҳәаа рахысра.   Ари азҵаара дазааҭгыло  адепутат Фазылбеи Аҩӡба иҳәеит, иахьа  Аҧсуа-қырҭуатә аҳәааҿы  аҭагылазаашьа маншәалам ҳәа.
Адепутатцәа рыӡбамҭала, иаҧҵан акомиссиа, иара иалалеит ааҩык адепутатцәа, дара напынҵас ирымоуп  ашәарҭадаратә зҵаарақәа рхылаҧшра.

Адепутатцәа реилатәараҿы   иахәаҧшит иара убас  Тамшь ақыҭеи Очамчыра ақалақьи рҿы аусдкылара ахацаркразы адгьылқәа аилакқәа ҩба рыҭара азҵаара.  Уи акраамҭа иалацәажәон, анаҩс абжьаҭаразы иқәыргылан, иагьрыдыркылеит.

Анаҩс иасит  маӡалатәи абжьаҭарахь. Уи алҵшәақәа рыла,  еилкаахеит  адепутатцәа реиҳараҩык  шадгылаз  Иреиҳау Аусӡбарҭа аӡбаҩыс Ада Касланӡиа, Аҟәа ақалақь аӡбарҭа аӡбаҩыс Белла Хасаиа, арратә усӡбарҭа аӡбаҩыс Дмитри Гагәулиа рышьақәрҕәҕәара. Жәлар Реизара адепутатцәа ирырҭаз агәрагаразы иҭабуп ҳәа ахҳәаауа, аӡбаҩцәа ирҳәеит уи иаҧсахарц азы  ирылшо зегьы шыҟарҵо.
Адепутатцәа рыӡбамҭала, Апрокурор хада актәи ихаҭыҧуаҩ Омиани Логәуа иҭыҧ аҿы дааныжьуп.
Анаҩс ииасын егьырҭ азҵаарақәа рахь. Убас Леонид Чамагәуа адепутатцәа ирыдигалеит хаҭалатәи атәанчахәқәа рыцҵаразы апроект. Уи инақәыршәаны, зыҧсҭазаара иалҵыз, зааҧсарақәа рзы хаҭалатәи атәанчахәы зауаз атәылауаҩ иҧсҭазаара даналҵлак анаҩс итәанчахәы шәпроценк иацлоит.
Адепутатцәа ари апроект аҩбатәи аҵыхәтәантәи аҧхьараҿы ирыдыркылеит. Иара убасгьы, адепутатцәа еицҿакны ирыдыркылеит Аҧсны арбџьарамчқәа ррезерв азы азакәан апроект аҧсахрақәа ралагалара.
Иназыцҵоу ашәахтә азы азакәан апроект аиҭакрақәа ралагалара адепутатцәа еицҿакны ирыдыркылаз иреиуахеит. Дара ақәшаҳаҭхеит, азакәан ахәҭаҷқәа ҩба ирылагалоу  аиҭакрақәа. Абыжьбатәи ахәҭаҷ актәи ахәҭа ажәахатәи ажәиҧшьтәи апунктқәа рыла ихарҭәаауп. Убас, аҩажәатәи ахәҭаҷ иалагалоуп  аҧсахрақәа ҩба.

Аилатәараҿы адепутатцәа идырныҳәалеит зиубилеи азгәазҭо, адепутат, Валери Кәарҷиа. Убри иаан ирылацәажәан, иара иааҧсарақәеи, Аҧсуаа рмилаҭтә хақәиҭратә қәҧареи рҿы илагалақәа ртәы. Валери Кәарҷиа аспикер инапы аҟынтә иҭан аҳамҭа.

Елана Лашәриа, Саид Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23 Ноиабр 2017
97
22 Ноиабр 2017
9
22 Ноиабр 2017
11
Ҿҳәарас иамазаауеит жәа-шықәса .
22 Ноиабр 2017
12
Абри атәы рҳәеит Аҧсны Амшынеиқәафымцамч иаҵанакуа афымцаҭиира аҟәша ахаҭаранакцәа.
21 Ноиабр 2017
148
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
Загрузка плеера
Алаҳәарақәеи адныҳәаларақәеи
АГТРК