Аҟәатәи аҳәынқарратә культуратә ҵараиурҭа актәи акурс астудентцәа имҩаҧыргеит иаарту аурок.

17.03.2016
656

Уахь ааҧхьара рыман дара рҭаацәагьы. Дара рҵара аамҭа иалагӡаны адыррақәа идырҳаз ддырбон. Уи ҧышәак ирзаҩызахеит астудентцәа.

Аҵыхәтәантәи аҽазаҟаҵарақәа цоит. Аконцерт маҷ уажә иалагараны иҟоуп. Акәашацәа қәыҧшцәа аҽазыҟаҵаратә уадаҿы акәашара ахәҭақәа даҽа зныкгьы иргәаладыршәоит. Рҵарашықәс иалагӡаны ироуз адыррақәа аадырҧшыроуп. Иахьа хәаҧшцәас ирымоуп рҭаацәа. Аха урҭ рҿаҧхьа ақәгылара зегьы реиҳа иауадаҩуп астудентцәа рзы.

Ари аҵараиурҭаҿы иҟоу ахәыҷтәы оркестр жәлар ринструментқәа адырҳәоит. Иахьатәи иаарту аурок  хацыркын акомпозициақәа рыла.

Аҟәатәи акультуратә ҵараиурҭаҿы аус ауеит убасгьы ахәыҷтәы балеттә школ. Хә-класск рҿынӡа аҵара рҵоит. Иахьа аҧшьбатәи акласс аҵаҩцәа ракәын иқәгылоз. Абалерина хәыҷқәа  рырҵаҩцәа рнапхгарала ари ахырхарҭала ирдыруа аарҧшразы алшара рыман. Ааӡамҭацәа аихатырра, аҽеиҵыхра, ашьапы шьҭыхра ахәҭақәа злаз акәашара ықәдыргылеит.

Кристина Чкотуа зынӡа данхәыҷыз инаркны абалет ахь илымаз абзиабара аалырҧшуа далагахьан. Уи азгәаҭаны, лан ари ашкол ахь даалгеит лыҧҳа лгәахәтәы наӡарц азы.

Ари аҵараиурҭа иҭоу астудентцәа зегьы аҧышәарақәа рҭиуеит актәи акурс аҿы итәоу рыда. Убри инамаданы, урҭ имҩаҧыргоит иаарту аурокқәа. Уажәазы  дара иқәдыргылон амаҭәар ҷыдқәа рыла ахореографиа -  аклассикатә, жәлар, аҧсуа кәашарақәа.

Аҵаҩцәа рҭаацәа ирбаз агәахәара ду рнаҭеит. Дара иазгәарҭон, араҟа ироуа адыррақәа хымҧада ахәыҷқәа ишырныҧшуа – ишазҳауа урҭ ркультуратә еимадарақәа, ишарҿио асахьаркыратә амузкатә гьама.
Аҵара шықәс ахыркәшамҭаз, Аҟәатәи аҳәынқарратә культуратә ҵараиурҭа астудентцәа реихшьаалатә концерт мҩаҧысраны иҟоуп Аҳәынҭқарратә филармониаҿы.

Сима Аргәын, Ҭемыр Гогохьиа. АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Маи 2018
6
Астудиа «Ама Рекордс» амузыкантцәа ҿыц аус рыдырулеит ижәытәӡатәиу аҧсуа жәлар рашәақәа.
22 Маи 2018
4
Уи авторс дамоуп, апрофессор, ажурналист, афилологиатә наукақәа рдоктор Екатерина Бебиаҧҳа.
22 Маи 2018
6
Ашкол анапхгара ауадақәа руак аҿы еиҿыркааит Кьыршьал Чачхалиа ифотоцәыргақәҵа.
22 Маи 2018
3
Урҭ аҕба маҷқәеи анышьқәеи зырныҟәо азин рымоу ирымаму еилыркаауеит.
21 Маи 2018
5
Аҭыжьымҭаҿы:Аибашьра аасҭа еицәахаз. Аҧсны иазгәарҭоит Кавказтәи аибашьра иалаӡыз ргәаларшәара амш.
21 Маи 2018
3
Иҟаҵатәузеи ақалақь ахьчаразы? Иактуалтәу анҵамҭа.
Загрузка плеера
Алаҳәарақәеи адныҳәаларақәеи
АГТРК