Атәыла Ахада аиҳабыра рҿаҧхьа иқәиргылаз адҵақәа рынагӡашьа иалацәажәеит аиҳабыра рхаҭарнакцәа алархәны имҩаҧигаз аилацәажәараҿы.

04.04.2016
730

Ашықәс алагамҭазы аҳәынҭқарра  Ахада Рауль Ҳаџьымба Жәлар  реизарахь  иҟаиҵаз Есышықәсатәи Инашьҭымҭаҿы аиҳабыра  рҿаҧхьа иқәиргылаз адҵақәа рынагӡашьа атәы иалацәажәан аиҳабыра рхаҭарнакцәа алархәны имҩаҧигаз аилацәажәараҿы.

«Ҳҿаҧхьа иқәҳаргыло ахыдҵақәа ҳара инаҳмыгӡар  аӡәгьы иҟаиҵаӡом»-иҳәеит, Аҧсны Ахада аилатәара аартуа. Рауль Ҳаџьымба ари аизара амҩаҧгара ҵаҵӷәыс иаиуит иҳəеит, зыҟаҵара  хымҧадатәу ҳәа иалкааны  анашьҭымҭаҿы иззаҭгылаз адҵақәа ахьынӡанагӡо атәы аилкаара. «Ацәажәарақәа ҳарҟәаҵны аусурақәа напы дҳаркыр ауп», - иҳәеит иара.

Мызқәак  рыҩныҵҟа аиҭакрақәа рымҩаҧгара ахьаларшахаз ахырхарҭақәа ртәы дазааҭгыло аҧыза-министр Артур Амқәаб иҳәеит, аихьӡарақәа шырацәоу. Убри аан, инаҵшьны иазгәаиҭеит, аминистрцәа реилазаара ибзианы ишеилыркаауа  дара русура ишахьҧшу ауааҧсыра рсоциалтә-бзазаратә ҭагылазаашьа. Аҧыза-министр иҳәеит, азакәанқәа реиқәыршәара ишаҿу, урҭ иреиуоуп аҩныҵҟатәи аусқәа рминистарра аусура ҳәаақәызҵо, акриминогентә ҭагылазаашьа аиҕьтәреи, акоррупциа аҿагылареи алзыршо азакәан . Иара уабсгьы ихдыркәшарц акгьы рыгӡам афинансқәа рминистрра иазку апроектгьы.Артур Амқәаб иазгәаиҭеит, ауадаҩрақәа зцу ишреироуоу амедицинатә ҧгаҧсазы азакәан.

«Иҟаҵоу ыҟаӡам ҳәа аҳәара иашахаӡом, аха уи даара имаҷуп. Инагӡатәу еиҳагьы ирацәоуп,»-иҳәеит Рауль Ҳаџьымба  аҧыза- министр иҟаиҵаз аихшьаала даназыӡырҩы анаҩс. Аҳәынҭқарра Ахада лымкаала дазааҭгылеит ашәахтәқәа рызҵаара. Иҳәеит, Аҧсны  анапхгара ари азҵаара ҷыдала иалкааны ишазнеиуа.


Рауль Ҳаџьымба дыззааҭгылаз азҵаарақәа иреиуоуп иааигәахаз атуристә сезон, аҳәынҭқара иаланагало аҧарақәа, аҿартә политика,- уҳәа иахьа ҳтәылаҿы гәцаркра змоу ахырхарҭақәа. Аҿар рполитика далацәажәо  иҳәеит, гәахәара ширҭо уи аганахь имҩаҧысуа аусурақәа. Аҳәынҭқарра Ахада даҽазныкгьы иазгәеиҭеит,   адҵақәа назыгӡо рҭакҧхықәра шдуу, убри аҟынтә ааҧхьара ҟаиҵеит  анапхгаратә усзуҩцәа рахь ирзыҧҵәоу аамҭа рыҽҭарыгӡарц азы.

Аиҳабыра рхаҭарнакцәа ирҳәеит ирыҭоу адҵақәа зегьы шынарыгӡо.

Елана Лашәриа, Алықьса Агәхаа, Беслан Џьынџьал ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Уи иалахәын аҭҵаарадырратәи арҿиаратәи интеллигенциа рхаҭарнакцәа,аполитикцәа,жәлар реизара адепутатцәа.
5
Иҟалаз ахҭыс инамаданы, араион анапхгара ауснагӡатәқәа реиҿкаара азгәаҭаны ирымоуп.
1
Аҭыжьымҭаҿы:Аҧсныи Шьамтәылеи ирыбжьарҵаз аиқәшаҳаҭрақәа шьақәдырҕәҕәеит, аҳәынҭбиуџьет актәи аҧхьараҿы ирыдыркылеит. Жәлар реизара аилатәара аҟынтәи анҵамҭа.
1
Урҭ ирылахәыз Абызшәатә политиказы аҳәынҭқарратә еилак аҟны иранашьан асертификатқәа.
9
Уи авторс дамоуп Аҧсны аҭҵаарадыррақәа ракадемиа академик, апрофессор Ҭеимураз Ачыгәба.
1
Амшхәаҧштә аҟны иқәгылан жә-зҵаарак.
Алаҳәарақәеи адныҳәаларақәеи
АГТРК