Ихыркәшахоит Гагратәи аӡеизгарҭа аиҭашьақәыргыларазы имҩаҧысуа аусурақәа.

11.02.2016
686

Гагра ауааҧсыра ӡыла еиқәзыршәо аӡеизгарҭа аҧсхасҭа ҕәҕәа аиуит иҳаҩсыз ашықәс октиабр мзазы. Усҟан  ауааҧсыра ирыҵалаз аӡы аҧхасаҭа ҕәҕәа ҟанаҵеит. Аамҭа кьаҿк аҩныҵҟа ари аӡеизгарҭа акапиталтә ремонт  азуразы аҳәынҭқарра ахада иҟынтә аргылаҩцәа адҵа рыҭан. Апроект-сметатә шәҟәқәа еиқәыршәаны ихацыркын аусурақәа зегьы. Урҭ рымҩаҧгара напынҵас иаҭан аҳәынҭқарратә еилахәыра “Аҧсныргылара” аҟәша  “Гаграргылара”. Уажәшьҭа хымзуп араҟа аусурақәа цоижьҭеи, ари аамҭа иалагӡаны иҟаҵоу рацәоуп. Аремонт аҕьырак хырқәшоуп.

Ари аӡеизгарҭа ргылан аханҩажәатәи ашықәсқәа рзы, уи аахыс иара зныкгьы акапиталтə ремонт азырмуӡацызт, уи анасҩгьы аӡы ахьҭаз аҵеџь хада аҵаҿы еизаны иҟан акыр шықәса рыҩныҵҟа ахаҳә еиҧш иҕәҕәахаз аҳаса. Аремонттə усурақәа ирго аамҭа аиҷаҳаразы, аргылаҩцәа аусурақәа х-хырхарҭак рыла ихацдыркит. Џьоукы аҵеџь еиҭашьақәдыргылон, даҽа гәыҧк аҭыӡқәа еиқәҵаны ишьҭырхуан. Ахҧатәи агәыҧ аӡеизгарҭахь инагоу  амҩақәа ирылагеит. Иазгәаҭатәуп, арҭ амҩақәа шеималахьаз, арахь машьынала акәым шьапылагьы ааира уадаҩын. Ақәыцқәа зегьы хҵәаны иқәган, амҩа акәзр еиҟаратәын.

Абас ала, иаарласны араҟа аусурақәа зегьы хыркәшахоит. Дара рымҩаҧысшьа хаҭала хылаҧшра аиҭоит аилахәыра “Аҧсныргылара” адиректор хада Игор Казанба. Уи анасҩгьы, ари аргыларатә фирма уажәы ааигәа ихнаркәшеит амшцәгьақәа раан иҿыбгаз Ҧсоу-Егры амҩа ахәҭаҿы имҩаҧнагоз аусурақәа. Иаразнакгьы напы дыркын иара ари  амҩаду ажәеизатәи акилометр аҿы, адгьыл ахьҳәазо аҭыҧ  арҕәҕәара.

“Аҧсныргылара” аспециалистцәа уажәы ашәҟәқәа реиқәыршәара иаҿуп Аҟәа агәаны  иҟоу ашьапылампыл асырҭа ҿыц иаакәыршаны амҩақәа рыҟаҵара иахҭынҵатәу аҧара ашьақәыргыларазы.Аилахәыра адиректор хада Игор Казанба иажәақәа рыла, урҭ хацыркхоит хара имгакәа. Макьана ишьақәыргылаӡам урҭ рхырқәшаразы иарбоу аамҭа, аха еилкаауп аусурақәа зегьы шынагӡатәу  Аҧсны имҩаҧысраны иҟоу Конифа ачемпионат аҟынӡа.

Елана Лашәриа, Беслан Џьынџьал, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
113
17 Ианвар 2018
109
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
97
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
98
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
87
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
108
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
136
Загрузка плеера
Алаҳәарақәеи адныҳәаларақәеи
АГТРК