Ихыркәшоуп Аҧсны аделегациа Ҟарачы-Черкесск рыҟазаара.

29.02.2016
725

Ҟарачы-Черкессктәи ареспубилкаҿы хымштәи русутә визит хдыркәшеит   Аҧсны ашәарҭадаратә хеилак амаӡаныҟәгаҩ Муҳамед Кьылба напхгара зиҭоз аҧсуа делегациа. Уи иалан Аҧсны акультуреи, аҭоурыхтә культуратә ҭынха ахьчареи рзы аминистр Ельвира Арсалыиа, Аҳәынҭқарра ахада иабжьгаҩ Владимир Занҭариа, аҿар рполитиказы аҳәынҭқарратә еилакы ахантәаҩы Алиас Аҩӡба.  

Аделегациа аусутә ныҟәара хацыркын Ҟарачы-Черкессктәи аиҳабыра рхантәаҩы Руслан Казаноков иҧыларала. Асасцәа аҧсшәа раҳәо, Руслан Казаноков иҳәеит, Аҧсни Ҟарачы-Черкесски ирыбжьоу аиҩызаратә еизыҟазаашьақәа есааира рыҽшдырҭбаауа. «Уи ҳара ҳзы гәахәара дууп»,-ҳәа азгәаиҭеит иара. Ҳделегациа ахаҭарнакцәеи аҧшәмацәеи агәаларшәагатә ҳамҭақәа еимырдеит. Анаҩс аиҧылара мҩаҧысуан амассатә информациа ахархәагақәа рхаҭарнакцәа аламырхәӡакәа. Уи анхыркәшаха ашьҭахь, Ҟарачы-Черкессктәи ареспублика акультура аминистрраҿы имҩаҧган апресс-конференциа.

Ҩ- республикак   ркультура аминистррақәа рнапхгаҩцәа Ельвира Арасалыеи, Мадина Гоговеи, иара убас Аҧсны ахада иабжьгаҩ Владимир Занҭариеи ажурналистцәа рызҵаарақәа рҭакқәа ҟарҵеит.

Иазгәаҭатәуп, ҳазҭоу ашықәс ианвар мзазы Мадина Гогова дызлаз Ҟарачы-Черкессктәи ареспублика аҟынтә аделегациа усутә визитла Аҧсны иааны ишыҟаз. Усҟан имҩаҧгаз Аҧсны аиҳабыреи аделегациа ахаҭарнакцәеи реиҧыларақәа раан, ирылацәажәан ҩ-ганктәи аусеицура азҵаарақәа.

Уажәтәи аиҧыларақәа раангьы урҭ азҵаарақәа еиҭашьҭыхын. Аҧснытәи аделегациа Ҟарачы-Черкесск рыҟазаара аҳәаақәа ирҭагӡаны, иаҭааит Абазатәи араион ақыҭа Ҧсыж. Ари аул аҟны Ҟарачы-Черкесск зегьы реиҳа ирацәаны абаза хылҵшьҭрақәа нхоит. Иааидкыланы иуҳәозар, ауааҧсыра рхыҧхьаӡара жәа-нызқьҩык иреиҳауп.

Аделегациа ахаҭрнакцәа мҩахыҵит уажәы ааигәа ахархәаразы ирыҭаз аспорттә комплекс ахь. Арахь ес-ҽны еиуеиҧшым аспортә хкқәа рыла аҽазыҟаҵаразы иныҟәоит хышәҩык иреиҳаны ақыҭа хәыҷқәа. Изагәаҭатәуп, Ҧсыж уаанӡа аиҧш-зеиҧшу акомплекс шыҟамыз. Иара ргылан Ҟарачы-Черкесск ахада аспорт арҿиаразы имҩаҧиго апрограмма ала.

Ари аҭыҧ аҿы Аҧснытәи аделегациа дырҧылеит Абазатәи амуниципалтә раион аиҳабы Муҳаџьыр Ниров. Аицәажәараан Муҳаџьыр Ниров иҳәеит, аҵыхәтәантәи ашықәсқәа рзы ари араион аҿы аҭагылазаашьа аҽшаҧсахыз. Араҟа инхо ауааҧсыра рхыҧхьаӡара есааира ишазҳауа.

Асасцәеи аҧшәмацәеи еицны ирҭааит ахәыҷбаҳчақәа ҩба. Руак аҿы аиҭашьақәыргыларатә усурақәа мышқәак раҧхьа ихыркәшан, ахәыҷбаҳча иаарласны  иаадыртуеит. Аҩбатәи акәзар, уигьы ҿыц еиҭашьақәыргылоуп аха уи аус ауеит, уажәазы уахь иныҟәоит ханҩажәи жәаҩык ахәыҷқәа.

