Аҧснытәи аҳәынҭқарратә университет астудентцәа ироуит алшара аелектронтә библиотека ахәархәаразы.

29.03.2016
742

Астудентцәеи урҭ рырҵаҩцәеи акыраамҭа иззыҧшыз, Аелектронтә библиотека ҟаҵан  Еиду амилаҭқәа рхеилак имҩаҧнаго апрограммала.  Астудентцәа идырбан дара рзы шьҭа ицхыраагӡа бзиахаз абиблиотека алшарақәа. Макьаназ уахь иҭагалоуп ҩышә шәҟәы инарзынаҧшуа, аха урҭ рхыҧхьаӡара иаҳа-иаҳа иазҳалоит.  Ашәҟәқәа рыҧшаара алыршахоит авторцәеи, хырхарҭас изҵазкуа рылеи. Аелектронтә библиотека уҧшаар алшоит ауниверситет асаит аҿы, уи аус адызулоз Давид Коиаа иҳәеит, абиблиотека рхы иадырхәар шрылшо астудентцәеи  ауниверситет аусзуҩцәеи.

Уи адагьы, аус аулоит ашәҟәтәы сканер – иара иалнаршоит, акыр зхыҵуа аҧсуа шәҟәқәа абиблиотека рахыҧхьаӡалара. Иаарласны ауниверситет аҿы ихацыркхоит аелеткронтә библиотека ииашаны ахархәаразы астудентцәа рзы азыҟаҵарақәа.  

Ауниверситетаҿ иаартуп иара убас  апроектқәа рӡыргаразы иахәҭоу амыругақәа рыла еиқәыршәоу аудиториагьы. Уажәшьҭа астудентцәа ирымоуп алшара ргәы иҭоу  еиуеиҧшым аидеиақәа ииашаны, раарҧшразы.  Хыҧшыла ҳасабла, иахцәажәан ҳтәылаҿы аларҵәара бзиа змоу Ҭенгиз Ҭарба ипроект «Ишьхатәылоу Аҧсны».

Автор еиҭеиҳәеит, хәышықәса инарзынаҧшуа ицоз  аусурақәа ртәы, иара убас иҳәеит хықәкы хаданы ишимоу, ҳтәыла аҧсбара иамоу аҧшӡара аӡыргара , уи аиқәырхарзы  аҭакҧхықәра шрыду атәыла иқәынхо ауаа. Ҭенгиз Ҭарба еиҭаиҳәеит, апроект иамоу аихьӡарақәа, уи иабзоураны ҳтәыла афотоҭыхымҭақәа адунеи  иахыҵәеит, иреиҕьӡоу иалкаан,  еицырдыруа апортал нешнл географик аҿы.

Альбина Жьиҧҳа, Саид Агəхаа, АТ.    

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
3
Уаҟа ахәаҧшцәа идырбан Фазиль Искандер иҩымҭала иқәыргылоу аспектакль «Ажьақәеи арқьымаҭқәеи ».
62
Аҭыжьымҭаҿы:Адепутатцәа ирыӡбеит апарламент аилатәарақәа ишиашоу ицо аефир ала дырбара.
30
Аҧсны аҵара аминистрра Аиааира 25 шықәса ахыҵреи ҳтәыла ахьыҧшымра азхаҵара аиужьҭеи 10 шықәса аҵреи инарымаданы, еиҿнакааз ашколхәыҷқәа рсахьаркыратә ҧхьара аконкурс.
146
Аҳəынҭстандарт аинспекторцәа – аилахәыра «Север-1 » иатәу афатә аалыҵқәа рышьҭаҵарҭа агәаҭарақәа ирыхрыжьит .
Алаҳәарақәеи адныҳәаларақәеи
АГТРК