2015-2016-тəи ашықәс актәи азыбжазтәи аусура аихшьаала ҟаҵан аҵара министрра имҩаҧнагаз аколлегиаҿы.

01.03.2016
706

Ҳтәылаҿы аҵара процесс аҩаӡара, аҵараиурҭақәеи ашколқәеи рҿы иҟоу аҭагылазаашьа, уҳәа аколлегиаҿы азҵаарақәа жәпакы шьҭыхын. Уи иалахәын Аҧыза министр Артур Амқәаб, аҧыза министр актәи ихаҭыҧуаҩ Шамиль Аӡынба, аҵара аминистрра араионтә ҟәшақәа рнапхгаҩцәа, ашколқәа реиҳабацәа. Аколлегиа аусура хацыркын азеиҧштә ҵараиурҭақәа 2015-и 2016-тəи ашықәс актәи азбжазы русура аихшьаалақәа рыҟаҵарала. Аҵара аминистрра аспециалист Марина Барамиа еизаз ирзеиҭалҳәеит аминистрра аҿаҧхьа иқәыргылаз ахықәкқәа рынагӡаразы иҟаҵоу аусурақәа шырацәоу. Хшыҩзышьҭара аҭан аҵара процесс ахаҭабзиара ашьҭыхра,ашколқәа акадрқәа рыла реиқәыршәара, иахьатәи аамҭа иақәшәо аматериалтә –техникатә маругақәа рыла аҵараиурҭақәа реиқәыршәара уҳәа. Аихшьаалаҿы иарбан аҵара аминистрра иҟанаҵаз агәаҭарақәа ирыбзоурны иалкаахаз агхақәа. Адгәыр Какоба дазҵааит, арионқәа рыҟәшақәа иаарышьҭыз аҳасабырбараҿы урҭ рырҽеиразы иҟаҵоу акыр азгәаҭоума ҳәа? Иаашьҭу аихшьаалақәа рҿы ирҽеиу агхақәа ртәы зҳәо аинформациа маҷуп, – азгәалҭеит аминистрра аспециалист Марина Барамиа. Азеиҧштә ҵараиурҭақәа русура аихшьаалаҿы иҳәан ишырацәоу аиҳабыратә классқәа рҿы итәоу ахәыҷқәа школ аҟынтә даҽа школк ахь риагара азҵаара. Аҵара министр Адгәыр Какоба иҳәеит, ажәабатәии ажәеизатәи аклассқәа рҵаҩцәа аминистрра азин ыҟамкәа школ аҟынтә даҽа школ ахь рыиагара шиашам. Гагра араион аҵара аҟәша аиҳабы Беслан Дбар иҳәеит, ашколқәа рыҩныҵҟеи араионтә ҟәшақәеи изықәныҟоу ауставқәа аиқәымшәара шрымоу, уи анаҩс иахылҿиаауеит ирацәаны ауадаҩрақәа. Аҵара министр Адгәыр Какоба иҳәеит, ишхацырку аҵара-дырразы азакәан аиқәыршәара. Аколлегиаҿы иалацәажәан аҵара министрра араионтә ҟәшақәа рҿы аспециалистцәа разымхара шыҟоу, аха аҭыҧантәи аусҳәарҭақәа иаҭахны ирбом ари азҵаара аӡбара. Алықьса Касланӡиа иаликааит аҵара аминистрреи аҳәынҭқарратә университети русура аиҿкаара иабзоураны ишымҩаҧгаз еиуеиҧшым апрограммақәа. Иазгәеиҭеит , хынҩажәаҩык инарзынаҧшуа ақыҭа школқәа рҿы аус зуаз, аха заанаҭла ирҵаҩцәамыз иахьазы қәҿиарала аҵара шырҵо. Алықьса Касланӡиа ашколқәа реиҳабацәа рахь аҳәара ҟиаҵеит, лимитла ауниверситет ахь ирышьҭауа ахәыҷқәа рдыррақәа