22 шықәса раҧхьа, март аказы дҭахеит Аҧсны Афырхаҵа Рудик Тәанба.

01.03.2016
990

Тҟәарчалтәи ахәбатәи абжьаратә школ ахь иааит Дәрыҧшьынтәи асасцәа - Аҧсны Афырхаҵа Рудик Тәанба дызҭаз Дәрыҧшьтәи Тәанаархәытәи ашкол аҵаҩцәеи арҵаҩцәеи, ицеибашьуаз иҩызцәеи иуацәеи. Ашкол аиҳабыра рабжьгарала иӡбоуп аҧшьбатәи акласс ихьӡ ахҵазарц Рудик Тәанба.

Машәыршақә иҟамлеит бзыҧтәи аибашьҩы Тҟәарчалтәи  аҵаҩцәа хаҭала дахьыргәалашәаз. Аҭынч ҧсҭазаараҿы ҩ-школк – Дәрыҧшьтәи Тҟәарчалтәи – рҵаҩцәа аимадара шрыбжьарҵаз еиҧш, аибашьра аан Мрагыларатәи Мраҭашәаратәи афронтқәа  ацҳа рыбжьеиҵеит Рудик Тәанба. Аџьынџьтәылатә еибашьра актәи амшқәа инадыркны, Дәрыҧшьаа ргәыҧ аҿы еибашьуаз Рудик Уасил-иҧа ноиабр мза 1992 шықәсазы диасуеит Мрагыларатәи  афронт ахь, дҧырны даауеит Тҟәарчалҟа х-ҩык иҩызцәа иманы.

Мрагыларатәи афронт аҿы Рудик иҩызцәеи иареи аларҵоит Иура  Какалиа командирс дызмаз агәыҧ «Алан». Рудик Тәанба аибашьра адәаҿы иааирҧшуаз агәымшәаразы ирҭеит «Ақәыџьма» ҳәа ахьӡ ҷыда.
Ҩажәижәаба шықәса зхыҵуаз Аҧсны Афырхаҵа Рудик Тәанба арҵаҩы Нанули Абҕаџь изылкыз ажәеинраала даҧхьеит Тҟәарчалтәи ахәбатәи ашкол аҵаҩы Илона Ҧлиаҧҳа.

Тҟәарчалҟа ицаанӡа Дәрыҧшьтәи аҵаҩцәа ашәҭқәа шьҭарҵеит Мықә, Аџьынџьтәылатә еибашьраҿы иҭахаз рбаҟа амҵан. Ара ихьыӡ ануп Мрагыларатәи афронт ахь ацхыраара иааз Рудик Тәанба .

Рудик Тәанба дҭахеит март аказы Лабра ақыҭа аҭарцәраан. Изызҳауа абиҧара, ашколхәыҷқәа рзы еснагь иҿырҧшыгахоит зыҧсадгьыл ахақәиҭраз хацәнымырха еибашьуаз афырхацәа. «Ақәыџьма» ҳәа зарҳәоз Аҧсны Афырхаҵа Рудик Тәанба  еиҧш иҟаз агәымшәақәа рыбзоурала иахьа ҳтәыла ауааҧсыра ирымоуп аҭынч ҧсҭазаара.

Амра Амҷҧҳа, Саид Агәхаа, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Август 2018
49
15 Август 2018
45
Араҟа еизгаз аҧара афонд« Ашана »иахыҧхьаӡалахоит .
15 Август 2018
49
Уи иазыҧҵәоу аамҭа иалагӡаны апаспорт аиуразы ашәҟәқәа алазымҵаз ирымоу рдокументқәа амч рцәыӡуеит.
15 Август 2018
45
Аҧсны ахадареи аибашьра аветеранцəеи ашәҭқәа шьҭарҵеит хатәгәаҧхарала иҳацхраауаз иҭахаз рбаҟа амҵан.
14 Август 2018
41
Загрузка плеера
Алаҳәарақәеи адныҳәаларақәеи
АГТРК