Аҧсныи Қырҭтәылеи рҳәааҿы иҟоу агәаҭара-аушьҭырҭатә ҭыҧқәа ҩба русура аанкылоуп,- абри азы Ақәҵара рыдыркылеит Аминистрцәа реилазаара аилатәараҿы.

17.03.2016
864

«Аҧсныи Қырҭтәылеи рҳәынҭқарратә ҳәааҿы аус зуаз агәаҭара-аушьҭырҭатә ҭыҧқәа фба рҟынтә- ҩба русура аанкылоуп»,- абри азы Ақәҵара рыдыркылеит имҩаҧысыз аминистрцәа реилазаара аилатәараҿы. Иара убасгьы аминистрцәа алацәажәеит, иагьрыдыркылеит амшхәаҧштә ирбаз  даҽа жәа-зҵаарак.  
Аҧыза-министр Артур Амқәаб иҟаиҵаз ажәалагалала-  изхәаҧшраны иҟаз зҵаарак анаҩстәи аилатәарахь ииагоуп.

Амшхәаҧштә инақәыршәаны, аминистрцәа раҧхьа изхәаҧшыз зҵааран  ахәаахәҭра-економикатәи, анаука-техникатәи, акультуратә-гәыҳалалратәи еимадарақәа рырҿиаразы Аҧсни Ҭаҭарсҭани рыбжьара аиқәшаҳаҭра абжьаҵара.  Аҧыза-министр Артур Амқәаб иҳәеит, арҭ аҩ-ҳәынҭқаррак аус ахьеицыруша ахырхарҭақәа шырацәоу, изныкымкәа имҩаҧысхьо Аҧсныи Ҭаҭарсҭани рхадацәа реиҧыларақәа раангьы  уи атәы ишалацәажәахьоу.

Аминистрцәа еицҿакны иақәшаҳаҭхеит  асеиҧш аиқәшаҳаҭра абжьаҵара, лакҩакрадагьы уи  напҩахарала ирыдыркылеит. Иара убасгьы, аминистрцәа  алацәажәара анаҩс  ишьақәдырҕәҕәеит арбитражтә усӡбарҭа ахантәаҩы ицхырааҩцәа азыҟаҵара рахыжьразы ишьақәырҕәҕәоу аҧҟарақәа. Аилатәараҿы рыхшыҩ азышьҭны иалацәажәеит      « ауааҧсыра рхы иадырхәо хырхарҭа рацәалатәи амаҵзурақәа» рыҧкаанҵа ашьақәырҕәҕәара. Уи инақәыршәаны иазгәаҭан, азеиҧштә  еимадарақәа  рхархәаразы ишьақәыргылоу, аҳәынҭқарратә биуџьет иаланагало ашәахтәқәа  рыла еиқәыршәоу,  хырхарҭа рацәалатәи аимадарақәа рхархәара ишазку.  Ари азҵаара  еиҳа инарҵауланы далацәажәеит аҧыза-министр ихаҭыҧуаҩ Дмитри Сериков.

Аминистрцәа  ирыдыркыларазы ирыдгалан,  Аҧсны аҩныҵҟатәи аусқәа рминистрра аҳәынҭавтоинспекциа автотраспорттә хархәагақәа ашәҟы рҭагалараан, изықәныҟәо аҧҟарақәа раанкылара. Убри  аҿынтә афинансқәеи,  аҩныҵҟатәи аусқәеи рминистррақәа рахь ажәалагала ҟаҵазарц  аҩныҵҟатәи аусқәа рминистрра аҳәынҭқарратә биуџьет аҟынтә иазоурыжьуа аҧарақәа рыхәҭак ала автомашьынақәа рҭагылазаашьа аилкааразы ихымҧадатәу аекспертә гәаҭага аахәаразы. Аминистрцәа ари азҵаара ганрацәала иахәаҧшит.

Аилатәараҿы ирыдыркылаз азҵаарақәа рахьтә  ихадаратәуп  Аҧсни Қырҭтәылеи рыбжьара аус зуа агәаҭара-аушьҭырҭатә  ҭыҧқәа  фба рҟынтә ҩба раркразы  аӡбамҭа.

Аминистрцәа алацәажәаны ирыдыркылеит аҳәынҭқарратә унитартә наплакы «Аҧсныаимадара» иатәу ахыбрақәа аминистрцәа релиазаара аппарат аҭара азҵаара. Иара убасгьы  абжьаҭарала иӡбан, Гәдоуҭа араион ахадара азин аҭара, акурортә-санатортә  обиект аргыларазы адгьыл  аҭыҧантәи аинвесторцәа ирыҭазарц. Аҧыза-министр Артур Амқәаб иҳәеит, ҷыдалатәи ишацклаҧштәу  зыӡбахә  ҳәоу адгьыл еснагьтәи ахархәаразы ҳәа акәу, мамзаргьы қьырала акәу ишрыҭахо. «Насгьы, ҳасаб азутәуп шаҟа аамҭа рыла аобиект ргылахо»,-ҳәа азгәеиҭеит иара. Аминистрцәа  егьырҭ азҵаарақәагьы ирзааҭгылеит.

Елана Лашәриа, Ельдар Дамиров, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
133
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
121
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
142
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
109
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
93
15 Август 2018
73
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК