"Анҵамҭа ҷыда". Еихамҩала Аҟəантəи-Ҧсоунӡа.

24.02.2016
671

Аҧснытәи   аихамҩаҿы   иныҟәо   адәыҕбақәа    рхыҧхьаӡара  иацлоит  аҧхын.  Убри азы   ауп  аҧхын   ааиаанӡа   аҭагылазаашьа   зеиҧшроу   гәаҭаны, иахәҭоу   аусқәа   зымҩаҧгатәу.
Ҳкорреспондентцәа  Даур Инаҧшьбеи,  Ельдар  Дамирови   аихамҩа   ианысит  АҞәантәи - Ҧсоунӡа.

Ашьыжь  асааҭ    08:00. АҞәантәи,   былтәыла    аус зуа  адәыҕбарныҟәагала  ҳдәықәлеит, аиҳабыра   реилазаара    атранспорттә усбарҭа анапхгаҩы Зураб Ҳаџьымбеи,  аҟазацәеи.
Аҳҭны- қалақь ажәытә ҳабла   азааигәара,   убла    заахо   аихамҩа     ахықәаҿы      еилажьу  агәам   ауп.  Анаҩс,   уааигәа  иҟоу  акгьы удырбаӡом амҩа иакəшаз    ашәаҧыџьаҧ.

Аихамҩа   аусуцәа  рзы  даҽа   проблемоуп   зинда   аихамҩа    автомашьынақәа  рахысырҭақәа  рыҟаҵара. Уи  акыр   ишәарҭоуп    ииасуа  рзы.   Избанзар,   аидара,  мамзаргьы    ауаа  мҩанызго   адәыҕба   иахьуҭаху иузаанкылом.  Асеиҧш   аихамҩеихҵәарҭақәа   ҟаҵоуп   аҧсшьарҭақәа    рзааигәара.

Аихамҩа   аихҵәара  азин  ахьыҟоугьы   аҧсҟы   зку    џьоукы    ицоушәа  иаанҿасуашәа   ахәмарра  ианалаго   маҷым.

Ауаа  адәыҕба  шшәарҭоу   шырдыруагьы,  ашәарҭадара  аҧҟарақәа  еиларгозар,  аҧстәқәа  рзы   иуҳәараны  иҟоузеи?!

Аҟәеи  Ҧсоуи   рыбжьара,   Лыхныҟа  абжьаларҭаҿы  аихамҩа     ахысырҭа   акыр  ишәарҭоуп,  џьара  дыргак     шгыламгьы.  Иҳәатәуп, убасгьы адәыҕба шаауа узырбо  афымцалашарақәа  шыҟам. Дара   рышьақәыргылара   аҧара  маҷымкəа   иаҭахуп.  Убри аҟнытә , адәыҕбарныҟәцаҩцәа   дара  ргəы   рыҽшанугьы,   аҧсҭбарақәа  ҟалеит  2015  шықәсазы .

Аҧхынтәи   аҧсшьара мшқәа ирылагаанӡа,  иалыршатәуп   агəам  ақәгара. Ари    аус    нарыгӡароуп   аихамҩа    злысуа  ақалақьқәеи, араионқәеи, ақыҭақәеи  изыхәҭоу     рмаҵурақәа. Еилыхтәуп  ашәаҧыџьаҧгьы.

Арҭ  аусқәа     аныҟаҵамха,   аҧхын  Адлерынтәи  АҞәанӡа  афымцадәыҕба    абжьаҵара    уадаҩхоит,    ирласны   аныҟәара   аҧырхага   ахьаиуагьы  уахь  иналаҵаны.

Егьи    иааидкылан,   амҩа  аҭагылазаашьа    уақәгәыҕыртә  иҟоуп ,- рҳәоит аҳәынҭқарратә  еилакы   « Аҧснытәи аихамҩа»  ахаҭарнакцәа.

Аҧсны   атранспорттә  усбарҭа   аиҳабы  убасгьы  иҳәеит,  АҞәатәи  аихамҩа   аанҿасырҭа  ахыбра   аиҭашьақәргылара  ишалаго.  Уажәы  иаакəыршаны    ахкаара  иаҿуп.

Даур Инаҧшьба, Ельдар Дамиров,  АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ианвар 2018
107
Аҭыжьымҭаҿы:Анцәа аӡы иӡаахра.  Аҧсны ақьырсианцәа иазгәарҭеит аныҳәа хадақәа ируаку.
19 Ианвар 2018
259
“ Қьалашьбеи” иахәаҧшырц еизаз ауаа, аспектакль гәахәарыла ирыдыркылеит, рыгәгьы арҧшааит .
19 Ианвар 2018
289
Шәҩык автоинспекциа аусзуҩцәа злахәыз ареидқәа мҩаҧган мызкы иалагӡан, акциа алҵшәақәа ҳасаб рзуны агәаҭарақәа ирыцҵазарц азыӡбан.
19 Ианвар 2018
104
Уи мҩаҧигеит Аҧсны Аишахаҵаратә уахәама аиҳабы Аб Бассариан Аҧлиа
19 Ианвар 2018
100
Аиҳараҩык уахь инеиуеит Иҧшьоу Василиск иӡыхьцқьа аҟнытә аӡы ргарцаз.
18 Ианвар 2018
219
Загрузка плеера
Алаҳәарақәеи адныҳәаларақәеи
АГТРК