Аибашьра иахҟьаны зымаха- зышьаха еибгам аинвалидцәа ацхыраара рырҭоит.

15.03.2016
589

Аҧсны иааны иҟоуп Аахыҵ Уаҧстәылантәи аделегациа. Атәыла анапхгара рыцхыраарала Гагратәи ареспубликатә  реабилитациатә центр аортопедиа атеникатә ҟәшаҿы иазҧхьагәаҭоуп зымаха-зышьаха еибгам Аахыҵ Уаҧстәылатәи аибашьра аветеранцәа апротезқәа рзыҟаҵара. Мышқәак раҧхьа ахәышәтәырҭахь днеит раҧхьатәи апациент.

Денис Хугоев август ааба 2008 шықәсазы Аахыҵ Уаҧстәылатәи атәылахьчара аминистрраҿы арра дахысуан.  Қырҭтәыла итәыла ианақәла аҧсадгьыл ахьчаҩцәа рыбжьара дыҟан. Ишьаарҵәыраз аибашьраҿы иоуз ахәра иахҟьаны изшьапык хырҵәеит. Иахьа уажәраанӡа изыҟарҵаз апротез данныҟәоз ахьаа инаҭон. Гагратәи ареспубликатә реабилитациатә центр ортопедиа атеникатә ҟәша аспециалистцәа апротез изыманшәалахартә еиҧш идырҽеит.

Аҧсны анапхгара ацхыраарала иазҧхьагәаҭоуп даҽа жәа-ҩык Аахыҵ Уаҧстәылантәи аибашьра иахҟьаны зшьапқәа хырҵәаз аветеранцәа Гагратәи ареабилитациатә центр ахь раара. Ара ирыздырҽеиуеит ирымоу апротезқәа, мамзаргьы ианаҭахха, аҿыцгьы рзыҟарҵоит. Аҧсны ахада ихаҭыҧуаҩ Витали Габниа Аахыҵ Уаҧстәылатәи аделегациа алахәылацәа данырҧылоз иҳәеит, Аҧсны анапхгара рзы шгәахәароу ирылшо ала аишьаратә жәлар рхаҭарнакцәа рыцхраара.

Аиҧылараҿы Витали Габниа ирҭеит Аахыҵ Уаҧстәылатәи атәылахьчара аминистрра аҟынтәи ианаршьаз амедал «за боевое содружество».

Амра Амҷҧҳа, Саид Аиба АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
65
17 Ианвар 2018
65
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
59
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
57
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
47
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
68
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
96
Загрузка плеера
Алаҳәарақәеи адныҳәаларақәеи
АГТРК