Аҧсны аинвестициатә программа ахархәаразы акомиссиа алахәылацәа ааглыхратә наплакқәа ирҭааит.

24.02.2016
715

Аҳәынҭқарратә наплакы «Аҧсныҟәарахьчара» - раҧхьатәи обиектын акомиссиа зҭааз. Уи адиректор Константин Ҭарба еиҭеиҳәеит, дара рнапы злаку аус, насгьы иахьатәи аамҭазы рнаплакы лшарақәас иамоу. Иара иажәақәа рыла, дара русура арманшәаларазы ирымоуп 60 иреиҳаны амеханикатә техника, аиха еибыҭагақәа рзауад, иара убас араҟа иҟарҵоит абетон лыхқәагьы.

Аха, анаплакы азаказқәа уи аҟара амам. Атехника аремонт азуреи, агәаҭареи, иара убас шә-ҩык иреиҳаны аусзуҩцәа ауалафахәқәа рызшәареи  рзы, дара  ауааҧсыра рҟынтәигьы азаказқәа рыдыркылоит. Аҭӡы арҕәҕәагақәа  рыҟаҵаразы  аҳәынҭқарратә заказ роур, анаплакы аҿиаразы алшарақәа ҟалоит,  ҳәа рыҧхьаӡоит дара.

Афирма «Монблан-Абхазия» - аинвест программа аҽалархәразы агәаҳәара змоу обиектуп. Ара иҟарҵоит асаркьатә пакетқәеи, аҧенџьыртә конструкциақәа рыҧсахразы амеханизмқәеи. Уи аиҳабацәа руаӡәк милаҭла дыфранцзуп. Жан Марк Данто игәаанагарала, Аҧсны абизнес аҿиаразы алшарақәа зегь аҧҵоуп.
Рхы иадырхәо аматериалқәа зегьы ааргоит Урыстәылантәи. Аҭыжьра апроцесс зегьы акомпиутерла ауп ишыҟоу.

2015 шықәса рзы азауад аҿы иалагеит адәахьтәи аихатә конструкциақәа рыҟаҵара. Иара убас, абассеинқәа реибыҭареи амаҵ азуреи рзы ахырхарҭалагьы аусурақәа нап адыркит. Аинвестициатә программа алахәхара, анаплакы алшара анаҭоит аҳәааныцәтәи афирмақәа рындаҭлара.
Даҽа наплакык –  атрубақәа ҭзыжьуа акәны иҟоуп Гәдоуҭа араион аҿы. Уи ашьақәгылара мариамызт, аинвесторцәа рыҟамзаара иахҟьаны. Аха уеизгьы, аамыз раҧхьа, азауад рхатә аалыҵ аҭыжьра рҽазыркит. Еиуеиҧшым ашәагақәа змоу атрубақәа ҟарҵоит ара. Уи аиҳабы Роман Гьериа иажәақәа рыла, раалыҵ ахаҭабзиарала аҳәаанырцәтәиқәа иреицәаӡам.

Азауад аҿы аус руеит 30-ҩык ауааҧсыра. Аспециалистцәа ҿарацәа Урыстәыла аҵара иахысит. Уаанӡа, анаплакы аҿы урыстәылатәи афирмақәа рспециалистцәа аус  руазҭгьы, уажәазы ҳара ҳуасҭацәа ирылшоит рхатәы мчқәа рыла аусурақәа рынагӡара.

Азауд алшарақәа хымҧада ицәгьамкәа иҟоуп. Избанзар, атрубақәа ҭзыжьуа анаплакқәа рҟынтәи зегь реиҳа Аҧсны иазааигәоу Ростов ақалақь аҟны ауп иахьыҟоу. Ашәахтә ҧгаҧса алагалара дара иҵоураны ирыҧхьаӡоит.

Иҳәатәуп, макьаназы азаказқәа уиаҟара шрымам. Азауад Гәдоуҭа араион аӡымҩангақәа реиҭашьақәыргыларазы иҭнажьуан атрубақәа. Иахьа ара изызхәыцуа атәыла аӡымҩангагатә ситсема атендер аҽалархәра ауп.

Акомиссиа алахәлацәа рхыҧхьаӡараҿы иҟан Жәлар реизара адепутацәа реиҧш, аекономика аминистрра аҿынтәигьы. Дара еилыркаауан анаплакқәа русура зеиҧшроу, атендер аҽалархәра иахьынӡазыхиоу, иара убас атәыла аивестициатә программа анагӡашьеи. Акомиссиа алахәылацәа ирбаз агәахәара рнаҭеит. Ирҳәеит ,иахьа атәыла анапхгара аҭыҧантәи аалыҵҭыжьыҩцәа рыдгылразы авариантқәа ишрызхәыцуа. Абас ала, аҳәынҭқарратә заказ анагӡара аконтракт апунктқәа ируакхар алшоит анаплакқәа рхы иадырхәо аалыҵ ,аҭыҧантәи Аҧсны иҭрыжьуа мацара аархәо аҟаҵара.

Сима Аргәын, Бела Кәарҷиа, Асҭамыр Гәажәба. АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Февраль 2018
185
14 Февраль 2018
181
14 Февраль 2018
159
Ари аҽны арҧыси аҧҳәызбеи еимырдоит рыбзиабара зырҵабыргуа аҳамҭақәа.
14 Февраль 2018
136
Аспектакль « Хә-хәылҧазык » афестиваль аҳамҭа ҷыда иаҧсахеит.
14 Февраль 2018
203
Сынтәа - атәанчаҩцәа ҩынтәны ашәҟәы рыҽҭаргалароуп - ашықәс алагамҭеи уи анҵәамҭеи рзы.
14 Февраль 2018
153
Иара уи ишазыхиоу, насгьы иаланхо ауааҧсыра рҿаҧхьа усӡбатәқәас иқәгылоу ртәы еилыркаауан ҳкорреспондентцәа.
13 Февраль 2018
118
Загрузка плеера
Алаҳәарақәеи адныҳәаларақәеи
АГТРК