Хә-ҩык ажуралистцәа иранашьоуп Аҧсны Ажурналистцәа Реидгыла апремиақәа.

29.02.2016
895

Ари аконкурс амҩаҧгара уажәшьҭа итрадициахеит. Иара   есышықәса имҩаҧыргоит, аха, атемақәа рҽырыҧсахуеит.  Алауреатцәа апремиақәа ранашьараҿы Аҧсны ажурналистцәа  Реидгыла ахантәаҩы Владимир Қапба иазгәеиҭеит, аконкурс  ахь инашьҭыз  аматериалқәа рхыҧхьаӡара шырацәамыз,   жәба ишреиҳамыз . Убри аан, иҳәеит араионтә кьыҧхьтә ҭыжьымҭақәа рҟынтә ари аконкурс азы апубликациақәа шазырхиамыз.

Ҩнызқьи жәохә шықәса Аҧсны раҧхьатәи Ахада ишықәсны иахьрылаҳәаз инамаданы, Аҧсны Ажурналистцәа Реидгыла ахеилак имҩаҧнагеит аконкурс «Уи иҧсҭазаара зегьы ижәлар ирызкын» ҳәа. Аконкурс аихшьаалақәа рыла, «Аҧсны еиқәзырхаз сара дшыздыруаз» зыхьӡу агазет “Аҧсны” ианылаз астатиазы, уи автор  Боча Аџьынџьал ианашьан актәи аҭыҧ. Алауреат апремиа аиурахь дзымааӡеит игәамбзиара иахҟьаны.

Аҩбатәи аҭыҧ еиҩыршеит «Простота и величие. И величие в простоте» зыхьӡыз агазеҭ «Респубилка Абхазия» ианылаз Лилиана Иаковлева лыстатиеи,  агазеҭ «Амш Ҿыц» ианылаз, Владислав Арӡынба изкыз  Гәыгәыца Џьыкырба   лматериалқәа рцикли.

Ахҧатәи аҭыҧ агеит Аҧсуа телехәаҧшрала идырбаз, ажурналист Емма Хәаџьаа лдырраҭара «Иалкаау». Ахҧатәи аҭыҧ анашьан иара убасгьы, агазеҭ «Аҧсны ианылаз» «Аамҭа иазымдыруа ахаҿсахьа» захьӡу Дмитри Быҭәба истатиа. Апремиа алуреатцәа иранашьан адипломқәеи аҧаратә ҳамҭақәеи. Ажурналистцәа рықәгыларақәа рҿы ирҳәеит, Влаидслав Арӡынба итема иҭамбаӡо ӡыхьны ишыҟоу. Акыр ишыуадаҩу уи изкны аҩра.

Ажурналистцәа Реидгылаҿы ишазгәарҭаз ала, иаарлсны ирылаҳәахоит ҩнызқьи жәаф шықәса рзтәи аконкурс атемагьы. Уи рхы аладырхәырц рылшоит ашколқәра иаҵанкуа инадыркны аиҳабыратә абиҧарақәа рхаҭарнакцәа рҟынӡа.

Апремиа алауреатцәа иранаршьо аҧаратә ҳамҭақәа есышықәса еиҳахоит. Сынтәатәи аконкурс афонд ишьақәнаргылеит ханҩажәи жәаба нызқь мааҭ.

Елана Лашәриа, Артур Каландиа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
123
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
113
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
130
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
101
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
91
15 Август 2018
71
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК