Амобилтә еимадара «Аҟәафон»,аҵарадырра ахырхарҭала аус зуа аҳəса Аџьынџьтəылатə еибашьра аветеранцəа аныҳəа рыдырныҳəалеит.

09.03.2016
941

Аҳәса рымш март ааба аламҭалаз раҧхьатәи ҳтәылаҿы амобилтә еимадара «Аҟәафон», Аџьынџьтәылатәи еибашьра аветеранцәа, иахьа аҵарадырра ахырхарҭала аус зуа ирыдырныҳәалеит аныҳәа. Ҩынҩажәа ҩык еиуеиҧшым араионқәа рҟынтә арҵаҩцәеи ааӡаҩцәеи ирыҭан аҳамҭақәа.

Агәрагара  уадаҩуп, иахьа аччаҧшьи агәыразреи зҿықәыҳәҳәо  арҭ аҳәса, аибашьраан ахацәа ирывагылан, бџьарла аҕа иҿагылан ҳәа. Жәытә-натә аахыс ахәышҭаара еиқәзырхоз, аибашьра зынӡаск ирусымызт, аха аҧсадгьыл ашәараҭара ианҭагыла, уи хьчатәын.

Амобилтә еимадара “Аҟәафон” аҳәса рымш ныҳәа аламҭалаз, акрызҵазкуа азаанаҭ ахаҭаранакцәа  - арҵаҩцәа ирыдырныҳәалеит Март ааба. Ари акциа шьҭа итрадициахеит, абар хышықәса инеиҧынкылан, арҵаҩцәа – аибашьцәа ирымоуп адгылара, “Аҟәафон” аганахьала.

“Аҟәафон” имҩаҧнаго асоциалтә программақәа инарықәыршәаны, аҵара аминистрреи дареи русеицура иабзоураны иалкаауп ҩынҩажәаҩык аҳәса, арҵаҩцәа, ацхыраара зҭахны ҳәа иҧхьаӡоу. Аҟәатәи «Ахьӡ аҧша» амузеи аҿы дара ирыҭан аҧаратә ҳамҭақәеи, ашәҭқәеи.

Ельза Кәыҵниаҧҳа аибашьра ианалагоз актәи акурс аҿы аҵара лҵон, лыгәгьы иаанагомызт лыҧсҭазаараҿы абџьар ашьҭыхра лықәшәоит ҳәа. Иахьа лара изызҳауа аҿар, раҧхьа иргылан ирылалааӡоит рыҧсадгьыл ахь абзиабара, апатриотизм, уи зегьы иреиҳауп, лҳәоит лара.

Иахьа еиҵагыло аҿар агәымшәара рылазааӡо ибзиан ирдыруеит ажәа аҵакы. Уи акәзаргьы ҟалап амобилтә еимадара “Аҟәафон” аныҳәа аламҭалаз арҭ аҳәса залыркааз. Аветеранцәа “Аҟәафон” ахаҭарнакцәа иҭабуп ҳәа рарҳәоит аибашьра агәалашәара ахьыдмырӡуа.  

Арҵаҩы изаанаҭ еснагь иаҭахны иҟоу ак ауп, уи иацуп аҭакҧхықәра ду. Арҵаҩцәа раҳаҭыр бауа, Аҟәафонаа иҭабуп ҳәа рарҳәоит ирхыргаз ашьҭахь рус аҿы иаадырҧшуа ачҳаразы. Ас еиҧш асоциалтә проектқәа анаҩсгьы ирыцҵахоит.

Альбина Жьиҧҳа, Наала Мықәҧҳа, Саид Аиба ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ишҧеиҿкааз ари аҧсшьаратә сезон азы Риҵатəи амилаҭтə ҳәырҧсарра аусура?
5
Иара еиднакылеит аиҳабыратә абиҧарақәа ирыҵаркуа апоетцәа реиҧш, аҿарацәа ражәеинраалақәагьы.
21
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
13
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
Алаҳәарақәеи адныҳәаларақәеи
АГТРК