2016 шықәса, маи 28 рзы Аҧсны иаатуеит жәамш имҩаҧысло ашьапылампыл азы КОНИФА ачемпионат.

24.02.2016
929

2016 шықәса, маи 28 рзы Аҧсны иаатуеит жәамш имҩаҧысло ашьапылампыл азы КОНИФА ачемпионат. Убри инамаданы, ҳтәылаҿы имҩаҧысуа аҽазыҟаҵарақәа аиҳаракгьы рызкуп ашьапылампыл асырҭақәа реиқәыршәара. Ачемпионат аартра мҩаҧгахоит Аҟәатәи ашьапылампыл асырҭа ҿыц “Динамо” аҿы. Аха, уи асасцәа рыдкылара иазыхиаӡам. Астадион аусзуҩцәеи аргылаҩцәеи ражәақәа рыла, ирацәоуп аҵыхәтәанынӡа инагӡам аусурақәа. «Аусурақәа зегьы ачемпионат  алагара мызкы шагу ихыркәшатәуп»,- иҳәеит астадион аҭагылазаашьа аилкааразы уаҟа агәаҭарақәа мҩаҧызгаз Аҧыза-министр Артур Амқәаб.

Аҧыза-министр Артур Амқәаб  аргылаҩцәеи астадион анапхгареи рҧылараан, авба риҭеит араҟа иҟоу ауадаҩрақәа ртәы иаартны уажәада иахьаламцәажәац азы. Иазгәаиҭеит, аамҭа маҷны ишаанхаз, убри аҟынтә ишышьақәыргылатәу зыҟаҵара хымҧадатәу аусқәа, иаразнакгьы урҭ ишрылагатәу. Аргылаҩцәа ирҳәеит, зегь раҧхьа игылоу акәны ишыҟоу абылрааҽацәыхьчаразы  иазгәаҭаз арезервуарқәа рахь аӡы ааиуа аҟаҵара. Аҧыза-министр дрыхәаҧшит аҽыҧсахырҭақәа,  анапыӡәӡəарҭақәа, атәарҭақәа рыҵаҟа иҟоу ауадақәа. Урҭ зегьы рҿы имҩаҧгатәуп ахаҿрарҧшӡаратә усурақәа. Избан акәазр, аҭыӡқәа зегьы аҧакәа рылҵны иҟоуп. Астадион анапхгара иазгәарҭоит,  ирылшо ала рымч зықәхо рхала ишыҟарҵо, аха ирҳәоит арҭ аусурақәа аргылаҩцәа шрыдгалатәу.

Аиҳабыра рхантәаҩы идырбеит аӡыҭгагақәа ҩнагылазар ахьахәҭоу ауадагьы. Араҟа раҧхьа иазгәаҭаз амыругақәа ықәыргылаӡам. Аӡыҭгагақәа рыҟамзаара иахҟьаны, аӡхьыршарҭақәа рахь инеиуа аӡы амчра маҷуп.

Анаҩс изхәаҧшыз аҧхарра ахьынтәаурышьҭуа ауадаҿгьы, аилагарақәа ыҟоуп. Араҟа ишьақәыргылоу арҧхагатә системақәа реиҳарак аус руӡом.

Аргылаҩцәа ирҳәеит, ишьақәыргылоу асмета инақәыршәаны, астадион аҩныҵҟа иҟоу ауадҩрақәа зегьы раҧыхразы жәохә миллион мааҭ шақәхарџьтәу. Убри аан иазгәарҭеит, аҧара рацәаны изго акәны ишыҟоу  ақалақь иагәылсны астадион иавсуа Абазаа рымҩаду. Ари амҩаду ала акәын аргыларатә усурақәа рымҩаҧгараан амаҭәахәқәа астадионахь иҭазгалоз амшьына дуқәа зланыҟәоз. Астадион зыргылоз Аладатәи аргыларатә усбарҭа ари амҩа аиҭашьақәыргылара напынҵас иаман, аха макьана иара аҭагылазаашьа шыҟац иаанхоит.

Аҟәа ақалақь акоммуналтə усбарҭа аиҳабы Елена Атиопина иазгәалҭеит, араҟа амҩа ақаҭран ақәҵара мацарала ишзеилымго. Иҧсахтәуп уи иаҵганы игоу акоммуникациақәа зегьы, иара убасгьы ишьҭаҵатәуп аҩарқәа рцарҭақәа, ишьақәыргылатәуп арлашагақәа.

Аргылаҩцәа ирҳәеит, астадион  ачемпионат азырхиаразы иазгәаҭоу аусурақәа зегьы шә-миллонк еиҳаны ишрыхҭынҵатәу. Урҭ аҧарақәа азоушьҭхар, аусурақәа зегьы рхыркәшара азгәаҭоуп ҩымз рыла. Аҧыза-министр Артур Амқәаб иҳәеит, аамҭа маҷны ишаанхаз, убри аҟнытә ишырластәу. Убри аан, иара ҿыҕәҕәала иҳәеит, арҭ аусурақәа ҩынтәахә зыхҭынҵахо ракәны ишыиҧхьаӡо.

Аусзуҩцәа рулафахәы аламҵаӡакәа, астадион анхамҩа аҟәша абаразы иазҧхьагәаҭоуп миллионки 700 нызқь мааҭ. Араҟа аус руазар ауп жәиҧшьҩык, урҭ ирхыҧхьаӡалоуп азыҟаҵаҩцәагьы. Аха, аҵыхәтәантәи ашықәс азы араҟа аус зуа ҩыџьа роуп. Иазгәаҭатәуп, урҭ макьана ауалафахәы шырмоуа.

Елана Лашәриа, Беслан Џьынџьал, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Маи 2018
68
Астудиа «Ама Рекордс» амузыкантцәа ҿыц аус рыдырулеит ижәытәӡатәиу аҧсуа жәлар рашәақәа.
22 Маи 2018
69
Уи авторс дамоуп, апрофессор, ажурналист, афилологиатә наукақәа рдоктор Екатерина Бебиаҧҳа.
22 Маи 2018
52
Ашкол анапхгара ауадақәа руак аҿы еиҿыркааит Кьыршьал Чачхалиа ифотоцәыргақәҵа.
22 Маи 2018
61
Урҭ аҕба маҷқәеи анышьқәеи зырныҟәо азин рымоу ирымаму еилыркаауеит.
21 Маи 2018
19
Аҭыжьымҭаҿы:Аибашьра аасҭа еицәахаз. Аҧсны иазгәарҭоит Кавказтәи аибашьра иалаӡыз ргәаларшәара амш.
21 Маи 2018
11
Иҟаҵатәузеи ақалақь ахьчаразы? Иактуалтәу анҵамҭа.
Загрузка плеера
Алаҳәарақәеи адныҳәаларақәеи
АГТРК