Кәыдры аӡиас ахықә арҕәҕәаразы имҩаҧгоу аусурақәа азхом ҳәа ирыҧхьаӡоит Кациқыҭ иаланхо.

14.03.2016
712

Ҳҭыжьымҭақәа рҿы изныкымкәа ҳазааҭгылахьеит Кәыдры   аӡиас иаҧну   ақыҭақәа   ирымоу  ауадаҩрақәа.   Аӡы     ашәарҭа иҭанаргылоз  анхацәа   изныкымкəа    аиҳабыра рахь    аҳәара    ҟарҵахьан    ацхыраара    рыҭаразы.  Еиҳараӡак   ашәарҭа   иҭагылоу  Кациқыҭ  анхацәа    иҟарҵаз  аҳәара  иахаҵгылеит аиҳабыра.       Афирма «Неруд Инвест» анапы  ианҵоуп  аӡиас   ахықә арҕәҕәаразы  аусурақәа рымҩаҧгара.

Есышықәса  Кәыдры аӡиас аҧшаҳәа азааигәара инхо ауааҧсыра ирызцәырҵуеит  ауадаҩрақәа.  Ааҧын ашьхарахь   иӡыҭуа асы аӡы аҳаракыра шьҭнахуеит,  уи иахҟьаны,   ааигәа-  сигәа   инхо ауааҧсыра ааха ҕәҕәа рнаҭоит.  Кациқыҭ иахьаҵанакуа  аҵыхәтәантәи  жәашықәса рыҩныҵҟа     аӡы  иахҟьаны  зынхара аанзыжьыз ауааҧсыра рхыҧхьаӡара маҷым.  Аҭыҧантәи ауааҧсыра ракәзар,       агәҭынчмра ҕәҕәа рымоуп  ашьхарахь    асы  ҕәҕәа   злақәу  ала,  аӡы  хыҵны ирыҵалар  ҳәа    ишәоит.  
  
Аӡхыҵра ҟамларцазы афирма «Неруд Инвест»  аӡиас аҿы аӡы анылаҟә  аамҭа иақәыршәаны     аусурақәа хацдыркит. Раҧхьа иргылан аусзуҩцәа  реиҳа иахьшәарҭаз аҭыҧ  аҿы  Кәыдры ахырхарҭа рыҧсахит, анаҩс амшын иахьалало азааигәара аӡиас аҳәаақәа дырҭбааит – иҳәоит афирма анапхгаҩы  Нугзар Кациа.  Иара иажәақәа рыла, имҩаҧгатәу аусурақәа рымҽхак ҭбаауп, афирма иҟанаҵахьоу маҷуп, анаҩс аҟәара арҕәҕәаразы иаҭахуп афинанстә цхыраара.

Уажәазы  Кәыдры  ашәарҭа иҭанаргылоит    Кациқыҭа  анаҩс  аҽа  ҩ- қыҭакгьы,  аӡиас    арыҕьаратәи  аган  ала ишьҭоу . Агәыҕрақәа  ыҟоуп ,   уажәы   имҩҧагоу  аусурақәа рышьҭахь,   урҭ ақыҭақәа рынхацәа  еиҳа  ргәы  дырҭынчып,  рымхәрсҭақәа , рыҩны- ргәара  зегь  еиқәхап ҳәа.

Альбина Жьиҧҳа, Асҭамыр Гəажəба,АТ
  

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ииун 2018
79
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
47
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
20 Ииун 2018
77
Урҭ аҭыҧқәа ргәаҭаразы дырҭааит аҳҭнықалақь ахада Адгәыр Ҳаразиа.
20 Ииун 2018
45
Ҷыдала иаҧҵаз аусуҩтә гәыҧ ари азҵаара анҭырҵаа, еилкаахеит Аҧсны атәылауаа рзинқәа реилагара аҭыҧ шамоу.
20 Ииун 2018
49
Убас,. Гагра араион Алаҳаӡыхь ақыҭаҿы иҟоу агәамеизгарҭа ауадаҩрақәа акыр рызцәырнагоит ааигәа инхо ауааҧсыра.
Загрузка плеера
Алаҳәарақәеи адныҳәаларақәеи
АГТРК