23 шықәса ҵит Аҧсны Жәлар Рџьынџьтәылатә еибашьраан Аҧсуа архәҭақәа Гәымсҭатәи афронтала Аҟәа ахақәиҭтәраз ажәылара еиҿыркааижьҭеи.

16.03.2016
825

Аибашьра   афырхацәа   Аҟәатәи   рбаҟаҿы     ашәҭқәа    шьҭарҵеит  атәыла   Ахада  Рауль Ҳаџьымба,  Жәлар  Реизара аиҳабы   Валери Бганба,  ашәарҭадаратә хеилак  амаӡаныҟәгаҩ  Муҳамад  Кьылба, Аҧыза- министр  актәи ихаҭыҧуаҩ Шамиль Аӡынба, Жәлар Реизара адепутатцәа, аибашьра    аветеранцәа,  аруаа,   ауаажәларра.
                                      
Ари амш аҽны Аҧсны ахыи-аҵыхәеи даҽа зныкгьы иргәаладыршәоит уи ажәылараан иҭахаз арҧарцәа. Ҳаҳҭны-қалақь аҿы урҭ ахҭысқәа ирылахәызи, атәыла анапхгареи, ауаажәларреи Аҧсны Аџьынџьтәылатә еибашьраан иҭахаз рбаҟа амҵан ихырхәаны ашәҭқәа шьҭарҵеит.

Ҩажәи хҧа шықәса раҧхьа, марттәи аҵх хьшәашәа рҽалакны, Гәымсҭа аӡиас ирны уи аҿықәаҿ игылаз ақырҭқәа раҧхьатәи рхырҕәҕәарҭақәа ирыжәлеит аҧсуа еибашьцәеи хатәгәаҧхарала иҳацхраауази. Аидысларақәа цон Гәымсҭа аҩадатәи ацҳа азааигәареи Ачадара ақыҭа агәани. Амчқәа шеиҟарамызгьы, аибашьцәа ҳаҳҭны-қалақь Аҳабла ҿыц алалара рылшеит. Усҟан аибашьцәа рҿаҧхьа дҵаны иқәгылан Гәымсҭа ацҳа иқәсны  рышьҭахьҟа иааиуаз аибашьцәа амҩа рыҭара.

Арҭ ахҭысқәа анымҩаҧысуаз агәаҕьреи афырхаҵара ҕәҕәеи аарҧштәын. Ҳаибашьцәа ирҭахын ҳтәыла аҳҭны-қалақь излауала ирласны ахы ақәиҭтәра, Аҟәатәи астратегиатә ҳаракырақәа аанкылан. Аха, ианвар хәба рзы еиҧш, усҟангьы ажәылара ақәҿиара амамызт. Ашьаарҵәыратә еидысларақәа рышьҭахь, аҧсуа архәҭақәа рпозициақәа рышҟа ихнымҳәыр амуит.

Раҧхьа ажәылара цон қәҿиарала. Аха Қырҭтәыла архәҭақәа аҿагылара ҕәҕәа еиҿыркааит. Еиуеиҧшым амзызқәеи, арратә ус аҿы аҧышәа амамзаареи, иара абџьар ирымаз ахьмаҷызи уҳәа ирыхҟьаны ажәылара ҧсыҽхеит. Ахьаҵра зықәшәаз ҳаруаа ааха ҕәҕәа роуит. Урҭ ахҭысқәа ирылахәыз аибашьра аветеранцәа ирҳәоит зегь реиҳа иуадаҩыз ахьаҵра шакәыз.

Нина Габуниа-Тарнаа  лҧазаҵә Мераб дҭахеит март жәаф рзы. Иара Афгантәи аибашьра дахьалахәыз азы аҧышәа имоуп ҳәа зегь реиҳа ишәарҭаз аҭыҧқәа рахь ддәықәлон. Ари ажәылара иара изы иҵыхәтәантәихеит.

Урҭ ахҭысқәа рыгәҭа иҟаз аҩбатәи ажәыларатә батальон аибашьцәа ари амш аҽны еснагь арахь иаауеит  ирыцҭахаз рҩызцәа ргәаларшәаразы. Урҭ  иахьа ацәажәара рцәыуадаҩуп, избаназар, ари ажәылараҿ ирыцәҭахеит рбаталион аибашьцәа реиҳарак.


Ари ажәылара рҽазыҟарҵон хымҧада. Аха, аҕа илихыз астратегиа еиҳа аҧыжәара аман. Ахықәкы анагӡаразы алшара маҷын.

Марттәи ажәылараҿы Аҧсуа ар иацәыӡит ҩышәҩык иреиҳаны аибашьцәа. Ари аоперациа аҭоурых иазынхеит ақәҿиара змамыз ҳәа, аха аветеранцәа реиҳараҩык ргәаанагарала, уи аҵак ду аман, анаҩс аиааира агараҿы.

Сима Аргәын, Ельдар Дамиров, Ҭемыр Гогохьиа. АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Август 2018
49
15 Август 2018
45
Араҟа еизгаз аҧара афонд« Ашана »иахыҧхьаӡалахоит .
15 Август 2018
49
Уи иазыҧҵәоу аамҭа иалагӡаны апаспорт аиуразы ашәҟәқәа алазымҵаз ирымоу рдокументқәа амч рцәыӡуеит.
15 Август 2018
45
Аҧсны ахадареи аибашьра аветеранцəеи ашәҭқәа шьҭарҵеит хатәгәаҧхарала иҳацхраауаз иҭахаз рбаҟа амҵан.
14 Август 2018
41
Загрузка плеера
Алаҳәарақәеи адныҳәаларақәеи
АГТРК