Апрель 3 рзы Аҧсны араионқәа зегьы рҿы, Гал араион ада, имҩаҧысраны иҟоуп ақалақьтә еизарақәа рахь алхрақәа.

29.02.2016
1022

Апрель 3 рзы Аҧсны араионқәа зегьы рҿы, Гал  араион ада, имҩаҧысраны иҟоуп ақалақьтә еизарақәа рахь алхрақәа. Март 23 рзы ихацыркын адепутатрахь  акандидатцәа рзы аҧшьгаратә гәыҧқәа ашәҟәы рҭагалара.
Аҟәа ақалақь алхратә комиссиаҿы февраль 29 рзы  ашәҟәы иҭагалоуп  адепутатрахь  акандидатцәа рзы а-29-тәи аҧшьгаратә гәыҧ. Хынҩажәаҩык рнапы зҵарҩыз ашәҟәқәа иманы алхратә комиссиахь дааит аҧшьгаратә гәыҧ анапхгаҩы. Анаҩс, акандидат иҩыроуп арзаҳал дшақәшаҳаҭхо алхрахь ихы ақәыргылара, автобиографиа. Аҧшьгаратә гәыҧқәа иааргаз анапаҵаҩрақәеи акандидатцәа иадырбаз аинформациеи ангәарҭалак ашьҭахь, март 14 инаркны 23-нӡа адепутатрахь кандидатцәас ашәҟәы иҭаргалоит.

Иҳәатәуп, «Аҭыҧантәи алхрақәа» рзакәан иалагалоу аиҭакрақәа инарықәыршәаны, адепутатрахь акандидат аусӡбара имамзароуп, насгьы анаркотикатә маҭәашьарқәа шидимкыло азы агәаҭара дахысроуп. Ареспубликатә наркологиатә хәышәтәырҭа алабораториаҿы атест иахысхьеит жәохә-ҩык.

Уажәтәи алхрақәа ирылагалоу аиҭакрақәа иреиуоуп, иара убас адепутатрахь акандидатцәа рықәра.  25 шықәса иреиҵаны ирхыҵуазар, рықәыргылара  азин ыҟаӡам.

Зынӡа, Аҟәа иахьаҵанакуа иҟоуп алхратә ҭыҧқәа 26.  Аҳҭнықалақь аҿы абжьаҭара зылшо ауааҧсыра рхыҧхьаӡара 40 нызқь-ҩык иреиҳауп. Алхратә комиссиаҿы изларҳәаз ала, иҟоуп алхырҭатә ҭыҧк аҿы ҩыџьа-хҩы акандидатцәа ахьықәгыло. Ажәафтәи алхырҭатә ҭыҧ аҿы урҭ рхыҧхьаӡара наӡоит хә-ҩык рҟынӡа.

Амра Амҷҧҳа, Саид Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
3
Уаҟа ахәаҧшцәа идырбан Фазиль Искандер иҩымҭала иқәыргылоу аспектакль «Ажьақәеи арқьымаҭқәеи ».
62
Аҭыжьымҭаҿы:Адепутатцәа ирыӡбеит апарламент аилатәарақәа ишиашоу ицо аефир ала дырбара.
30
Аҧсны аҵара аминистрра Аиааира 25 шықәса ахыҵреи ҳтәыла ахьыҧшымра азхаҵара аиужьҭеи 10 шықәса аҵреи инарымаданы, еиҿнакааз ашколхәыҷқәа рсахьаркыратә ҧхьара аконкурс.
146
Аҳəынҭстандарт аинспекторцәа – аилахәыра «Север-1 » иатәу афатә аалыҵқәа рышьҭаҵарҭа агәаҭарақәа ирыхрыжьит .
Алаҳәарақәеи адныҳәаларақәеи
АГТРК