Аладатәи Ешыра ақыҭан имҩаҧысит марттәи ажәылараан ҩажәи хҧа шықәса ахыҵра иазкыз агәалашәаратә акциа.

17.03.2016
750

Аладатәи Ешыра ақыҭан имҩаҧысит марттәи ажәылараан ҩажәи хҧа шықәса ахыҵра иазкыз агәалашәаратә акциа. Уи иалахәыз аҿар афронт ацәаҳәа иқәсит аибашьра ахроникатә кадырқәа рыманы.  

Акциа мҩаҧган Алада Ешыра Гәымсҭатәи ацҳаҿы. Аҿар рнапаҿы иркын марттәи ажәылараан иҭахаз аибашьцәа рыхьыӡқәа. Урҭ ргәаларшәара аҳаҭыразы иаркын ҩышәи ҩажәи ҩба цәашьы.

Ҩажәи хҧа шықәса раҧхьа араҟа акәын иахьцоз зегь реиҳа ишьаарҵәыраз аидысларақәа.  Март жәохә рзы ар адҵа рыҭан ажәыларатә операциа амҩаҧгаразы. Аҧсуа еибашьцәа аӡы ирны Аҟәа азааигәара астратегиатә ҳаракырақәа раанкылара рылшеит. Аха аҳҭнықалақь ахақәиҭтәразы аҽазышәарақәа лҵшәадахаеит. Аоперациа ақәҿиара амамызт, аибашьцәа рпозициақәа рышҟа ихынҳәыр акәхеит.

Аҧсны раҧхьатәи Ахада Владислав Арӡынба иҳаҭгәын азааигәара имҩаҧган агәаларшәаратә хәылҧазы. Аҧсадгьыл зхы ақәызҵаз афырхацәа ргәаладыршәаразы  арахь иааит аветеранцәа, итахаз рҭаацәа, адепутатцәа,  хыҧхьаӡара рацәала аҿар.  23 шықәса раҧхьа иҟалаз, ахҭысқәа ртәы иахьа  аҳәара мариам.  Еизаз идырбан аибашьратә хроника акадрқәа. Аибашьраҿы ииз ажәеинраалақәеи ашәақәеи нарыгӡон аҿар.
Ари акциа амҩаҧгара акыр шагыз, иара аиҿкаара зыбзоруроу Аҟәа ақалақь аҿари аспорти русқәа рзы аилак уи атәы аҿар ирыларҳәон, еизыргон ари ахьаа рыцеиҩызшаша  ауаа, аибашьцәа знысыз ари агәаларшәаратә мҩа ианысырц азы.

Ахәылҧаз ахырқәшамҭаз, уи иалахәыз зегьы ацәашьқәа кны рҿынархоит Гәымсҭатәи ацҳахь. Уаҟа  аамҭала иаркын иҿымцәааӡо амца.  Шәҩыла ауаа, алахьеиқәҵара знубаалоз рхы-рҿқәа иуеилдыркаауан доусу аиааира ҳзаагаз аибашьцәа дышрызхәцуаз.

Сима Аргәын, Рената Шьакаиа, Ельдар Дамиров. АТ  




Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
36
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
44
Иара Аҧсны амилаҭтә олимпиатә еилакы аҿы  адныҳәаларақәа идикылон
39
Убри инамаданы имҩаҧган афонд ахаҭарнакцәа злахәыз апресс-конференциа.
55
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК