Март хҧа рзы адунеиаҿы иазгәарҭоит Ашәҟәыҩҩ имш.

03.03.2016
712

Ари аныҳәа март хҧа рзы иазгәазҭо  аҳәынҭқаррақәа рхыҧхьаӡара шәкы иреиҳауп. Ашәҟәыҩҩы имш Аҧсны ишҧазгәарҭо насгьы аҧсуа проза иахьатәи аҭагылазаашьеи?

Дарбан рҿиаҩызаалак аҭоурых ишьҭра азынижьуеит инапы иҵыихыз аҩымҭақәа рыла. Ашәышықәсақәа иргәылсны иаауа, хырхарҭала иҭбаау, беиарала ззсахьаркыратә дунеи ҳәаа амам аҧсуа литература хьысҳауп ҳәа ҳәашьа амаӡам.  Аҧсуа проза анышьақәгыла инаркны, иахьа уажәраанӡа иҭамбаӡо аӡыхь иаҩызоуп. Аҧсны Ашәҟәыҩҩцәа Реидгыла аҧҵоижьҭеи, ҧшьынҩажәа шықәса иреиҳауп,  уи еиднакылоит зықәрахь инеихьо реиҧш ,еиҵагыло ашәҟәыҩҩцәа ҿарацәагьы. Урҭ зегьы раҧҵамҭақәа рыла еихарҳауеит аҧсуа литература, иахьа аҧсуа прозаҿы арҿиара рымоуп алитература ажанрқәа зегьы. Аиҵагылара иаҿуп ашәҟәыҩҩцәа ҿарацәа. Абиҧара ҿыц реиҳабацәа рытрадициақәа камыжьӡакәа еихаҳауа иааргоит. Ҳәарада, аҧсуа шәҟәыҩҩцәа хатәрақәа рҩымҭақәа ашәҟәыҩҩрахь аҟыбаҩ злоу аҿар раҧҵамҭақәа анырра рырымҭарц залшом. Ус иҟоу ақәыҧшцәа дыруаӡәкәуп Саида Ҳаџьым. Саида илхыҵуа ҩажәи хәба шықәса роуп, аха леихьӡарақәа  иааџьаушьартәеиҧш ирацәоуп. Лара аспирантураҿы лҵара хлыркәшахьеит, уажәы лнапы алакуп афольклор ахырхарҭа ала адиссертациа аҩра. Дҭаацәроуп, длааӡоит арҧыс.Саида илҳәоит, лара макьана дышәҟәыҩҩны лхы шылымҧхьаӡо.

Саида лгәаанагарала, ҳәарада имаҷыҩӡам ашәҟәыҩҩра злыҵша, аҟыбаҩ злоу аҿар, аха дара ацхыраара рыҭатәуп. Урҭ алҧшаалатәуп, ирыдгылатәуп, апроза зыцааиуа,уи аанырмыжьыртә еиҧш агәыбылра дырктәуп.

Саида лгәаанагарала, лара макьана дазхәыцӡом ихатәроу аҩымҭа аҩра. Ашәҟыәҩҩ қәыҧш лажәақәа рыла, ашәҟәыҩҩра уи угәы иҭакны, заа иазҧхьагәаҭаны иуыҩуа акәӡам. «Ашәҟәыҩҩра угәыуҽанӡамкәа, еимгеимцарак аҩныҵҟа иузааиуа ахшыҩҵак иааҭырҟьаны ианыуыҩуа ауп»,-ҳәа азгәалҭоит лара.
Ҳәарада, гәахәара дууп асеиҧш зхатәы бызшәала ихәыцуа, уи ибзианы издыруа иагьалаҩуа аҿар ахьеиҵагыло. Ркалам аанрыжьуам аҧсуа литература иазааҧсахьоу еицырдыруа ашәҟәыҩҩцәагьы, урҭ иахьагьы аҧхьаҩцәа дыргәырҕьоит рҩымҭа ссирқәа рыла. Ашәҟәыҭиирҭақәа рҿы ирацәоуп аҧхьаҩцәа ирыдыргалаша аҧсуа шәҟәқәа, ахәыҷтәы литература ҭыҵуеит еиуеиҧшым авторцәа рҩымҭа ҿыцқәагьы. Ажәак ала, аҧсуа проза ҿиоит, амҽхак арҭбаауеит, иаҵагылоит агәыҕра зцу аҿар. Ҳара, Аҧсны ашәҟәыҩҩцәа ирыдаҳныҳәалоит ари амш. Арҿиаратә гәалаҟазаара еснагь ишәыцзааит.

Елана Лашәриа, Ельдар Дамиров, АТ



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Февраль 2018
75
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
19 Февраль 2018
58
Иара еиҿкаан АҞәа иҟоу «Москва аҩни» араион ахадареи рымч ала.
19 Февраль 2018
77
Иазгәаҭаны ирымоуп х-километрак рҟынӡа амҩа аҟаҵара.
19 Февраль 2018
61
Ааҧынтәи асессиа актәи аилатәараҿы Аконституциатә усӡбарҭа ахәбатәи аӡбаҩыс далхын Алиса Бигәаа.
16 Февраль 2018
110
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
100
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
Загрузка плеера
Алаҳәарақәеи адныҳәаларақәеи
АГТРК