Аҧсны жәлар рартист, еицырдыруа актиор, арежиссиор Шьалуа Гыцба атеатртә ҟазараҿы илагала азы ианашьан «Ахьӡ-аҧша» аорден аҩбатәи аҩаӡара.

04.04.2016
853

Рауль Ҳаџьымба ари аҳамҭа актиор инапаҿы ииҭеит. Иара убас актиор апрель хҧа рзы ҧшьынҩажәа шықәса ихыҵра идиныҳәалеит.

Аