Аҟәа ақалақь ахадара 2015-тəи ашықәс азы имҩаҧгаз аусурақәа реихшьаалақәа ҟанаҵеит.

03.03.2016
668

Аилатәарахь ааҧхьара рыман Ақалақьтә Еизара адепутатцәа, еиуеиҧшым  аусбараҭақәа рыҟәшақәа реиҳабацәа, ауаажәларратә хеилакқәа.

Аҟәа ақалақь ахадара аусура аихшьалақәа алҵшәақәа рыхәаҧшра  хацыркын  аекономикатә ҟәша иҟанаҵаз  аҳасабырба  ала.   Ақалақь ахада ихаҭыҧуаҩ  Леон Кәарҷиа иҳәеит, ҩнызқьи жәохәтәи ашықәс  азы еизаку ахашәала ишышьақәнаргылаз 226% инарзынаҧшуа.  Убри аан  анаплакқәа рцәыӡқәа  22% процент рыла еиҵоуп  ҵыҧх аасҭа, иҟоу аекономикатә ҭагылазаашьа инаҿырҧшны иуҳәозар, инагӡоу аусурақәа рылҵшәа бзиоуп.

Жәнызқь инарзынаҧшуа ақалақь ауааҧсыра еиуеиҧшым аҭыҧқәа рҿы аус руеит, урҭ бжьаратәла руалафахəы ишьақәнаргылоит жәаха нызқь мааҭ. Ақалақь абиуџьет ахь  зегьы иреиҳаны  ашәахәтәқәа аларгалоит Амобилтә еиамдара “Аҟәафон”, «Аҧсны аҩқәеи аӡқәеи» , уҳәа реиҧш иҟоу анаплак дуқәа.  Ашықәс иалагӡаны аекономикатә ҟәша аусзуҩцәа рыла ахәаахәҭра аганахьала иалкаан шәи ҧшьынҩажәи жәиҧшь гха, урҭ рахьынтә шәи ҩажәи быжьба рҽеин.  Иҟаҵаз аихшьаалаҿы иара убас иарбан  ақалақь аекономикатә усбарҭа инанагӡаз егьырҭ аусқәагьы. Акурортә аамҭа ахьааигәахо аҟынтә, аизараҿы ицәырҵит азҵаара аамҭалатәи ахәаахәҭырҭақәа  рызҵаара шыӡбахо иазкны.  Леон Кәарҷиа иҳәеит, ахәаахәҭратә ҭыҧқәа зегьы шалкаахо, насгьы еицырзеиҧшуа апалаткақәа шыргылахо.

Аизара иацҵан ақалақь аҵара аусбарҭа аиҳабы Лиудмила Адлеиҧҳа иҟалҵаз аихшьаала ала. Иара иаҵанакуан егьырҭ аусбарҭақәагьы раҳасабырба.  Ус, ақалақь ауааҧсыра рсоциалтә еиқәыршәара аусбараҭа иаҳхысыз ҩнызқьи жәохә шықәсазы жәаф шықәса зхыҵыз ахымхәацәа шәи ҩажәи ҧшьҩык ақалақь абиуџьет аҟынтәи  ацхырараара рынаҭеит. Уи иаадкыланы иартәеит жәышә  нызқь мааҭ инарзынаҧшуа. Ахшара рацәа змоу аҭаацәа ирызшәан   жәаха милиион мааҭ рҟынӡа. Ахәыҷы ииразы  ацхыраагӡа  иақәхарџьын миллионк мааҭ инарзынаҧшуа. Иаадкылан ацхыраагӡақәа зегьы жәаа миллиони  жәышә нызқьмааҭ шьақәнаргылеит. Аихшьаалаҿы иҟаҵан ақалақьтә школқәеи ахәыҷбаҳчақәеи рҿы имҩаҧгаз аусурақәа  ртәгьы.

Ақалақь акоммуналтә ҭагылазаашьа аиҕьтәразы имҩаҧгаз аусурақәа ртәы еиҭалҳәеит Елена Атепина. Аҳҭны-қалақь акоммуналтә усбарҭа аиҳабы лажәақәа рыла, русура аганахьала аиҳарак хшыҩзышьҭра арҭоит ауааҧсыра ӡыла реиқәыршәара.   Иааидкылан, ақалақь аҩныҵҟа аашә  километр  рҟынӡа аӡымҩангагақәа ыҟоуп.Урҭ рҭагылазаашьа ахьыуадаҩу аҟнытә,  аусбараҭа аусзуҩцәа урҭ рыҧсахразы хыҧхьаӡара рацәала аусурақәа  нарыгӡеит. Имҩаҧган иара убас аканализациатә трубақәа рыҵаҵаразы  аусурақәа. Ақалақьтә мҩақәа рҭагылазаашьа аиҕьтәразы  имҩаҧган аиҭашьақәргылыратә усурақәа.   Ариаҵәаратә усбараҭа абаҳчақәеи амшын аҧшаҳәеи уҳәа рҿы арыцқьаратә усурақәа мҩаҧыргон.
Инеиҵыху аизара ахыркәшамҭаз дықәгылеит Аҟәа ақалақь ахада Адгәыр Ҳаразиа. Иара иҳәеит, есҽны хыҧхьаӡара рацәала ақалақь ауааҧсыра рарзаҳалқәа администрациахь ишнеиуа. Уаҟа иарбоу аҳәарақәа зегьы ишрыхәаҧшуа, иахәҭоу аусурақәа  шымҩаҧырго.  Адгәыр Ҳаразиа иҳәеит, зны- зынла аҳҭнықалақь ауааҧсыра рхымҩаҧгашьа иабзоураны  ишцәырҵуа  иаҳагьы ауадаҩрақәа.

Аҟәа ақалақь ахада дазааҭгылеит сынтәа инарҭбааны имҩаҧгахо ақалақь амш ныҳәа. Акультура аҟәша аусбарҭа аусзуҩцәа нап адыркхьеит аныҳәа азгәаҭаразы аусмҩаҧгатәқəа реиҿкаара.

Аизара хыркәшауа, Аҟәа ақалақь ахада иҭабуп ҳәа реиҳәеит зегьы имҩаҧыргаз аусурақәа рылҵшәақәа рзы.

Альбина Жьиҧҳа, Беслан Џьынџьал ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Февраль 2018
99
19 Февраль 2018
123
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
19 Февраль 2018
137
Иара еиҿкаан АҞәа иҟоу «Москва аҩни» араион ахадареи рымч ала.
19 Февраль 2018
154
Иазгәаҭаны ирымоуп х-километрак рҟынӡа амҩа аҟаҵара.
19 Февраль 2018
129
Ааҧынтәи асессиа актәи аилатәараҿы Аконституциатә усӡбарҭа ахәбатәи аӡбаҩыс далхын Алиса Бигәаа.
16 Февраль 2018
149
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
152
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
Загрузка плеера
Алаҳәарақәеи адныҳәаларақәеи
АГТРК