Ҳабанӡазыхиоу иааиуа акурортә аамҭа. Абри азҵаара иалацәажәон Ауаажәларратә Палата инеиҵыхыз аилатәараҿы.

10.03.2016
747

Уи иалахәын ҳтәыла акурорти атуризми рзы аминистрреи, ахәаахәҭра ааглыхратә палатеи, аҳәынҭқарратә наплакы «Амшынеиқәафымцамчи» рнапхгаҩцәа.

Аилатәара аартуа, Ауаажәларратә Палата амаӡаныҟәгаҩ Наҭела Акаба илхәеит, иҟоу аинформациала сынтәатәи акурортә аамҭазы ҳтәыла иаҭаараны иҟоуп хыҧхьаӡара рацәала аҧсшьаҩцәа, убри аан ицәырҵуеит азҵаара иабанӡазыхиоу уи  аҭакҧхырқәа зцу аусбарҭақәа?Аҳәынҭқарратә наплакы «Амшынеиқәафымцамч» аиҳабы Аслан Басариа иҳәеит, иҳаҩсыз  ашықәсаз афымца аганахьала ишыҟаз ауадаҩрақәа Гагра араиони, Пицундеи. Акурорттә аамҭазы араҟа ауааҧсыра афымцамчы   рхы иадархоит аӡын аамҭа аиҳа,  - иҳәеит Аслан Басариа. Зхархәара   аҿҳәара иахыҧахьоу ацәаҳәақәа ирымам алшара есааира изызҳауа  асасааирҭа маҷқәеи,  аҩн-еихагылақәеи  ишахәҭоу еиҧш фымцала реиқәршәаразы.
Аҳәынқарратә наплакы аиҳабы иҳәеит, рхы иадырхәо афымца  иаҳа-иаҳа ишазҳауа, аха убри аамҭазы,   иҟоу аҭагылазаашьа аҧсахразы аусқәа шымҩаҧырымго. Ауаажәларратә Палата алахәылацәа ирызцәырҵит азҵаара сынтәатәи акурортә аамҭа афымцалашаразы иҟоу ауадаҩрақәа ҧырхага анаҭома ҳәа? Аслан Басариа иҳәеит, анаплакаҿы ишеиқәдыршәаз аконцепциа,  акурорттә аамҭазы афымца аганахьала иҟало амчхрақәа азгәаҭаны, уи иабзоураны иалыршахап еиҧҟьарада ауааҧсыра реиқəыршәара,  - ҳәа азгәеиҭеит “Амшынеиқәафымцамч” аиҳабы.  

Ҳтәыла асанитартә ҳақьым хада Владимир Берулаа иҳәеит, аҧхын аамҭазы ишаҧу еиҧш ишеизҳауа аҿкы чымазарақәа. Аиҳарак урҭ мзызс ирымоу аӡрыжәтә ауп. Аӡымҩангагақәа рҭагылазаашьа уадаҩуп, убри аҟнытә атрубақәа ирҭалан иаауа аӡы  иалалоит еиуеиҧшым агәам-сам. Ҳусура аганахьала афатә- ажәтә  зҧырхагахаз,урҭ ирыхҟьаны  ичмазаҩхаз ҳрықəымшəац, – иҳәеит Владимир Берулаа.
Аилатәарахь ааҧхьара рыман ҳтәылаҿы зегь реиҳа аҧсшьаҩцәа рацәаны изҭаауа аҭыҧ Риҵатәи амилаҭтә ҳәырҧсарра  ахаҭарнакцәагьы. Инга Ҭаниа еиҭалҳәеит русура зегьы аҳәырҧсарра ахылыҧшреи аиқәырхареи ишазкыу.

Амилаҭтә парк   анапхгара хшыҩзышьҭара арҭоит асасцәа ршәарҭадарагьы. Имаҷым аусурақәа уи аганахьала имҩаҧыргахьоу.

Акурорти атуризми рзы аминистр ихаҭыҧуаҩ Асҭамыр Ахба иҳәеит, ҳтәылахь иаауа аҧсшьаҩцәа рхыҧхьаӡара зхьыҧшуа аҭагылазаашьақәа шырацәоу. Аҭыҧ ҧшӡарақәа рыдагьы, иаауа асасцәа рзы акыр аҵанкуеит асасааирҭақәеи аҧсшьарҭатә ҩнқәеи рҭагылазаашьа.

Асҭамыр Ахба иҳәеит, ҳтәылахь азҿлымҳара иаҳа- иаҳа ишацло, уаанӡа иаауаз аҧсшьаҩцәа аиҳарак Асовет Еидгыла иалаз аҳәанҭқаррақәа рҟынтә акəызҭгьы, иахьа иаауа иалагеит аҳәаанырцәынтәгьы.

Альбина Жьиҧҳа, Асҭамыр Гәажәба ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Февраль 2018
63
19 Февраль 2018
104
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
19 Февраль 2018
101
Иара еиҿкаан АҞәа иҟоу «Москва аҩни» араион ахадареи рымч ала.
19 Февраль 2018
136
Иазгәаҭаны ирымоуп х-километрак рҟынӡа амҩа аҟаҵара.
19 Февраль 2018
95
Ааҧынтәи асессиа актәи аилатәараҿы Аконституциатә усӡбарҭа ахәбатәи аӡбаҩыс далхын Алиса Бигәаа.
16 Февраль 2018
128
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
133
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
Загрузка плеера
Алаҳәарақәеи адныҳәаларақәеи
АГТРК