Ихыркәшоуп Аҟәа имҩаҧысуаз актәи Урыстәылазегьтәи аконкурс-пленер.

30.03.2016
732

Ихыркәшоуп  Аҟәа имҩаҧысуаз актәи Урыстәылазегьтәи аконкурс-пленер. Уи иалҵшәахеит ахәыҷтәы ҟазаратә ҩны «Аинар» аҿы иаартыз ацәыргақәҵагьы. Иҟаҵан аконкурс аихшьаалақәагьы.  

Амҳаџьыраа рыҧшаҳәа, Аҟәатәи ашьха, Афон ҿыц, Риҵа – асахьақәа рҿы иаарҧшу  аҭыҧқәа иаадыруа, ҳалаҧш зышьцылахьоу роуп, аха Урыстәылантәи аконкурс алахәылацәа рзы ҳаҧсабара аҧшшәқәа иуникалтәуп. Асахьаҭыхҩы илаҧш аҿы иааиуа ган рацәала дахәаҧшуеит иҭиҵаауеит, уи иқәра анмаҷу зынӡаск даҽакала ибоит.

Камила Арышҧҳа асахьаҭыхра лыҧсҭазаара адылҳәалеижьҭеи акрааҵуеит, уи илзаанаҭхарцгьы лҭахуп. Лара Аҧснытәи аҳәынқарратә университет  актәи акурс аҿы аҵара лҵоит. Ацәыргақәҵаҿы ахәаҧшцәа ирыдылгалеит ҩ-усумҭак, дара аицлабра аҳәаақәа ирҭагӡаны иҭылхыз ауп.

Ҧшьымш ирылагӡаны аицлабра алахәылацәа иаҧырҵеит аусумҭақәа рацәаны, урҭ зегьы рцәыргақәаҵаразы алашара ыҟамызт, убри аҟнытә иалхын иреиҕьыз. Липецктәи , Иарославльтәи, Воронежтәи, Аҟәатәи аҟазаратә школқәа рҟнытә аҵаҩцәа еицлабуан иаҳа зҧышәа ҳараку ҳәа, убри аан,  дара еимырдоз рацәан.

Ицәыргақәҵаз аусумҭақәа рыхә ҳаракны ишьеит Суриков ихьӡ зху Москватәи асахьаҭыхратә институт аграфика акафедра апрофессор Владимир Аверианов. Иара иазгәаиҭеит, иарбан усумҭазаалакгьы ахатәы ҷыдара шамоу, иреиҕьу алкаарагьы шыуадаҩыз. Липецктәи аҟазаратә школ аҵаҩы  Анна Клименкова амшын аҧшаҳәаҿы иҟалҵаз лусумҭа  аицлабраҿы агран- при агеит,уи алагьы  зегь реиҳа еиҕьыз ҳәа иалкаан. Аҧснынтәи русумҭақәа азгәаҭан, аҳаҭыртә бҕьыцқәагьы рыҭан Аршба Камила, Миранда Кишьмариа, Леонелла Кобахьиа.

Акультура аминистр Ельвира Арсалыиаҧҳа лгәаанагарала, ари апроект аҧеиҧш бзиа зауа ак акәны иҟоуп, гәахәароуп ахәыҷқәа злахəу аицлабра аиҿкаара ахьалыршахаз, – азгәалҭеит лара.
Ацәыргақәҵа аус аулоит мызкы аҩныҵҟа, ахәыҷтәы ҟазаратә школ «Аинар» ацәыргақәҵатә зал аҿы.

Альбина Жьиҧҳа, Асҭамыр Гәажәба ,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
133
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
123
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
142
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
109
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
93
15 Август 2018
75
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК