Аилахәыра “Аҟәафон” ацхыраара арҭоит ҳтәылаҿы аспорт аҿиара.

24.02.2016
928

Аилахәыра “Аҟәафон” ацхыраара арҭоит ҳтәылаҿы аспорт аҿиара. Аспортсменцәа ҿарацәа адгылара рыҭара дара рзы итрадициахеит. Ирацәоуп Урыстәыла еиуеиҧшым аспорттә центрқәа рҿы  азыҟаҵара иахысуа аспортсменцәа. Аилахәыра абзоурала ҳкорреспондентцәа ирыман  алшара зхы иақәиҭу ақәҧараз Урыстәыла еизгоу акоманда аҽазыҟаҵара шымҩаҧырго ахәаҧшра.
Зхы иақәиҭу ақәҧара  ҳтәылаҿы аҿиара змоу  ак акәны иҟоуп. Адунеиҿ  уи  аларҵәара бзиа амоуп. Аҧсны ирацәоуп ақәҧшцәа  ари аспорт хкы алызхуа, аха имаҷуп уи зыҧсҭазаара адызҳәалар зҭаху. Аҽазыҟаҵарақәа раан ибзиан зхы аазырҧшуа, азыҟаҵаҩцәа иалыркаауа, Урыстәыла иҟоу аспорттә  центрқәа рахь ирышьҭуеит. Уа дара ироуеит алшара, иалырхыз насгьы ирзыманшәалоу аспорт хказы рҟазара аизырҳаразы, аҧышәа аиуразы.

Урыстәылатәи еизгоу акоманда азыҟаҵаҩ хада Джамбулат Тедеев иазгәаиҭеит, Кавказ иалҵыз аспортсменцәа ҧсабарала ари аспорт хкы ишазыманшәалоу, уи баҩхатәрак аҳасабала ишрыциуа. «Ҳара ҳаигəырҕьоит аҧсуа спортсменцәа Урыстәылатәи акоманда иахьалоу, уи моу, аиааира ахьырго. Денис Царгәыш еиҧш иҟоу аспортсменцәа ирыдаҳҳәалоит ақәҿиара дуқәа раарҧшразы агәыҕрақәа. Иҟоуп уи ишьҭанеиуа аҿарацәа, Русҭам Амҧар, Асланбек Гәармиа реиҧш,» - иҳәеит Џьамбулат Тедеев.

Аҽазыҟаҵара иахысуа аспортсменцәа иахьазы доусы рхықәкы рымоуп. Зыӡбахә адунеи иахыҵәахьоу Денис Царгәыш уажәы хымз рышьҭахь имҩаҧысран иҟоу Урыстәылатәи ачемпионат иҽазыҟаиҵоит, уи алҵшәақәа рыла еилкаахоит Бразилиа имҩаҧысран иҟоу Аолимпида далахәхо далахәымхо. Насгьы, аамҭаказы, игәабзиара иадҳәалоу ауадаҩрақәа ыҟан, аха уажәшьҭа аспортсмен аицлабрақәа дрызхиоуп.


Денис дырхылаҧшуеит иааигәара иҟоу аспортсменцәа ҿарацәа. Иара иҳәеит, аспорт аганахьала аҧеиҧш бзиа шрымоу, аилахәыра Аҟәафон иҟанаҵо ацхыраара дара рзы акыр шаҵанакуа.


Аслан Гәарамиа 19 ихыҵуеит. Иара, ҵыҧх, август мзазы аҿарацәа рыҩныҵҟа имҩаҧысуаз Адунеи ачемпионат аҿы аиааира игеит. Уи аҧхьа, Урыстәыла ачемпионат аҿы актәи аҭыҧ ааникылеит. Усҟан аилахәыра “Аҟәафон” аспортсмен Аифон афбатәи ҳамҭас ирҭеит, иаҧхьаҟагьы ақәҿиарақәа изеиҕьаршьеит.  Аслан Гәарамиа иаҧхьаҟатәи иҧсҭазаара аспорт ада ибом. Иара раҧхьаӡа акәны зхы иақәиҭу ақәҧарахь днеит жәеиза шықәса анихыҵуаз.


Аилахәыра “Аҟәафон” Асланбек адунеи ачемпионат аҿы иигаз аиааира аҳаҭыраз иаздырхиоит аспортсмен дызну абаннерқәа, анаҩс дара Аҧсны ахьынӡа -наӡааӡо икнаҳахоит. Ари, ҳәарада, аспортмен қәыҧш изы игәы ҭызго  ак ауп. Аилахәыра Аҟәафон ахаҭарнакцәа иазгәарҭоит, еиҵагыло аспортсменцәа адгылара рыҭо,  хықәкыс ишрымоу  аспорт иазхьаҧшуа  аҿар рхыҧхьаӡара иҵегь аизырҳара.


Иҳамҳәар ауам , даҽа спортмен қәыҧшк ихьӡ - Русҭам Амҧар . Иара ааигәа Красноиарск имҩаҧсуаз Гран при Иарыгина ҳәа еиҿкаау аицлабраҿы иқәымҿиеит. Атурнир аҿы аиааира игазҭгьы, Европа Ачемпионат ихы алаирхәыр илшон. Ҳәарада, Русҭам иаҵахара игәалаҟазаара бжьнахит, аамҭаказы аспорт ааныжьра дазхәыцит, аха нас игәы хьаҧссеит. Ахықәкы ҿыц алшара изцәырнагеит ихы ҩаҧхьа аус адуларазы.

Хыҧхьаӡара рацәала ахәыҷқәа зхы иақәиҭу ақәҧара рҽазыркуеит ҳәа иаҿуп. Избанзар, иҟоуп урҭ зҿыҧшша ачемпионцәа. Аха, уи азы иаҭахуп хыҧхьаӡара рацәала зхаҭабзиара ҳараку аҽазыҟаҵарҭатә ҭыҧқәа. Аха, ҳтәыла ус еиҧш аҭагылазаашьа амам.

Раҧхьатәи Аҧсны амобилтә еимадара “Аҟәафон” иабзоураны, ҳҭыхратә гәыҧ иаман алшара, иахьа хара иҟоу, уахгьы ҽынгьы хҩахак ҟамҵакәа аҽазыҟаҵарақәа ирҿу ҳаспортсменцәа ҽнактәи рыҧсҭазаара абара. Дара рымчқәа зегьы ааизакны, Аҧсны аӡбахә иаҳа ирацәаҩны ирдырырц иашьҭоуп. Ҳаргьы  иаҳдыруазароуп ҳчемпионцәа рыхьӡқәа.

Альбина Жьиҧҳа, Беслан Џьынџьал, Адлер, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
85
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
130
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК