Март 2 инаркны адырраҭара «Аспорт адунеи» аефираҿ иҿыцу ахаҿра аиуит.

03.03.2016
868

Ажурналист Адгәыр Гәынба изы еиҧш ателехәаҧшцәа  зегьы рзы жәабжь бзиахеит адырраҭара «Аспорт адунеи» аефираҿ иҿыцу, ҳаамҭа иашьашәалоу ахаҿра ахьаиуз. Уи атәы дырҵабыргуеит иацижьҭеи иоуа адныҳәаларақәа. Адырраҭара шьҭарнахыс иҭырхлоит авиртуалтә студиаҿы.

Авиртуалтә студиа ахархәараан  адырраҭара амҩаҧгаҩцәа Адгәыр Гәынбеи Асҭанда Оҭырҧҳаи  ҭарыҩуеит иҭацәу  астудиаҿы, анаҩс амонтаж аныҟарҵо иацырҵоит компиутерла иҭырхуа адекорациақәа, аха урҭ убысҟак иҧсабартәны иҟалоит, амҩаҧгаҩцәеи дареи еицҭыхушәа.

Аҧсуа телехәаҧшра азеиҧшҵаратәи, арлахҿыхратәи, аспорттәи  дырраҭарақәа рдирекциа аиҳабы Роланд Бганба иажәақәа рыла, аднеизегьаҿы ателеканалқәа ииасхьеит уи аформат ашҟа. Аҧсны авиртуалтә студиа ахархәаразы атехникатә лшарақәеи аспециалистцәеи ыҟаӡамызт. Аха, абар шықәсык аахыижьҭеи аус здырулоз рыгәҭакы наӡеит,  ацхырааразы  дадыҧхьалан Алықьса Мамацев.  Дук хара имгакәа Аҧсуа телехәаҧшраҿы даҽа дырраҭарак ҭарыҩлоит авиртуалтә студиаҿы.

«Аспорт Адунеи» автор Адгәыр Гәынба  иазгәеиҭеит, имҩаҧиго адырраҭара ииуль мзазы ҧшь-шықәса шахыҵуа. Аха ас еиҧш иҟоу ҳаамҭа иашьашәалоу атехнологиа  раҧхьаӡа акәны ишидыргалаз.
Адгәыр инапы злаку аус ахаҭабзиара ашьҭыхра дазыҳаҵҳаҵоит еснагь. Иҽазишәоит Аҧсны имҩаҧысуа аспорт жәабжьқәа зегьы ахәаҧшцәа рзеиҭаҳәара. Уи аҿы цхырааҩыс димоуп акорреспондент Асҭанда Оҭырҧҳа, иҳәоит арепортажқәа рыҟаҵараҿы аиҧҟьара ҟамларц азы адырраҭара дшаҭаху даҽа корреспондентк.

Амра Амҷҧҳа, Ельдар Дамиров АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
31
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
29
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
42
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
Алаҳәарақәеи адныҳәаларақәеи
АГТРК