Аҧсны Ахада Рауль Ҳаџьымбеи, Жәлар Реизара аиҳабы Валери Бганбеи ашәҭқәа шьҭарҵеит Аҧсадгьыл ахьчаҩцәа Гагратәи рбаҟа амҵан.

16.03.2016
903

Атәыла Ахада   убасгьы    еиликаауан    ақалақь   ахадара иаҵанакуа    аусбарҭақәа   аҧсшьаҩцәеи, аныҟәаҩцәеи рыдкылара   ишазыхиоу.

Ҩажәи хҧа шықәса раҧхьа,   Гәымсҭа  аӡиас   ирны   Аҧсны  аҳҭны- қалақь    ахы    ақәиҭтәразы ижәылоз    ҳаруаа    ирыцн    Гагратәи    арҧарцәеи, аҭыҧҳацәеи.  Урҭ амшқәа раан  фырхаҵарала иҭахеит , ахәрақәа роуит   Гаграа.    Март жәаф  аҽны,    аҧсадгьыл ахьчаҩцәа   Гагратәи рбаҟа  амҵан   ашәҭқәа шьҭаҵаны,   иҭахаз    ргәаладыршәарц   инеит   аибашьра ахәра  ззыннажьыз   аветеранцәа,  Аҧсны Ахада   Рауль Ҳаџьымба,  Жәлар Реизара аиҳабы  Валерии Бганба , араион анапхгара , ауаажәларра  , ашколхәыҷқәа.  Ааигәа,  абаҟа  акәша- мыкәша    дрыцқьеит,  ҿыцны ишьҭарҵеит   ахаҳә.   Ари аҭыҧ    аҿы иҟалоит    афырхацәа рбаҳча.

Гагра араион ахада   Беслан  Барцыц  Аҧсны  Ахада изеиҭеиҳәеит    абаҟа  ахьгылоу  аҭыҧ инаркны     амшын ахықә аҟынӡа,    абаҳча  анаҩс,   ишыҟало ашҭа хада. Есышықәса   уи аиҿкааразы   араион абиуџьет аҟнытә   иоурыжьлоит    фба- фба  миллион мааҭ  аҧара. Уажәазы  амшын ахықә  ахәҭак   аҟаҵара иалгахьеит,   зыҧсы  зшьо    амшынахь рцара – раара    арманшәалартә  еиҧш.  Атәыла  Ахада убасгьы даҭааит   араион афымцеихшарҭа. Избанзар,  аҧхын   ақалақь  фымцалашарала  аиқәршәараҿы   ауадаҩрақәа   аныҟало    маҷӡам.

Аҳәынҭқарратә еилакы  «Амшынеиқәафымцамч» адиректор хада  иҳәеит,    атәыла Ахада   инапынҵақәа инарықәршәаны,    аҧхын    аҧсшьарҭа ҭыҧқәа    фымцалашарала   реиқәршәаразы    аусқәа рынагӡара ишаҿу.

Атәыла Ахада   аенергетикцәа    адҵа риҭеит,   изҿу  аусқәа   ианаамҭоу  рхыркәшаразы.

Гагратәи  адәыҕба  аанҿасырҭа   ахыбра   аҭоурых-культуратә ҭынхақәа рсиа иахыҧхьаӡалоуп.  Уажәы гәҭакыс ирымоуп   иара ахыб аҧсахра. Рауль Ҳаџьымба   аихамҩа  аусбарҭа  анапхгара   ирыдиҵеит,    аиҭашьақәыргыларақәа   ирылагаанӡагьы ахыбра  акәша- мыкәша ишахәҭоу идрыцқьарц. Уи  азы   харџь дук   аҭахны иҟаӡам.

Иҳаҩсыз ашықәс анҵәамҭазы ,  Гагратәи  аӡеизгарҭа   ду    аҭӡы   бгеит  амшцәгьақәа ирыхҟьаны.   Избанзар,  иара    ҩынҩажәа шықәса иреиҳаны иахыҵуан.  Убри аахыс  араҟа    аиҭашьақәргылаатә  усурақәа ирҿуп.  Атәыла Ахада изеиҭарҳәеит аусқәа ахьынӡанаргахьоу, ҳаҧхьаҟа    иҟаҵатәны ирымоу.

Рауль Ҳаџьымба аргылаҩцәа   ирыдиҵеит  апрель   мза алагамҭазы , мамзаргьы  аҽеиҩшамҭазы,    русурақәа хдыркəшарц.  

Даур Инаҧшьба, Саида Агәхаа,  АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
127
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
113
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
135
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
105
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
91
15 Август 2018
71
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК