Ашәахтәқәеи аизгақәеи рзы аминистрреи аҳәынҭқарратә миграциатә маҵзуреи шьҭарнахыс русеицура ҳәаақәҵахоит.

01.03.2016
1004

Уи азы  арҭ аусбарҭақәа рнапхгаҩцәа Рауф Цымцбеи Алықьса Џьынџьали Аиқәшаҳаҭра рнапы аҵарҩит.

Ари Аиқәшаҳаҭра анапы аҵаҩра ҵаҵҕәыс иаиуит  амиграциатә хылаҧшра аусура арҕәҕәара. Иара убасгьы, ашәахтәқәеи аизгақәеи рзы аминистрра  Аҧсныҟа усура ҳәа иаауа аҳәаанырцәтәи атәылауаа ирылырго ашәахтә аизгараҿгьы ацхыраара ҟанаҵоит. Ари адокумент адкылара аҧшьызгаз амиграциатә маҵзура аиҳабы Алықьса Џьынџьал иажәақәа рыла, Аиқәшаҳаҭра инақәыршәаны, адокумент знапы аҵаҩыз  аҩ-ганкгьы русеицура ҳәаақәҵахоит.

Иҟоу астатистикатә рбагақәа рыла, Аҧсныҟа иаауа  амигрантцәа рхыҧхьаӡара есышықәса иазҳауеит.  Уажәазы ашәҟәы иҭагалоуп ҧшь-нызқьи хәышәҩык инарзынаҧшуа.  Урҭ рыҩныҟақәа  рахь ирышьҭуа аҧара аҳәынҭқарратә биуџьет иаларгало аасҭа акырынтә еиҳауп. Насгьы, ихымҧадатәны ирықәу ашәахтә ашәара зҽацәхьазкуагьы маҷыҩӡам. Ари  аиқәшаҳаҭра иабзоураны иалыршахоит аҳәынҭқарра абиуџьет иацәыӡуа аҧарақәа ралагалара. Избан акәзар, уажәшьҭа аусуразы азин шрымоу шьақәзырҕәҕәо  ихымҧадатәу  ашәҟәы рырҭалаӡом, ашәахтә шыршәаз азы аршаҳаҭга ада.

Ашәахтәқәеи аизгақәеи рминистрраҿы иазгәарҭоит, дара ари  аҩыза Аиқәшаҳаҭра уажәаҧхьагьы анапаҵаҩтәын ҳәа шыраҧхьаӡо. Избан акәзар, амиграциатә маҵзура ашәахтәқәа рминистрра иарҭо аинформациа иабзоураны, ашәахтәқәа ылзхуа ирдыруазаауеит  ашәҟәы иҭагалоу аҳәаанырцәтәи амигрантцәа Аҧсны рнапы злакуи, урҭ аус ахьыруа аҭыҧқәеи.

Ашәахтәқәеи аизгақәеи рминистрра аусзуҩцәа ражәақәа рыла, макьана изаацәоуп ари Аиқәшаҳаҭра иабзоураны абиуџьет иаланагало аҧара атәы алацәажәара. Аха, хымҧада аизгатә рбагақәа ҩнызқьи жәохә шықәса рзтәи аасҭа еиҳахоит. Аиқәшаҳаҭра амчра аиуит анапы анаҵарҩы инаркны.

Елана Лашәриа, Ҭемыр Гогохьиа, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Август 2018
18
Аҭыжьымҭаҿы:Усутә визитла. Аҧсны Ахада Рауль Ҳаџьымба дидикылеит Урыстәыла Ашәарҭадаратә хеилак амаӡаныҟәгаҩ ихаҭыҧуаҩ Рашид Нургалиев.
20 Август 2018
13
Кореиатәи ахәаахәҭра ааглыхратә палатеи дареи рыбжьара аусеицуразы аиқәшаҳаҭра рнапы аҵарҩит.
17 Август 2018
7
17 Август 2018
12
Уи иалахәын ахәыҷтәы вокалтә гәыҧ «Анасыҧ» ашәаҳәаҩцәа қәыҧшцәа.
17 Август 2018
8
Ақәҵара инақәыршәаны, атәанчаҩцәа ахәшәқәа рыхәҧса ҩажәи хәба процент агырханы иаархәартә алшара рымоуп.
Загрузка плеера
Алаҳәарақәеи адныҳәаларақәеи
АГТРК