Имҩаҧысит Очамчыра араион Аизара изаамҭанутәи аилатәара.

10.02.2016
713

Очамчыра араионтə еизара ахантəаҩы  Виачеслав Кәакәасқьыр аилатәара аартуа, адепутатцәа идеилиркааит изхәаԥшраны иҟаз амшхәаԥштә азҵаарақәа рхырхарҭақәа. Иара убас, дрылацәажәеит мшаԥымза 3 рзы имҩаԥысраны иҟоу аҭыԥантәи ахалатәусбарахь адепутатцәа ралхраз абжьыҭирақәа ирызку аусмҩаԥгатә иалагалоу аиҭакрақәа ртәы. Дырзааҭгылеит сынтәатәи абжьыҭирақәа уаанӡатәиқәа излареиԥшым аҷыдарақәа, дрылацәажәеит урҭ рхырхарҭақәа.

Анаҩс, иаҳхысыз 2015-тәи ашықәс азы араион абиуџьет анагӡашьа иазкыз ажәахә ҟалҵеит араион ахада ихаҭыԥуаҩ, афинанстә ҟәша аиҳабы Мадина Ҵәыџьба. Уи араион адепутатцәа идеиллыркааит ҵыԥхтәи ашықәс азы абиуџьет 150 % рыла ишынагӡаз.

Араионтə еизара адепутатцəа реилатәараҿ ишьақәдырӷәӷәеит  ҳаԥхьаҟа имҩаԥгахо абжьыҭирақәа рзы араионтә алхратә комиссиа аилазаара, уи иалалеит  9-ҩык адепутатцəа, акомиссиа хантəаҩра  азиуеит  араион ахада иабжьгаҩ Михаил Агрба.

Адепутатцәа еицҿакны ишьақәдырӷәӷәеит «Иҷыдоу автомашьына нхамҩа», «Ииаҵәоу анхамҩа», Очамчыра араион ахадара рықәҵареи, Кәтол ақыҭа аҽтәы-спорттә клуб аартреи рзы араион ахада Хьрыԥс Џьопуа араион Аизарахь иааишьҭыз ашәҟәқәа. Аизараҿы ирылацəажəан егьырҭ азҵаарақəагьы.

Алиас Корсаиа, Анатоли Маланиа, АТ




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Февраль 2018
75
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
19 Февраль 2018
58
Иара еиҿкаан АҞәа иҟоу «Москва аҩни» араион ахадареи рымч ала.
19 Февраль 2018
77
Иазгәаҭаны ирымоуп х-километрак рҟынӡа амҩа аҟаҵара.
19 Февраль 2018
61
Ааҧынтәи асессиа актәи аилатәараҿы Аконституциатә усӡбарҭа ахәбатәи аӡбаҩыс далхын Алиса Бигәаа.
16 Февраль 2018
110
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
100
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
Загрузка плеера
Алаҳәарақәеи адныҳәаларақәеи
АГТРК