Март ҩажәи хҧа инаркны ҩажәи фбанӡа Москва имҩаҧысуан жәларбажьаратәи ацәыргақәҵа «Аныҟәарақеи атуризми» захьӡыз.

31.03.2016
997

Март ҩажәи хҧа инаркны ҩажәи фбанӡа Москва имҩаҧысуан жәларбажьаратәи  ацәыргақәҵа «Аныҟәарақеи атуризми» захьӡыз. Аҧсны акурортқәеи атуризми рминистрра  раҧхьаӡа акәны уи иалахәын, ахәшьара бзиагьы рауит. Абри инамаданы, атәыла ахада Рауль Ҳаџьымба идикылеит Акурортқәеи атуризми рзы аминистр Автандил Гарцкиеи, уи ихаҭыҧуаҩ Асҭамыр Ахбеи.

Аҧсны ахада акурортқәеи атуризми рзы аминистрра аусура ахә ҳаракны ишьеит. Убри аан иазгәаиҭеит, ҳтәыла  ахьӡ алараҵәаразы ирылшо зегьы ҟарҵар шакəу. Рауль Ҳаџьымба ихадоу ҳәа иаликааит акурорттә обиектқәа рҭагылазаашьа аиҕьтәра, иара убас аӡынтәи атуризма аҧҵара.  Акурортқәеи атуризми рзы аминистр Автандил Гарцкиа атәыла анапхгара иҭабуп ҳәа раиҳәеит русура аганахьала адгылара ахьрырҭо. Иҳәеит, Москве имҩаҧысуаз ацәыргақәҵаҿы Аҧснытәи акурортқәа аинтерес ду шрызцәырнагаз.

Анаҩс аиҧылара иацҵан акурорти атуризми рзы аминистрраҿы. Автандил Гарцкиа идикылеит жәларбажьаратәи ацәыргақәҵа иалахәыз аделегациа. Дара иазгәарҭеит, Аҧсны аӡбахә зҳәоз апавилион аҭааҩцәа гәахәарыла ишрыдыркылаз,ишаадырҧшыз азҿлымҳара ду. Ацәыргақәҵа алахәылацәа ирҳәеит, еиуеиҧҵшым аҳәаанырцәтәи атурфирмақәеи дареи аусеицуразы аиқәышаҳаҭра шрыбжьарҵаз.

Мышқәак рыҩныҵҟа имҩаҧысуаз ацәыргақәҵа алҵшәа бзиақәа ҳнаҭеит. Аҧсны туристә тәыла ҳасабла ҿыц аӡбахә  раҳаит , иалыршахеит ҳкурортә лшарақəа  рӡыргара.  Ацәыргақәҵа аиҿкааҩцәа ҳпавилион иамаз азҿлымҳара азгәаҭаны, Аҧснытәи аделегациа ахада Асҭамыр Ахба ирҭеит  акубок «Иалукааша алагамҭа» захьӡу.
Альбина Жьиҧҳа, Сариа Смыр, Саид Аиба ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Убри инадҳәаланы ҳтәыла ашколқәа рҿы имҩаҧысуеит агәыҳалалра иазку аурокқәа.
9
Уаҟа аҧсуа монетақәа ирызку аинформациа аҧхьатәи адаҟьақәа рҿы икьыҧхьуп.
Алаҳәарақәеи адныҳәаларақәеи
АГТРК