зеиҧшроу гәарҭаларц. Аколлегиаҿы, иара убас, иазыӡырҩын абжьаратә ҵараиурҭақәа русура иазку аихшьаалагьы. Аҵара аминистрра аспециалист Гәында Кәыҵниаҧҳа илҳәеит, ҳтәылаҿы иаарту абжьаратә ҵараиурҭақәа рыфбагь иақәнагоу аматериалтә техникатә базала ишеиқәыршәам. Уи ҳәарада, аҵарадырра аҩаӡара ианыҧшуеит, убри аан аспециалистцәа рыҟамзаара азҵаатәы ҵарны ишықәгылац иқәгылоуп. Аҵара аминистрра аспециалист Лиудмила Аргәынҧҳа дазааҭгылеит ашколқәранӡатәи аҵараиурҭақәа русура атәы. Лара илҳәеит, иахьазы ҳтәылаҿы аус зуа ҩажәи жәохә хәыҷбаҳчақәа рахь ҧшь-нызқь инарзынаҧшуа ахәыҷқәа шныҟәо. Агәыҧқәа зегьы рҿы ахәыҷқәа рхыҧхьаӡара акырӡа еиҳауп иахәҭоу реиҳа. Ирацәоуп зыхшара ахәыҷбаҳчақәа ирхыҧхьаӡалазарц зҭахыу аҭаацәа рҟынтә арзаҳалқәагьы. Аколлегиаҿы иҟаҵаз аинформациала хәыҷбаҳчақәак рҿы аус зуаз ааӡаҩцәа русура иаҟәыхын, аиҳарак уи ирымоу адыррақәа разымхара иахҟьеит. Уи азҵараала Аҧыза министр Артур Амқәаб иҳәеит ,ааӡаҩцәа иахәҭоу адыррақәа рымамкәа ахәыҷбаҳчақәа рҟны аус рур шыҟамло. Апедагогикатә институт аиҳабы Ирина Кәакәасқьыр дазааҭгылеит, иалкааз аамҭа кьаҿк иалагӡаны иҭыжьызи аус зыдулази арҵагатә шәҟәқәеи ацхыраагӡатә методикақәеи. Апедагогикатә институт аиҳабы иазгәалҭеит, арҵагатә шәҟәқәа реиҭаҭыжьраан урҭ шеиҭарҿыцыз, иҟаз агхақәа шырҽеиу. Убри аан иазгәалҭеит, арҵага шәҟәқәа рҭыжьраан ишхымҧадатәиу аметодикатә цхыраагӡақәагьы рыцҭыжьра. Аколлегаиҿы ирылацәажәан егьырҭ азҵаарақәагьы. Альбина Жьиҧҳа, Роберт Ломиа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ноиабр 2017
95
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
20 Ноиабр 2017
167
1992 шықәса, ноиабр 20 рзы Атәылахьчара аминистрра аҟны еиҿкаан аҳәаахьчаҩцәа ргәыҧ.
17 Ноиабр 2017
124
Аҭыжьымҭаҿы:Зыргылара иаҿу аобиектқәа ргәаҭаразы. Усутә визитла Аҧсны даҭааит Лев Кузнецов.

17 Ноиабр 2017
115
Гиви Аиба ҩынҩажәа шықәса инарзынаҧшуа Аҟәатәи аботаниктә баҳча напхгара аиҭон.
17 Ноиабр 2017
120
Уи хықәкыс иамоуп Аҧсни Нхыҵ –Кавкази еидызкыло азеиҧш культуратә аинформациатә , агуманитартә қәыҧшылара арҕәҕәара амеханизмқәа аус рыдулара .
17 Ноиабр 2017
143
Уи хациркит Басараиа имҩаду аҿы иҟоу аҩнеихагылақәа фба рҿы иқәдыргылаз алифтқәа русушьа агәаҭара ала.
Загрузка плеера
Алаҳәарақәеи адныҳәаларақәеи
АГТРК