Марттәи ажәылара амш аҽны Арасаӡыхьтәи абжьаратә школ аҵаҩцәа аҭааит Гагра иҟоу ареабилитациатә центр.

15.03.2016
724

Араҟа ргәабзиара шьақәдыргылоит ҩажәи жәаҩык инарзынаҧшуа аветеранцәа.Ахәыҷқәа урҭ дырлахҿыхит еиҿыркааз ақәыргыламҭақәа рыла.

Марттәи ажәылара Аџьынџьтәылатәи еибашьра аҭоурых аҿы рыцхә еиқәаҵәаны иаанхоит. Ирацәаҩуп усҟан аҧсуа еибашьцәа  аҕа ихы иагаз. Гəрам Гобечиа  лхаа рыҷкәынцәа рыла ишьақәгылаз ахҧатәи абаталион аҿы деибашьуан. Марттәи ажәылараан иара дызлахәыз агәыҧ Гәымысҭа ирыз, аха анаҩс ахьаҵра зықәшәаз иреиуоуп.

Гəрам дызлаз агәыҧ аҟынтә быжьҩык аибашьцәа марттәи ажәылараан иҭахеит. Иара иҭахӡам ажәылара ахыбгалара зыхҟьаз амзызқәа рылацәажәара, иҳәоит аибашьцәа зегьы хықәкык  шрымаз- аҧсадгьыл ахақәиҭтәра.  Гəрам Леон иорден ианашьоуп. Иара Аҟәа ахақәиҭтәраз иҟаҵаз аҽазышәараан ихы ахәра ҕәҕәа аиуит. Иахьа  дахьиз аҩнаҭа дахыуп ихала, аҭаацәара даламлац. Аамҭа- аамҭала ареспубликатә реабилитацаитә центр аҿы игәабзиара шьақәиргылоит. Араҟа иахьазы ргәабзиара еиҕьыртәуеит ҩажәи жәафҩык Аџьынџьтәылатә еибашьра аветеранцәа-аивалидцәа. Марттәи ажәылараан иҭахаз ргәаларшәара аҳаҭыраз Арасаӡыхьтәи абжьаратә школ аҵаҩцәа еиҿыркааит ақәгылара.

Арасаӡыхь ақыҭа абжьаратә школ аиҳабы Раиса Ҵулукиа илҳәоит, ари аус  аиҿкаара ақыҭа зегьы  шадгылаз, дара  рыбзоурала   еизган  ҩынҩажәи жәаба нызқь  мааҭ  аҧара, Гагра  зҽызхәышәтәуа    аветеранцәа рзы.
Аветеранцәа рзы гәахәара дууп ргәабзиара зыхҭнырҵаз ҳаҧсадгьыл аҿы изызыҳауа аҵеицәа, рҭоурых ахьырхамышҭуа.

Март жәохә - жәафтәи ахҭысқәа ирыгәҭылагылаз ҳаибашьцәа  урҭ амшқәа рхашҭраны  иҟаӡам.  Урҭ рхьаа хызҽуа акакәны иҟоуп  Аҧсадгьыл зхы ақәызҵаз ргәалашәара хашҭра ахьақәым.

Альбина Жьиҧҳа, Беслан Џьынџьал, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ииуль 2018
23
19 Ииуль 2018
11
Шықəсыки бжакы раахысиижьҭеи раҳасабырба зеиҧшроу иалацəажəарц Аҧсны Жəлар Реизара Ахада иҿы еиқəшəеит.
19 Ииуль 2018
11
Иара убасгьы имҩаҧысит, Мырзаҟантәи аҧсуаа аҩбатәи реизара ду .
19 Ииуль 2018
18
Ареспубликаҿы имҩаҧысраны иҟоуп ари аныҳәамш иазку ауснагӡатәқәа жәпакы.
19 Ииуль 2018
13
Асиа шьақәыррҕәоуп, иаҧҵаз акомиссиа имҩаҧнагаз аусурақәа ирыбзоураны.
18 Ииуль 2018
97
Аҭыжьымҭаҿы:Арсмира имаҧгаз апресс-конференциаҿы иалацәажәеит аказначеитә система аусура шеиҿкаау атәы.
Загрузка плеера
Алаҳәарақәеи адныҳәаларақәеи
АГТРК