Аҧснытәи аҳәынҭқарратә университет арҿиаратә хеидкыла “Ацәыкәбар” еиҿнакааит ашәҟәыҩҩы Нури Оҭырба диижьҭеи 90 шықәса аҵра иазкыз агәаларшәаратә хәылҧазы.

31.03.2016
793

Аҧснытәи аҳәынҭқарратә университет   арҿиаратә хеидкыла “Ацәыкәбар”   еиҿнакааит ашәҟәыҩҩы Нури Оҭырба  диижьҭеи 90 шықәса аҵра иазкыз агәаларшәаратә хәылҧазы. Арахь иааҧхьан ашәҟәыҩҩцәа, аҵарауаа,  астудентцәа.

Аҳәынҭқарратә университет афилологиатә факультет аҿы иаарту Владимир Анқәаб ихьӡ зху ауадаҿ еиҿкаан ашәҟәыҩҩы  Нури  Оҭырба игәаларшәара иазкыз аусмҩаҧгатә.

Нури Оҭырба диит 1925 шықәсазы Гәдоуҭа араион, Арсаул ақыҭан.Ихарҭәаау абжьаратә школ далгаратәы аҭагылазаашьа имоуит, иалагеит Аџьынџьтәылатә еибашьра Ду,  ианеилга ашьҭахь, Нури  Аҟәатәи апедагогигатә ҵараиурҭа дҭалеит.Иара аҵара ицызҵоз академик, аҵарауаҩ  Шьоҭа Хьыч иҧа Салаҟаиа уи дигәалаиршәо иазгәаиҭеит, Нури қәрала аҵараиурҭа иҭаз дышреиҳабыз, зегьы  еиҳабык ,ешьак  еиҧш ишихәаҧшуаз атәы.

Ашәҟәыҩҩы  раҧьаӡатәи иҩымҭа аҧиҵеит аҵараиурҭа ахҧатәи  акурс  аҿы дантәаз ,урыс бызшәала.
Ашәҟәыҩҩы иаҧҵамҭақәа  иреиуоуп ҩнызқьи хҧа шықәсанӡа икьыҧхьымыз Аҧсны азеижәтәи ашәышықәса тема хаданы иахьықәгылоу аповест «АБИ АҦЕИ». 2006 шықәсазы акьыҧхь рбеит аиумортә жәабжьқәа еидызкыло “Адунеи мардуануп” захьӡу аизга .Иара иаҧҵамҭакәа иреиуоуп аизгақәа «Амаӡа», «Аҟармаҵыс», «Хьмца лымшынҵа» уҳәа реиҧш иҟоу. Иазгәаҭатәуп, Нури Оҭырба еиҳарак дызлардыруа ахәыҷтәы шәҟәыҩҩык иаҳасаб ала шакəу. Ашәҟәыҩҩы 20 шықəса инарзынаҧшуа аҵара ааҵара инапы алакын .Асу иуан ашколқәа рҿы.

Нури  Оҭырба аҵыхәтәантәи иусымҭақәа иреиуоуп иавтобиографиатә повест «АМҨА УАДАҨ»  Арҿиаҩы  иҧшәмаҧҳәыс илызкуп ашәҟәы раҧхьатәи адаҟьаҿы иану ацәаҳәақәа. Афилалогиатә факультет астудентцәа    ашәҟәыҩҩ иҧсҭазаареи ирҿиаратә мҩеи иалацәажәеит. Иеиҭарҳәеит иажәабжь кьаҿкәа.    Аурыс бызшәа акафедра аиҳабы     Нури Оҭырба иҧҳа  ахəылҧаз аиҿкааҩцәеи  уи зхы алазырхәзи зегьы ҭабуп ҳәа ралҳәеит.

АСМАҬ ШЬАКАИА, ҬЕМЫР ГОГОХЬИА ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
135
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
123
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
144
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
111
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
93
15 Август 2018
75
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК