Ихыркәшоуп Аҟәатәи ақалақьтә еизарахь акандидатцәа ашәҟәы рҭагалара.

14.03.2016
854

Март жәаха рзы ихыркәшахеит  Аҟәатәи ақалақьтә еизарахь акандидатцәа рықәыргылара. Ашәҟәы  иҭагалоуп   ҧшынҩажәи хәҩык акандидатцәа. Урҭ рахьтә,   аҧшьгаратә  гəыҧқәа рҟынтәи иқәгылоуп хынҩажәи жәаҩаҩык. Аполитикатә партиа «Аҧсны акзаара»  аҟынтәи жәаҩаҩык, Аҧсны аихамҩа аҟынтәи дықәыргылоуп  кандидатк.  Жәамш ирҭагӡаны  алхратә коммиссиа аус адырулоит акандидатцәа инаргаз ашәҟәқәа, анаҩс алхразы асиахь ианырҵоит мамзаргьы мап рцәыркуеит.

Иазгәаҭатәуп,   ақалақьтә  еизара  алхрақәа рахь рхы шықәдыргылаз   жәаҩык инарзынаҧшуа уажәы депутатцәас иҟоу. Дара,  егьырҭ реиҧш,  аҧҟарақәа ирықәныҟәаны  иаларҵеит иахәҭоу ашәҟәқәа.  Алхратә коммиссиа ахаҭарнак АСЛАН  Дочиа иҳәеит, алхырҭатә ҭыҧқәак рҿы  ҧшьҩык инарзынаҧшуа акандидатцәа ахьықəгылоу шыҟоу.

Ақалақьтә еизарахь адепутатцәа ралхра амш  анышьақәырҕәҕәахалак  ашьҭахь, еиҿкаахоит  ҭыҧ хадацыҧхьаӡ алхратә коммиссиақәа жәаҩык инарзынаҧшуа алахәылацәа рыла еиҿкаау.

Асмаҭ Шьакаиа, Саид Агәхаа, АТ.




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Алаҳәарақәеи адныҳәаларақәеи
АГТРК