Агәыҳалалартә фонд «Абхазия» «Москва аҩны» афинанстә цхыраара рхы иархәаны акциа иацырҵоит.

25.02.2016
1130

Уи аҳәаақәа ирҭагӡаны, Тамшьтәи ашкол-интернат ҳамҭас иарҭеит аҵараҿы ирыхәаша амаҭәарқәа.

Акомпиутер, апринтер, апроектор, уҳәа  арҭ атехникатә хархәагақәа  ашкол аҿы акыр аамҭа раахыс  ирҭахыз ракәны  иҟан. Иахьатәи аамҭазы ара аҵара рҵоит 70-ҩык ахәыҷқәа. Аинформатика аурокқәа зегьы практикада акәын ишымҩаҧысуаз. Ашкол аҿы ирымаз акомпиутер жәытәқәа ирзыҧҵәаз аамҭа иахысхьан, аус рыуӡомызт. Уажәы аҵаҩцәа алшара роуеит азыҟаҵарақәа раан иҿыцу атехника ахархәаразы. Ҳаамҭазтәи  ашкол акомпиутертә еиқәыршәагақәа хымҧада иамазароуп, убри аҟнытә ари аҳамҭа ахә ҳаракны иршьоит аҵарауирҭа  анапхгара.

Ари аҩыза акциа афонд «Абхазия» атәыла еиуеиҧшым ашколқәа рҿы имҩаҧнагахьеит. Актәии аҩбатәии Галтәи ашколқәа рҿы, Аҭаратәи, аҳҭны-қалақьтәи абжьаратәи ҵараиурҭақәи уҳәа рҿы. Агәыҳалаларатә фонд агәҭакқәа ируакуп, даҽа ҧшь-школк компиутерла реиқәыршәара. Ари аҩыза аус амҩаҧгараҿы адгылара рнаҭеит «Москва аҩны».

Ашкол иақәнагоу атехникалеи ашəҟәқәеи рыла реиқәыршәаразы афонд «Аҧсны» аинформациа еиднакылоит раҧхьаӡа иргыланы ацхыраара ахьыҟаҵатәу, аҭагылазаашьа ҭырҵаауеит. Анаҩс акциа еиҿыркаауеит. Афонд аусура ахырхарҭа хадақәа ируакуп – аҵаҩцәа змоу иҕару аҭаацәарақәа ацхыраара рыҭара. Иара убас ,ҳтәыла ақалақьқәеи ақыҭақәеи рҿы иазымхо абжьаратәи-иҷыдоу аусуратә занааҭқәеи заурц зҭаху адгылара рыҭара. Афонд аусзуҩцәа ражәақәа рыла, иаарласны дара ргәы иҭоуп Аҧсны Мрагыларатәи ахәҭаҿы иҟоу ашколқәа жәпакы акомпиутертә  техникала реиқәыршәара.

Сима Аргәын, Сариа Смыр, Ҭемыр Гогохьиа. АТ  


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
17
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
21
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
29
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
Алаҳәарақәеи адныҳәаларақәеи
АГТРК