Аделеагциа аҭааит Ҧсыжтәи абжьаратә ҵараиурҭагьы. Иара абри амш аҽны асасцәа аҭааит Карачаевск ақалақь. Ашәҭқәа шьҭаҵан зқьи жәшәи ҩынҩажәи хҧа шықәса рзы ахҵәара иақәыршәаз абаза жәлар рыхьӡ ала игылоу абаҟа аҿы. Асасцәа идырбан Архызтәи аӡынтәи акурорт. Ари акурорт Ҟарачы-Черкессктәи ареспублика абиуџьет шьақәзыргыло аобиект хадақәа ируакуп. Иара аӡын аамҭазы иаҭаауа аҧсшьаҩцәа рхыҧхьаӡара акыр ирацәоуп. Аҧхын акәзар, ари аҭыҧ еиҳаракгьы рхы иадырхәоит еиуеиҧшым аиҧыларақәеи, анаука-ҭҵааратә конференциақәеи рымҩаҧгарақәа рзы.

Аҧсуа делеагациа ахаҭарнакцәа ирбаз даара иргәаҧхеит. Иазгәарҭеит асеиҧш акурортқәа реиҿкааразы ҳтәылаҿгьы аҧсабаратә лшарақәа шыҟоу. Ҟарачы-Черкесск атуризми акурорти аҿартә политикеи рзы аминистр Анзор Еркенов асасцәа ирзеиҭеиҳәеит, Архыз арҭбааразы иҟоу агәҭакқәа ртәы. Урҭ инарықәыршәаны, иазҧхьагәаҭоуп аҧсшьаҩцәа рзы амҩахәасҭа ҿыцқәа ралгара, ашахатә мҩақәа рыргылара.

Аделегациа Ҟарачы-Черкесск рыҟазаара аҵыхәтәантәи амш азы ирыҭаз ааҧхьара инақәыршәаны, рхы аладырхәит акапиталтә ремонт ашьҭахь зышәқәа еиҭаазыртыз асахьаҭыхратә галлереиа аартра. Ари  ацеремониа далахәын Ҟарачы-Черкесск ахада Рашид Темрезов. Агаллереиа аартра аҽны аҭааҩцәа рзы ицәыргақәҵан «Кавказ алегендақәа» ртемала инагӡаз ханҩажәи хҧа ҿыхынҵа. Иқәгалаз аиҳабыра рхаҭарнакцәеи ареспублика ахадеи инаҵшьны иазгәарҭеит, арҭ амшқәа рзы исасцәаны ишырҭоу аиашьаратә ҳәынҭқарра аҟынтә аделеагциа.Агаллериа аартраҿы ажәа змаз Аҧсны акультуреи, аҭоурыхтә культуратә ҭынхақәа рыхьчареи рзы аминистр Ельвира Арсалыиа иҭабуп ахылҳəааит ирыҭаз агәцаракреи адкылареи рзы. Лара иазгәалҭеит, агәра ганы дшыҟоу, ҩ-ганктәи аусеицуразы иҟоу агәҭакқәа зегьы алҵшәа биазқәа шаарго.

Абас ала, ихыркəшан Аҧснытәи аделеагциа Ҟарачы- Черкессктәи ареспубликаҿы русутә визит. Аҧсуа делегациа амҩахь инаскьаго, аҧшәмацәа иазгәарҭон асеиҧш аиҧыларақәа еснагь ишреигәырҕьо адгыларагьы шрырҭо. Убри аан иҳәан, Аҧсни Ҟарачы-Черкессктәи ареспубликеи риашьартә еизыҟазаашьақәа рҭоурых ажәытәра иагәылсны ишаауа.Адлегациа ахаҭарнакцәа ражәақәа рыла, имҩаҧгаз аиҧыларақәа рҿы излацәажәаз азҵаарақәа хара имгакәа аус рыдулара иалагоит. Аусеицура мҩаҧыслоит мҽхакыҭбаала, еиуеиҧшым ахырхарҭақәа рыла.

Алиас Корсаиа, Роберт Ломиа, Ҟарачы-Черкесск, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ноиабр 2017
128
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
21 Ноиабр 2017
102
Сынтәатәи афестиваль аҿы иалкаан ф-фильмк. Убри аан, сынтəа агран-при алкаамызт.
21 Ноиабр 2017
103
Уи азкуп археорлог-кавказҭҵааҩ МихаилҬраҧшь и-шәышықәсхыҵра .
21 Ноиабр 2017
77
Ирылацәажәон Аҧсны инхо Урыстәыла атәылауаа амедицинатә ҧгаҧса рыҭарарзы аиқәшаҳаҭра анагӡашьа азҵаарақәа.
21 Ноиабр 2017
88
Ирылацəажəеит Санкт- Петербург имҩаҧысыз жәларбжьаратәи акультуратә форум алҵшәақәа.
20 Ноиабр 2017
139
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
Загрузка плеера
Алаҳәарақәеи адныҳәаларақәеи
АГТРК