Имҩаҧысит Тҟəарчал араион актив реизара.

03.03.2016
706

Тҟәарчал араион   активи  ауаажәларра рхаҭарнакцәеи аҳәамҭа ҟарҵеит атәыла ахада изаамҭанытәым иалхрақәа рымҩаҧгаразы  ареферендум  аиҿкаара    ҵаҵҕәы  аманы ишырымбо. « Атәыла ахада    аус  иуртә дыҟоуп,   аконституциа   еилеимгеит,   аҧсуа  ҳәынҭқарра  аинтересқәа дрыцәхьамҵит», - ҳәа азгәаҭоуп ахәҭакахьала   аҳәамҭаҿы.  Урҭ   зегь рахь ааҧхьара  ҟарҵоит.аҳәынҭқарра  ҿа   ашәарҭара иҭазыргыло  ашьаҿақәа    мап рцәыркырц  азы.

Ари аҳәамҭа рыдыркылеит   Тҟәарчал имҩаҧысыз   араион   актив   реизараҿы. Уи  аҟны   иаҳхысыз   ашықәс азы иалыршоу аихьӡарақәеи иҟаз ахьысҳарақәеи ирылацәажәеит.
Араион актив реизара аартуа, Аида Чачхалиа еизаз идлырдырит  амилициа Тҟәарчалтәи  араионтә ҟәша аиҳабы Аветик Ҕәынџьиа , апаспорт визатә ҟәша аиҳабы Ҭемыр  Минаиа иара убас араион  апрокурор хада ҿыц   Аслан Латариа .

Араион   абиуџьет аҟәша аиҳабы   Анела    Емхаа  илҳәеит,  иаҳхысыз ашықәс  азы Тҟәарчал араион абиуџьет шынагӡоу  шәи жәохә процент рыла. Ақалақь  ашәахтә  азы аплан нагӡоуп ҩажәи ааба процент рыла. Абиуџьет ҧарақәа  рҟынтәи, фышәи ҩажәи ҩба нызқь  мааҭ    ауааҧсыра аматериалтә цхыраара рыҭан.

Иара убас   быжь миллионк аҧара ақалақь ахаҿра арҧшӡаразы иазоужьын. Тҟәарчалтәи арацәаҵхырҭа акәзар,  ахыдҵа  инацны инанагӡеит. Уи абзоуроуп иҟаз ахараҧса иаҳхысыз ашықәс азы иахьшәаз.
Араион аҿы аус руеит аҵараиурҭақәа жәаф.Ашықәс иалагӡан зегьы еиҧҟьарада аус руан. «Аҵарашықәс ианаамҭаз ҳалагеит, -   ҳәа азгәалҭеит  Тҟәарчал араиан аҵара ҟәша аиҳабы Ҭина Аршба.  Лара илҳәеит, иаҳхысыз ашықәс азы Тҟәарчал араион ақыҭақәа рышколқәа  ацхыраара шрыҭаз.  Убас,  Бедиатәи ашкол аҧенџьырқәеи ашәқәеи ҧсахын. Уажәы аиҭашьақәргыларақәа азгәаҭоуп егырҭ  ашколқәа рҿгьы. Иазгәаҭатәуп, аҵара аганахьала  агрипп чымазара иахҟьаны,  апрограмма ишагхо. Убри инамаданы, араион  ашколхәыҷқәа  аҵаратә процесс   иацҵахоит ииун хҧанӡа.

Сынтәа аҵара аҟәша иалагалоу   аҧшьбатәи аклассқәа инадыркны ахатәы бызшәеи алитературеи рзы   аҧышәарақәа  рҽырзыҟаҵара иалагоит. Аҵыхәтәаны, араион аҵара  аҟәша аиҳабы  Ҭина Аршба   зегь аалҧхьеит еиҿкаау агәыҳалалратә акциа «Тҟәарчал добро» захьӡу  рхы аладырхәырц.
Араион акультура аҟәша аиҳабы Рита Ажьиба  еизаз идлырдырит ашықәс азы ақалақь  аҿы имҩаҧыргаз аусмҩаҧгатәқәа ртәы. Еиҿкаауп ахəыҷтәы ашәаҳәаратә,  акәашаратә гəыҧқәа.Иара убас иазгәалҭеит, аҭыҧантәи атеатр актиорцәа иқәдыргылаз аспектакль апремиера  атәы.

Аргыларатә еиҿкаара «Тҟәарчалргылара» аиҳабы Леонти Аршба иҳәеит, ақалақь аҿы имҩаҧысуа аргыларатә усурақәа рылҵшәа атәы. Иара убас дазааҭгылеит Тҟәарчал амҩа  хада  Владислав Арӡынба ихьӡ зху апроспект ашьақəыргыларазы апроект шышьҭыху, аусурақәа напы адыркхьеит.
Аизара ашьҭахь   ҳзыҿцәажәаз  араион ахада   Аида  Чачхалиа    еихылшьаалеит   иҳаҩсыз  ашықәсазтәи русура , дазааҭгылеит ҧхьаҟатәи рыпланқәа.

  Иазгәаҭатәуп, ТҞәарчал араион актив реизараҿы ишазааҭгылаз  атәыла аҩныҵҟа иҟоу аполитикатә ҭагылазаашьа. Уи   азы   игәаанагара иҳәеит   Аҧсны   1941-45 шықәсқәа рзтәи    аибашьра  ду   аветеранцәа   Аҧснытәи  рхеилак    аиҳабы   Алықьса  Шьониа.

Асмаҭ Шьакаиа,  Ҭемыр Гогохьиа , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
23 Ноиабр 2017
103
22 Ноиабр 2017
11
22 Ноиабр 2017
13
Ҿҳәарас иамазаауеит жәа-шықәса .
22 Ноиабр 2017
14
Абри атәы рҳәеит Аҧсны Амшынеиқәафымцамч иаҵанакуа афымцаҭиира аҟәша ахаҭаранакцәа.
21 Ноиабр 2017
150
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
Загрузка плеера
Алаҳәарақәеи адныҳәаларақәеи
АГТРК