Ишҧеиҿкаахо аполитикатә консультативтә хеилак аусушьа?

01.03.2016
565

Атәыла  Ахада иҟны    иаҧҵахо   аполитикатә  консультативтә хеилак   аусура шеиҿкаахо   иалацәажәеит  Рауль Ҳаџьымба аполитикатә партиақәеи,  ауаажәларратә еиҿкаарақәеи рнапхгаҩцәа алархәны    имҩаҧигаз   аиҧылараҿы.

Аҧсны Ахада иҟны  иаҧҵахо  аполитикатә консультативтә хеилак аусура хықәкыс иамоуп    аҳәынҭқарразы    хра злоу    азҵаарақәа    ирылацәажәаны   гәаанагарак    азнеира.  Уи    аусура  рыҽшаладмырхәуа   атәы  рҳәахьеит   аполитикатә партиа  « Амцахара»  анапхгара. Аха   егьырҭ  апартиақәеи, ауаажәларратә еиҿкаарақәеи  аусеицура    мап  ацәыркӡом.

Атәыла  Ахада  убасгьы иҳәеит,   аполитикатә консультативтә   хеилак    аусура  аҽалархәра    зҭахыу  рзы  ашәқәа шаарту. Иазгәеиҭеит, ахеилак  аҿы излацәажәо    азҵаара уи иалахәу реиҳараҩык ақәшаҳаҭзар,ишрыдыркыло.  Рауль Ҳаџьымба иажәақәа рыла,    ахеилак  аусура  акыр ихәарҭахоит аиҳабыреи, ауаажәларреи    реимадара  аус  аҟны.

Жәлар рпартиа  ахада   Иакəыб  Лакоба  иазгәеиҭеит,  раҧхьаӡа  акәны атәыла Ахада иҟны аполитикатә    консультативтә   хеилак   шаҧҵоу. Уи акыр ишхадоу агәаанагарақәа    рышьақәргыларазы.

Аполитикатә консультативтә хеилак  апартиақәа    рхаҭарнакцәа   рыла  мацара ишьақәгылазароуп,  ҳәа  имаз  агәаанагара   даҽазныкгьы ирҵабыргит  апартиа «Иаку  Аҧсны»  ахантәаҩы Сергеи Шамба. Ари агәаанагара    адгылара  азыҟанаҵоит Аҧсны аекономикатә ҿиара  апартиагьы.  Аха   уи иақәшаҳаҭым   ауаажәларратә еиҿкаара  «АХЬАЦА»  аиҳабы  Ахра  Бжьаниа,   апартиа  «Аҧсны жәлар  ракзаара»  афорум   аиҳабы  Даур Аршба,    ауаажәларратә еиҿкаара  «Аҧсадгьыл» анапхгаҩы Беслан  Ешба,  аибашьцәа рветерантә еиҿкаара  « Аруаа»  анапхгаҩы    Илиа  Гәыниа.

Атәыла  Ахада  Иусбарҭа  аиҳабы    Асҭамыр Ҭаниа иҳәеит,  ауаажәларратә еиҿкаарақәагьы  еидыркыло   рхыҧхьаӡара шмаҷым.  Убри аҟнытә, дара   ахеилак   аҿы  рыҟазаара     аҭахны    иҧхьаӡоит.   Аиҧылара хыркәшо, Рауль Ҳаџьымба иҳәеит, атәыла анапхгара ишырҭаху аполитикатә ҭагылазаашьа    аҭышәныртәалара.

Даур Инаҧшьба, Алықьса  Агәхаа,  АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ноиабр 2017
117
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
21 Ноиабр 2017
92
Сынтәатәи афестиваль аҿы иалкаан ф-фильмк. Убри аан, сынтəа агран-при алкаамызт.
21 Ноиабр 2017
99
Уи азкуп археорлог-кавказҭҵааҩ МихаилҬраҧшь и-шәышықәсхыҵра .
21 Ноиабр 2017
69
Ирылацәажәон Аҧсны инхо Урыстәыла атәылауаа амедицинатә ҧгаҧса рыҭарарзы аиқәшаҳаҭра анагӡашьа азҵаарақәа.
21 Ноиабр 2017
86
Ирылацəажəеит Санкт- Петербург имҩаҧысыз жәларбжьаратәи акультуратә форум алҵшәақәа.
20 Ноиабр 2017
133
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
Загрузка плеера
Алаҳәарақәеи адныҳәаларақәеи
АГТРК