Амузыкатә ныҳәатә «Чарирама» мҩаҧысит Ткуарчалтәи Акультуратә хан аҿы.

01.04.2016
519

Аусмҩаҧгатә еиҿнакааит  Гәдоуҭатәи аҿартә еиҿкаара «Чарирама». Аусмҩаҧгатә афинанстә дгылара анаҭеит амобилтә еимадара А-мобаил. Аконцертхь инеирц рылшон изҭахыз зегьы, аҩналара хәыдаҧсадан.
Аныҳәатә хәылҧазы алагара акыр шагызгьы, Тҟәарчалтәи Акультуратә хан   тәарҭа ыҟамкәа ахәыҧшцәа рыла иҭәхьан. Артистцәа ракәзар, асцена иқәлаанӡа аҵыхәтәантәи аҽазыҟаҵарақәа мҩаҧыргоит.  Апрограммаҿы иазгәаҭоуп ашәаҳәара, алафтә номерқәа, амилаҭтә кәашареиҧш, аҳәаанырцәтәи акәашарахкқәагьы.  Абар ахәаҧшцәа ззыҧшыз асценахь ацәырҵрагьы.  
  
«Чарирама»  захьӡу Гәдоуҭатәи аҿартә еиҿкаара асеиҧш аусмҩаҧгатә  уажәадагьы имҩаҧнагахьеит. Ари ахҧатәи проектуп, уаанӡа ари аҩыза аныҳәақәа еиҿыркаахьан Гәдоуҭа араион аҿгьы. «Чарирама» хықәыс иамоуп  ауааҧсыра рырлахҿыхра, урҭ ргәалаҟазаара ашьҭыхра.  Апроект амҩаҧгара  атәыла мрагыларатәи ахәҭаҿы  иалаган Тҟәарчал ақалақь ала. Уи араҟа ихырқәшахаӡом,  иацҵахоит егьырҭ араионқәа рҿгьы.

«Чарирама» анаҧҵаз раҧхьатәи  амшқәа инадыркны, уи еиҿнакаауа апроектқәа рымҩаҧгараҿы афинанстә дгылара ҟанаҵоит амобилтә еимадара А-мобаил. Иазгәаҭатәуп,  ари аилак аусура ахырхарҭа хадақәа ишреиуоу, аҿари, аспорти, асоциалтәи ҟазшьа змоу апроектқәа рыдгылара. Аҵыхәтәантәи ашықәс мацаразы,  А-мобаил афинанстә цхыраара ззыҟанаҵахьоу  апроектқәа рхыҧхьаӡара шәкы иреиҳауп. Уи ахаҭарнакцәа ражәақәа рыла, асоциалтә ҟазшьа змоу, ауааҧсыра ргәалаҟазаара аҧҵара иацхраауа  аусмҩаҧгатәқәа  А-мобаил  аҟынтә  анаҩсгьы адгылара роулоит.

Аныҳәатә программа цон сааҭк еиҳаны,  ахәаҧшцәа рнапеинҟьабжьқәа акраамҭа еихсыҕьӡомызт.   Ахәаҧшцәа ахәылҧаз еиҿызкаази уи амҩаҧгара идагылази  иҭабуп ҳәа рарҳәеит. Иазгәарҭеит,асеиҧш ирлахҿыхгоу аныҳәа  рықалақь аҿы ааигәа ишымҩаҧымсыцыз.
                              
Аконцерт иалахәын аҭыҧантәи  ахаҧшьгаратә коллективқәа реиҧш Аҧсны-стар алахәылацәагьы. Иара убасгьы ахәаҧшцәа ирзыкәашеит бреик-данс акәашацәа.

Елана Лашәриа, Беслан Џьынџьал, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ианвар 2018
67
Аҭыжьымҭаҿы:Анцәа аӡы иӡаахра.  Аҧсны ақьырсианцәа иазгәарҭеит аныҳәа хадақәа ируаку.
19 Ианвар 2018
88
“ Қьалашьбеи” иахәаҧшырц еизаз ауаа, аспектакль гәахәарыла ирыдыркылеит, рыгәгьы арҧшааит .
19 Ианвар 2018
159
Шәҩык автоинспекциа аусзуҩцәа злахәыз ареидқәа мҩаҧган мызкы иалагӡан, акциа алҵшәақәа ҳасаб рзуны агәаҭарақәа ирыцҵазарц азыӡбан.
19 Ианвар 2018
57
Уи мҩаҧигеит Аҧсны Аишахаҵаратә уахәама аиҳабы Аб Бассариан Аҧлиа
19 Ианвар 2018
59
Аиҳараҩык уахь инеиуеит Иҧшьоу Василиск иӡыхьцқьа аҟнытә аӡы ргарцаз.
18 Ианвар 2018
198
Загрузка плеера
Алаҳәарақәеи адныҳәаларақәеи
АГТРК