Аҧсны аекономика аминистрреи Урыстәылатәи аилахәыра «Макрономикеи» аусеицуразы Аиқәышаҳаҭра рыбжьарҵеит.

31.03.2016
828

Аҧсны аекономика аминистрреи Урыстәылатәи аилахәыра «Макрономикеи» аиқәышаҳаҭра рыбжьарҵеит. Уи иабзоураны имаҷуи ибжьаратәуи абизнес алшара бзиақәа роуеит раалыҵ аҳәаанырцә аӡыргразы. Аҟәа имҩаҧысыз Аиқәшаҳаҭра  анапаҵаҩра далахәын Аҧсны Ахада Рауль Ҳаџьымба.

Аҧсны амаҷи абжьаратәи абизнес знапы алаку, ааглыхратә наплакқәа раалыҵқәа  уҳәа атәыла анҭыҵтәи аахәаҩ идыргалар рылшоит  «Макрономика» ҳәа захьӡу он-лаин ахәҳааҭратә ҭыҧ рыҽҭаргалар. Уи абзоурала абжьаҟазацәа рыда   Аҧснытәи анаплакцәа аахәаҩ идырбоит раалыҵ. Урыстәылатәи акомпаниа «Макрономика» аиҳабы Алексеи Ларин иажәақа рыла, жә-миллионк урыстәылатәи афирмақәа рыҽҭаргалахьеит. Урҭ рахьтә фышә нызқь ааглыхратә еилахәырақәоуп, ҩышә нызқь  - ақыҭанхамҩа знапы алаку роуп.  

Аҧсны Ахада Рауль Ҳаџьымба иазгәеиҭеит, рнапы зҵарыҩраны иҟоу аиқәышаҳаҭра  аҧеиҧш бзиа шамоу, анаплакқәа ишрыхәо аус зцыруша аҳәаанырцәтәи абизнес- еиҿкаарақәа  рыҧшаараҿы. Иахьазы Аҧсны иҟоуп хә-нызқь инарзынаҧшуа хаҭалатәи  аусдкылаҩцәа, урҭ рхыҧхьаӡара есааира иазҳауеит, аҳәынҭқаррагьы ари ахырхарҭаҿы  ацхыраара ҟанаҵоит  имаҷуи ибжьаратәуи абизнес аҿиаразы еиуеиҧшым  апрограммақәа  рынагӡарала, хәҭакахьала,  акредитқәа рыҭара ала.

Аиқәышаҳаҭра рнапы аҵарҩит аекономика аминистр Адгәыр Арӡынба, аилахәыра «Макрономика» аиҳабы Алексеи Ларин. Аҧсны раҧхьатәи тәым ҳәынҭқарроуп Урыстәылатәи аилахәыра аиқәышҳаҭра ахьыбжьанаҵаз. Аҧснытәи анаплакқәа «Макрономика» апроект хәыда-ҧсада   рҽаладырхәыртә алшара рзаҧҵоуп.

Амра Амҷҧҳа, Ельдар Дамиров, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Аҭыжьымҭаҿы:Сергеи Багаҧшь ибаҟа ақәыргыларазы аконкурс рылаҳәахоит. Амонументалтә ҟазаразы аҳәынҭқарратә комиссиа аилатәара аихшьаалақәа.
11
Ахәаҧшцәа хәыҷқәа идырбан ауаҧс жәлар рҳәамҭақәа рмотивқәа рыла иқәыргылоу «Ашьхақәа рлегенда» захьӡу аспектакль.
5
Аминистрра асаит аҿы иаҧҵоуп ашәахтәшәаҩы иуада захьӡу амаҵзура.
3
Уаҟа ирылацәажәеит Аҧсны иналукааша аполитикатә усзуҩцәеи, аруааи, аҟазара аусхки рҿы зыхьӡ нагоу рбаҟақәа рықәыргылара азҵаара.
Алаҳәарақәеи адныҳәаларақәеи
АГТРК