Гәылрыҧшь араион актив ризараҿы иаҳхысыз ашықәс аихшьаалақәа ҟарҵеит.

25.02.2016
858

Гәылрыҧшь араион ахадара афинанстә ҟәша ажәахә аҟны ишазгәаҭоу ала,   араион абиуџьет алагалатә хәҭа ҧшьынҩажәи жәба процент роуп иахьынагӡоу.  Ашәахтәқәа жәа-хкык рҟынтә инагӡоуп фба. Инагӡам иреиуоп аилакқәеи аилахәырақәеи рҟынтә  абиуџьет иаланагало ахашәалатә хәҭа. Иара убасгьы абна ахархәаразы иарбаз ашәахтәи, адгьыли амазареи ирықәу ашәахтәқәа.

Абиуџьет аныхратә хәҭаҿы ашықәс алагамҭазы  иарбаз аҧарақәа раасҭа еиҵаны иныхуп, убас ала,  аныхратә хәҭа нагӡоуп 87 процент рыла. Ажәахә ҟаҵаҩы, араион афинанстә ҟәша аиҳабы Самвел Топчиан иажәақәа рыла, абиуџьет анагӡараҿы ауадаҩрақәа ыҟазаргьы, еихыршьаало аамҭа аҩныҵҟа ирацәоуп зыӡбара алыршаз  азҵаарақәа. Урҭ иреиуоуп араионаҿы аус зуа аилакқәеи аилахәырақәеи ршәахтә лагалақәа ахьеиҳахаз. Самвел Топчиан игәаанагарала, уи абзоуроуп ашәахтә алхра напынҵас измоу аҟәшақәа русура ахьҳәаақәҵоу. Гәылрыҧшь араион ахада Беслан Бараҭелиа ажәахәҟаҵаҩ иахь ихы рханы иҳәеит, афинанстә ҟәша аусура иҵегь еиҕьзар шахәҭоу. «Ҩнызқьи жәафтәи ашықәс анҵәамҭаз ҳаихшьаалақәа ҩнызқьи жәохәтәи ашықәс атәы аасҭа еиҕьхар ауп»,-ҳәагьы азгәаиҭеит иара.

Анаҩстәи ажәахә азкын Гәылрыҧшь араион аҩныҵҟатәи аусбарҭа аҟәша аусура. Уи аусбарҭа аиҳабы Дмитри Гəаланӡиа иқәгылараҿы иҳәеит, аихшьаалатә аамҭа аҩныҵҟа араион аҿы аҭыҧ шрымаз 71 цәгьаура. Урҭ рахьтә иаарҧшуп 57.Иаарҧшым рыбжьара иҟоуп ақәыларақәа, изакәанымкәа абџьар аҵәахра, анаркотикатә маҭәашьарқәа рыҵәахреи, рыҭиреи, рхархәараеи ирыдҳәало аусқәа. Ашәҟәы иҭагалаз ацәгьаурақәа рҟынтә 28 ҧхьаӡоуп ихьанҭоу рахь. Дмитри Гəаланӡиа иҳәеит, амилициа аусзуҩцәа иҳаҩсыз ашықәсазтәи русура ахә бзианы ишишьо. «Аха, уи иаанагаӡом аихьӡарақәа рҿы иаанкылатәуп ҳәа. Адҵақәа ықәыргылоуп, иҟоуп ахықәкы алҵшәақәа реиҕьтәраз»,-ҳәа азгәаиҭеит иара.

2015-тəи ашықәс азы Гәылрыҧшь араион аҿы аҵара аҟәша имҩаҧнагаз аусурақәеи, урҭ рылҵшәақәеи ртәы далацәажәеит аҵара аҟәша аиҳабы Дмитри Габлиа. Иара ишиҳәаз ала, ахыбра аҭагылазаашьа ахьыуашәшəырази, ашкол иҭоу  ахәыҷқәа рхыҧхьаӡара зынӡа ихаьмаҷызи ирхырҟьаны, араион аҿы аус зуаз Маршьанихәытәи ашкол аркуп,  аҵаҩцәа ииаргеит  Ҵҟыбыни Кациқыҭи рҿы иҟоу ашколқәа рахь. Иахьа араион аҿы аус руеит жәиҧшь школ. Иааидкыланы иуҳәозар, урҭ ирҭоуп 1725 -ҩык аҵаҩцәа. Ашколқәранӡатәи аҵараиурҭа акоуп иҟоу, уахь иныҟәоит шәи жәаҩык ахәыҷқәа. Ажәахәҟаҵаҩы иҳәеит, араион ашколқәа рҿы  арҵаҩцәа шазымхо.  «Аҿар ааиуеит, аха урҭ ақыҭақәа рҿы аус аура рҭахӡам», ҳәа азгәаиҭеит иара. Аҭыҧ амоуп аҵаҩцәа ақыҭа школқәа ааныжьны ақалақьтәқа рахь рыиасрагьы.

Араион акоммуналтә усбарҭа аиҳабы    Даур Делба   иажәақәа рыла, араион ахадара рыцхыраарала 2015 шықəса рзы иӡбаз азҵаарақәа иреиуоуп аӡымҩангагақәа рыҧсахра, анасостә станциақәа аремонт рзура уҳәа 2014 шықәса рзы зыӡбара алыршамыз, араион ауаасҧыра зыргәамҵуаз азҵаарақәа жәпакы. « Аха уи иаанагаӡом араион акоммуналтә усбарҭа иадҳәалоу     азҵаарақәа зегьы рҭыҧ иқәуп ҳәа»,-азгәаиҭеит Даур Делба. Иара иажәақәа рыла, макьана иҟаҵатәу рацәоуп.  Акоммунатә усбарҭақәа ирымоу ауадаҩрақәа Аҧсны зегьы изеиҧшуп. Избан акәазр, шамахамзар ақалақьқәеи араионқәа зегьы рҿы арҭ азҵаарақәа комплексла ирызнеины иӡбатәуп.  
            
Гәылрыҧшь араион ахада Беслан Бараҭелиа иҳәеит,   акоммуналтә усбарҭа аусура ахә бзианы ишыишьо. Убри аан иара иҳәеит, аҟәшақәа зегьы рнапхгаҩцәа рымч рылша азыркыр шакәу 2016-тəи ашықәс азы иқәыргылоу адҵақәа рынагӡара.

Елана Лашәриа, Ельдар Дамиров, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Маи 2018
6
Астудиа «Ама Рекордс» амузыкантцәа ҿыц аус рыдырулеит ижәытәӡатәиу аҧсуа жәлар рашәақәа.
22 Маи 2018
4
Уи авторс дамоуп, апрофессор, ажурналист, афилологиатә наукақәа рдоктор Екатерина Бебиаҧҳа.
22 Маи 2018
6
Ашкол анапхгара ауадақәа руак аҿы еиҿыркааит Кьыршьал Чачхалиа ифотоцәыргақәҵа.
22 Маи 2018
3
Урҭ аҕба маҷқәеи анышьқәеи зырныҟәо азин рымоу ирымаму еилыркаауеит.
21 Маи 2018
5
Аҭыжьымҭаҿы:Аибашьра аасҭа еицәахаз. Аҧсны иазгәарҭоит Кавказтәи аибашьра иалаӡыз ргәаларшәара амш.
21 Маи 2018
3
Иҟаҵатәузеи ақалақь ахьчаразы? Иактуалтәу анҵамҭа.
Загрузка плеера
Алаҳәарақәеи адныҳәаларақәеи
АГТРК