Ауаажәларратә усзуҩ, амилаҭтә хақәиҭратә қәҧара аветеран Рауф Ебжьноу ихыҵит 70 шықәса.

10.03.2016
708

Амилаҭтә акзааратә форум «Аидгылара» аҧшьызгаз дыруаӡәкуп. Ауаажәларра-политикатә ус аҿы илагалазы Аҧсны Ахада Иусҧҟала Рауф Ебжьноу ианашьан “Ахьӡ-аҧша” аорден ахҧатәи аҩаӡара.

Рауф Ебжьноу насыҧ змоу уаҩны ихы иҧхьаӡоит. Иара ҩыџьа иҧацәеи иҧҳаи, имаҭацәеи  игәы рыладууп. Хынҩажәа жәабатәи имш иира ҭаацәашәала иазгәарҭеит. Рауф ииубилеи ақәшәеит аҳәса рымш ныҳәа, март ааба. Рауф макьана иусқәа реихшьаала рыҟаҵара игәы иҭам. Уи макьанагьы изыҧшу, иҟаиҵаша, иҧсадгьыл дызлахәаша рацәоуп.

Аҵәыхәтәантәи аамҭазы агәамбзиара дыхҭакны иамоуп. Анеиааира шыицәыуадаҩугьы, иҩызцәеи иареи лассы –лассы еиқәшәалоит. Каҳуак инаҿыхәарц, атәылаҿы имҩаҧысуа ахҭысқәа ирылацәажәарц еизалоит ақалақь агәаны иҟоу акаҳуажәырҭа «Ацҳаҿы».

Геннади Аламиеи иареи еибадыруеит ҩынҩажәи жәаба шықәса иреиҳаны. Аиҩызара пату акәҵаны иахьа уажәраанӡа иаазго, рдунеихәаҧшышьа еиҧшымзаргьы, ирымоу азеиҧш интересқәа ыҟоуп.

Рауф ианакәзаалакгьы ахӡыргара иашьҭам уаҩуп, -ҳәа изырҳәоит дыздыруа зегьы. Аха ус шакәугьы, уи атәыла амилаҭтә хақәиҭратә қәҧараҿы илагала ахә ашьара уадаҩуп. Амилаҭтә акзааратә форум «Аидгылара» аҧшьызгаз дыруаӡәкуп. Геннади Рауф изкны аматериалқәа еидикылоит акыр шықәса раахыс. Иҩыза бзиа ахьиакəу мацара акәӡам, уи изкны иуҳәаша, дзыҧсоу даараӡа ирацәоуп, -ҳәа азгәеиҭеит Аламиа.
Ауаҩ ҭынч, ауаҩ тата, аха убри аан зхатә гәаанагара змоу, иагьацәхьамҵуа. Абарҭ илоу аҟазшьақәа ракәхап, уи чарҳәара злам, узықәгәыҕша ҩыза бзианы дзырыҧхьаӡо.

Аҧсны аамҭа хьанҭақәа ианырҭагылаз, иара атәылаҿы имҩаҧысуаз ахҭысқәа  рыгәҭа дыҟан. Усҟан иаҭахын аидгылара, уи ада ҧсыхәа ыҟамызт аҧсуа милаҭ аиқәырхаразы,-  иҳәоит Ебжьноу.

Рауф Ебжьноу атәылаҿы деицырдыруеит убасгьы алитературатәи атеатралтәи критик иаҳасаб ала. Иара аҵара иҵон Москва Горки ихьӡ зху атеатртә  институт аҟны. Иҩымҭақәа ракәзар, ирныҧшуеит аҧсҭазаараҿы ишыҟоу еиҧш абзеи ацәгьеи,  аимак-аиҿак, иааикәыршаны имҩаҧысуа апроцессқәа.

Аиублиар иазгәеиҭоит илихыз амҩа ахаан дшахьымхәыц. Акы заҵәык, иара игәы ззыбаауа, алитератураҿы зыҧҵара илшоз, аха дызхьымӡаз аҩымҭақәа роуп.

Сима Аргәын, Саид Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
113
17 Ианвар 2018
109
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
97
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
98
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
87
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
108
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
136
Загрузка плеера
Алаҳәарақәеи адныҳәаларақәеи
АГТРК