Аҧсны ахада ихаҭыҧуаҩ Витали Габниа усуратә визитла Аахыҵ Уаҧстәыла дыҟан.

30.03.2016
774

Аҧсны ахада ихаҭыҧуаҩ Витали Габниа усуратә визитла Аахыҵ Уаҧстәыла дыҟан. Имҩаҧысит Аахыҵ Уаҧстәыла ахада Леонид Тибилови иареи реиҧылара. Ҩ-республикак иааигәаны русеицура азҵаарақәа ирылацәажәеит.

Аҧсны ахада ихаҭыҧуаҩ Витали Габниа напхгара ззиуаз Аҧснытәи аделегациа Аахыҵ Уаҧстәыла аҳәааҿы ирҧылеит.

Аҧсны ахада ихаҭыҧуаҩ Витали Габниеи Аахыҵ Уаҧстәыла ахада Леонид Тибилови реиҧылараҿы ирылацәажәеит ҩ-республикак акультуреи, аспорти, ақыҭанхамҩеи уҳәа ахырхарҭақәа рыла русеицура азҵаарақәа.

Аҧсны ахада ихьӡала Витали Габниа Леонид Тибилов асалам иҭо иҳәеит, аҧсуааи ауаҧсааи реимадара шыҕәҕәоу. Габниа иазгәеиҭеит, Аахыҵ Уаҧстәылантәи хатәгәаҧхарала  Аҧсны еибашьуаз, зшьапқәа апротезқәа рымоу Аҧснытәи амедицинатә усҳәарҭақәа рҿы ацхыраара рыҭара апроцесс ишацҵахо. Аиҧылараҿы убасгьы иалацәажәеит Цхинвалтәи ашкол-интернат ааӡамҭацәеи Аахыҵ Уаҧстәылатәи аибашьраҿы иҭахаз рхәыҷқәеи  ҧсшьараҳәа Аҧсныҟа раагара азҵаара.

Леонид Тибилов ахә ҳаракны ишьеит Аҧсни Аахыҵ Уаҧстәылеи рполитикатә усеицура. Хәҭакахьала, аӡбахә ҳәан Қырҭтәала иҭакыз Уаҧстәыла атәылауаа  рхы рақәиҭтәра алзыршаз аҭагылазаашьақәа.
Габниа иазгәеиҭеит, ҩ-ҳәынҭқаррак рнапхгарақәа зызҿлымҳау азҵаарақәа ишыруаку аиашьаратә жәларқәа реимадара арҕәҕәара. Витали Габниа иҳәеит, зхы иақәиҭу ақәҧаразы азыҟаҵаҩ Џьамбулат Тедеев, Аҧсныи Уаҧстәылеи рыспортсменцәа реиҵааӡараҿы илагала атәы, уи азы ишианашьоу «Ахьӡ-Аҧша» аорден ахҧатәи аҩаӡара.

Аиҧылараҿы ҷыдала иазааҭгылан аспорт аҿиара азҵаара. Аахыҵ Уаҧстәыла еиҿкаауп, уи ахада иаҧшьгарала Аолимпиатә комитет. Аспорт аганахьала ҩ-ҳәынҭқаарак русеицура ашьаҭа бзиа шамоу иҳәеит Аҧсны абҩарҵәыреи аспрти рзы аҳәынҭқарратә еилакы ахантәаҩы, Аҧснытәи Аолимпиатә комитет ахада Баграт Хәытаба.

Аофициалтә еиҧылара ашьҭахь, аиқәышаҳаҭрақәа жәпакы рнапаҵаҩра мҩаҧысит ҩ-республикак  руаажәларратә ҧсҭазаараҿы еиуеиҧшым ахырхарҭақәа рыла аусхкқәа рыҿиаразы.

Амра Амҷҧҳа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
5
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
3
Ари ашықәсазы аицлабраҿы иқәыргылан аноминациақәа ааба.
45
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК