"Анҵамҭа ҷыда". Егрытəи афымцастанциа.

10.02.2016
634

Ацәажәарақәа  маҷымкуа   иахылҵит  Егрытәи   афымцастанциа   аус  азыруа, Қырҭтәыла  иҟоу   аӡҭачы     аӡы  иагхоу- иагымхоу   азҵаара.    Аиаша ашьақәргыларазы  Аҧсны   амассатә  информациа   ахархәагақәа  русзуҩцәа   жәаҩык   инареиҳаны Қырҭтәыла иҟоу  Џьвартәи   аӡеизгарҭахь инеит     аҭагылазаашьа    зеиҧшроу  рбарц азы.
  
Аиашеи  амци  ирыбжьоу  «Амшеикушара»  анҵамҭа  ҷыдаҿы.

Егрытәи    афымцастанциа   аус  азыруа   аӡҭачахьы   ухалаанӡа,  Аҧсни  Қырҭтәылеи   рҳәаа   уахысроуп,  атәым    ҳәынҭқаррахь  ацара   аҧҟаррақәа  инарықәршәаны. Аҧсуа   ҳәаахьчаҩцәа  рнаҩс,    Егры   аӡиас    уанырлак,    ашәҟәқәа   гәарҭоит  ақырҭқәа.   Жәыргьыҭи    Џьвари  урылсыр  ауп,   аплотинахь   ухаларц  азы.

Ҩнызқьи жәаҩа  шықәсанӡа    Егрытәи   аӡҭачгьы       аанызкыло  аҭӡы  зегьы   иреиҳауп   ҳәа    иҧхьаӡан,  агидроелектростаницақәа    рхыҧхьаӡараҿы.

Аплотина  ашьапы   аҭбаара    ҧшьынҩажәи жәаба  метра  ыҟоуп,    аура   хышә   метра  рҟынӡа  иҳаракуп. Иара  ауп  аӡҭачы     аанызкыло.

Аӡҭачы   аҭбаареи,  ауреи  рымҽхак   акыр   ишдуугьы,   сынтәатәи   аӡынразы   акыр  илаҟәит. Уи  ус  шаку   арҵабыргразы     иаҭахӡам  акгьы.  Зегьы   унарбоит  авидеокамера  абла.
  Аплотинаҿы   аус  зуа    аспециалистцәа  уахгьы  ҽынгьы   иахылаҧшуеит  аӡы    иахьынӡагхо,   мамзаргьы  иахьынӡашьҭыҵуа.  Аха   иахьазы    ишагхац- иагхоит  рҳәоит. Ари  акыр     ишәарҭоуп   агенераторқәа  русуразы.

Даҽакала   иаҳҳәозар,    жәохә километра  зоура   ыҟоу,  жә-  метрак     иҭбаау   атоннель     еснагь   иҭәызарц  азы,  аӡҭачы   иагымзароуп.  Мамзар  атоннель   аҟнытә, атурбинақәа ирыҭҟьаны   агрегатқәа  рахь   инеиуа  аӡы   амч  ҧсыҽхоит.    Атурбинақәа   аангылар   ҟалоит.
  Иара    убасгьы ,  аспециалистцәа     иазгәарҭеит,   аҵыхәтәантәи     ашықәсазы   Аҧсны    инырхуа  афымцалашара  акыр     ишацлаз.

Галынтәи хәыда – ҧсада    иҳауа   афымцалашара   аиҷаҳаразы  инызхуа    ишахәҭоу  ирхылаҧштәуп,  ҳәа  рыҧхьаӡоит  Егрытәи   агидроелектростанциа   анапхгара.

  Аҧсны   имаҷым  анхарҭақәеи,  анаплакқәеи  рышҟа   инеиуа  афымцамчы  агәаҭагақәа  . Аха   иахьазы  дара  азхом.    Убри  анаҩсгьы,   афымцалашара    зынӡа    ҳаиҷаҳаӡом.  Уахынла    иахьаҭахыугьы  , иахьаҭахымгьы   , анхарҭақәагьы  уахь  иналаҵаны   алашара   аркуп,   иҳарцәаӡом. Аха  уи   даҽа    темоуп.

Д.Инаҧшьба, А. Агәхаа.  АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
113
17 Ианвар 2018
109
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
97
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
98
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
87
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
108
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
136
Загрузка плеера
Алаҳәарақәеи адныҳәаларақәеи
АГТРК