Ҵабал ихыркәшахеит арра ҽеизгаратә ҽазыҟаҵарақәа.

18.03.2016
744

Ҵабал ихыркәшахеит арра ҽеизгаратә ҽазыҟаҵарақәа. Урҭ ирылахәын Гагра араион арезерв аруаа , артиллериатә архәҭақәа, арра ҳаиртә мчқәа, иара убасгьы адҵа ҷыдақәа назыгӡо архәҭақәа. Аҽазыҟаҵарақәа рымҩаҧысшьа гәеиҭон Аҧсны Ахада, Арбџьармчқәа ркомандаҟаҵаҩ хада Рауль Ҳаџьымба.
Хымш ҵуеит арезерв аруаа Гагратәи абыжьбатәи аполк еиднакыло аҽазыҟаҵарақәа рымҩаҧгара иаҿуижьҭеи. Аполк еиднакыло афицарцәа 130-ҩык инареиҳаны   Ҵабалҟа ихалеит . Араҟа дара рзы иалхын аҭыҧқәа . Урҭ рҿы иддырбон  иргәаладыршәон ахысрақәа рымҩаҧгашьа, аминақәа рышьҭаҵашьа, аӡәы ахәра иоур ацхыраара иҭашьа уҳәа  арра маҵураҿы зда ҧсыхәа ыҟам аусқәа. Арра ҽазыҟаҵарҭаҿы убасгьы иҟан атәылахьчара аминистрра артиллериа ар ргәыҧ. Дара рҽазыҟарҵон ахысрақәа рымҩаҧгара. Арезерв аруааи  егьырҭ архәҭақәеи рҽазыҟаҵарақәа  рымҩаҧгашьа агәаҭаразы Ҵабалҟа дхалеит Аҧсны Ахада, Арбџьармчқәа ркомандаҟаҵаҩ хада Рауль Ҳаџьымба.

Анаҩс, акомандаҟаҵаҩцәа рҿаҧхьа иқәгылаз адҵа анагӡара иалагеит. Артиллериатә архәҭақәа ашьхарахь ала ижәылоз аҕа ахымца ижәҵаны дааныркылар акәын. Ари аус аҟны дара ирыцхраауан аибашьыгатә ҳаирпланқәа, иара убасгьы адҵа ҷыдақәа назыгӡо архәҭақәа. Дара аверталиот ала иааганы идыртәеит ашьха аҳаракыраҿы

Артиллериатә архәҭақәеи , аибашьыгатә верталиотқәеи рыдҵа анынарыгӡа, ажәылара иалагеит аршьаҟауаа.

Иааидкылан, аҽазыҟаҵарақәа ирылахәыз Гагра арион абжьбатәи аполк арезерв аруааи, атәылахьчара аминистрра егьырҭ архәҭақәеи рҿаҧхьа иқәыгылаз адҵа нарыгӡеит.

Атәыла Ахада, Арбџьармчқәа ркомандаҟаҵаҩ хада Рауль Ҳаџьымба  ахәшьара бзиа аиҭеит арезерв аруааи, егьырҭ архәҭақәеи рыдҵақәа рынагӡашьа.

Аҽазыҟаҵарақәа раан зҽалызкааз арезерв аруаа афицарцәеи, асолдатцәеи атәыла Ахада рнапаҿы ириҭеит аҳаҭыртә шәҟəқәа. Убасгьы, афицарцәа гәыҧҩык иранашьан атәылахьчара аминистрра амедалқәа. Арезерв аруаа реидкылараҿы иалнаршаз рацәоуп Гагра араион арратә комиссариат.

Арраҧырыҩцәа рыдҵақәа рынагӡашьа бзиоуп ҳәа ахыиҳәааит арраҳаиртә мчқәа ркомандаҟаҵаҩ Адгәыр Гәымба.

Уажәтәи аҽазыҟаҵарақәа напхгара рзиуан Атәылахьчара аминистр ихаҭыҧуаҩ Владимир Ануа.

Аҧсны Атәылахьчара аминистр Мираб Кьышьмариа арезерв аруааи асолдаҭцәеи иҭабуп ҳәа реиҳәеит аҽазыҟаҵарақәа еиҿкаарала амҩаҧгараҿы рыцхырааразы.

Аҧсны Ахада, Арбџьармчқәа ркомандаҟаҵаҩ хада Рауль Ҳаџьымбеи Атәылахьчара аминистр Мираб Кьышьмариеи рхы ҧыршәеит бџьарла ахысраҿы.

Даур Инаҧшьба, Алықьса Агәхаа, Саид Агәхаа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
7
Аҭыжьымҭаҿы: Акурорттә сезон  аихшьаалақәа рзы. Аҧсны  Ахада  дидикылеит акурортқәеи атуризми рзы    аминистр.
9
Борис  Гәыргәылиа ишәҟәы ахҧатәи атоми , иара иҷкәын изку  ашҟәы  «Абзагәи ».
12
Ҟрымтәи асасцәа рныҟәара хацдыркит  Аҟәатәи  ахшаалыҵ зауад ала.  
10
Иара Ахада изеиҭеиҳәеит, ҳазну ашықәс ноиабр акынӡа ареспублика ишаҭааз миллионҩык рҟынӡа аҧсшьаҩцәеи атуристцәеи.
43
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
50
Иара Аҧсны амилаҭтә олимпиатә еилакы аҿы  адныҳәаларақәа идикылон
Алаҳәарақәеи адныҳәаларақәеи
АГТРК