Аиустициа аминистраҿы ашәҟәы иҭагалоуп даҽа уаажәларратә еиҿкаарак «Аҧсны - ҳара ҳаҩны».

03.03.2016
1034

Аиустициа аминистраҿы  ашәҟәы иҭагалоуп  даҽа   уаажәларратә еиҿкаарак.        «Аҧсны - ҳара  ҳаҩны»  -  абас  ахьӡуп   аибашьра аветеран,  Леон иорден занашьоу,   аинрал - маиор   Рауль Лолуа напхгара  ззиуа    аиҿкаара.

Ауаажәларратә  еиҿкаара  «Аҧсны - ҳара ҳаҩны»   анапхгара   ражәақәа рыла,   иара   егьырҭ излареиҧшым   маҷӡам.  Дара хықәкыс ирымоуп    ҳҳәынҭқарра ашьаҭа  арҕәҕәара,   ауааҧсыра  рсоциал-  економикатә ҭагылазаашьа    аизырҳара,   ауаҩы   изин   ахьчара. Убри азы иаҭахыуп    атәылаҿы аҳәоуеиқәшәара алыршара. Аиҿкаара  еиднакылоит  еиуеиҧшым  амилаҭқәа ,  еиҳарак    ақәыҧшцәа. Алхас  Ҭхагәышев  иажәақәа рыла,  аиҿкаара иалоу   ргәаанагарақәа еиқәшәоит аҳәынҭқарраҿы иҟоу    апроблемақәа    рыӡбашьа    азнеишьаҿы.

Аиҿкаара  анапхгаҩы  Рауль Лолуа   иҳәеит,    макьана  дара   аҭыҧантәии, ареспубликатәии парламентқәа рышҟа    алхрақәа   рыҽшрыладмырхәуа.  Ирыҧхьаӡоит  раҧхьа    аҳәынҭқарра  ашьақәгылашьа  асистема   ҧсахтәуп ҳәа.  Уахь иаҵанакуеит    Аҧыза- министр   адепутатцәа    далырхуа  аиҭакра  амҩаҧгара.

Атәыла ахада инапы  аҵаҟа иҟазароуп  амчратә  усбарҭақәа.

" Аҧсны - ҳара ҳаҩны»  алахәылацәа    макьана   ргәы иҭаӡам  апартиақәеи,  ауаажәларратә еиҿкаарақәеи    рыдлара. Дара ражәақәа рыла, иахьазы    урҭ  рхаҭарнакцәа рыбжьара    еиҳарак  иубо   аиҿагылара  ауп.  Ареферендум  амҩаҧгаразы иқәгылоу   азҵаара иалацәажәо,  Рауль Лолуа иҳәеит,   иара    атәылаҿы  иҟоу апроблемақәа шазымыӡбо. Избанзар,    аҳәынҭқарра  ахада    далырхыцыҧхьаӡа   иваиргыло   идгылаз   роуп. Иҧсахтәуп    ари аҩыза   апрактика. Аха  уи азы  иаҭахыуп    асистематә еиҭакрақәа рымҩаҧгара.  Аиҿкаара  аӡыргараҿы ,  убасгьы, иҳәан   ақалақьқәа рхадацәа  ишиашо    бжьыҭарала   ралхра  шымҩаҧгатәу. Убри азы   азакуан   аиҭакрақәа     алагалан.

Рауль Лолуа  иҳәеит,  еиҭамҵуа амал  атәымуаа    раархәара дшақәшаҳаҭым. Ари аус аамҭала   ишаанкылатәу.  Уи  азы дара  апарламент  ашҟа  ажәалагала  шынарышьҭуа   иаарласны.

Аиҿкаара  «Аҧсны - ҳара  ҳаҩны»  ашәқәа аартуп  уи иалоу  ргәаанагара    рыцеиҩызшо   зегьы рзы.

Даур Инаҧшьба, Алықьса  Агәхаа,  АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
28
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
36
Иара Аҧсны амилаҭтә олимпиатә еилакы аҿы  адныҳәаларақәа идикылон
27
Убри инамаданы имҩаҧган афонд ахаҭарнакцәа злахәыз апресс-конференциа.
45
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК