Очамчыра иаатит араионтә библиотека ашәқәа.

25.02.2016
950

Ашәҟәқәа рфонд ҩажәа нызқь цыра инареиҳауп. Иаарласны аусура иалагоит аелектронтә библиотекагьы.

Очамчыра абиблиотека аартра хҭыс бзиахеит уи акыраамаҭа иазыҧшыз рзы. Еизнагеит хыҧхьаӡара рацәала ауааҧсырагьы. Иахьа абиблиотека еиднакылоит жәа-нызқь инарзынаҧшуа ашәҟәқәа. Урҭ рахьтә ҧшь-нызқь ахәыҷтәы литература ауп.  Асҭанда Сабекьиаҧҳа шықәсқәак роуп абиблиотека ахәыҷтәы ҟәша напхгара алҭоижьҭеи. Лара илҳәоит, ажәытә хыбраҿы ахәыҷқәа рзы ашәҟәқәа рцәыргақәҵарагьы аҭагылазаашьа шрымамыз.

Ашәҟәқәа реиҳарак  рҭыҧқәа ааныркылахьеит. Инхаз  реилыргаразы аусурақәа  цоит, уи аҧхьаҩ ҧырхага инаҭом,  лҳәоит абиблиотека аиҳабы Виолетта Иванба.

Очамчыратәи абиблиотека аиҭашьқәыргыларзы аусурақәа хыркәшан ҩнызқьи жәеиза шықәса рзы, аха иақәнагоу амаҭәахәқәа рыла еиқәыршәамызт.  Сынтәа Очамчыра араион ахадара рыбзоурала, иаахәан уи  иагыз зегьы.

Ари абиблиотека иаарласны ҧшьынҩажәи шықәса ахыҵуеит. Аибашьра ҟалаанӡа, ҳтәылаҿы абиблиотекақәа иреҕьқәоу ируакын, ашәҟәқәа рфонд дуун.

Иахьа ашәҟәқәа рхыҧхьаӡара усҟак ирацәамзаргьы, аҧхьаҩ иалиҧшаар илшоит  ииҭахыу. Араҟа иҟалоит аелектронтә библиотекагьы.

Абиблиотека аартра аҳаҭыраз асасцәа ҳамҭас иарҭеит афонд хазырҭәааша ашәҟәқәа. Асасцәагьы ирзырхиан аҳамҭа. Раҧхьа зыҽҭазҩыз аҧхьаҩ иоур илшон ашәҟәы.

Альбина Жьиҧҳа, Беслан Чхьынџьериа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
129
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
119
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
140
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
107
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
91
15 Август 2018
73
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК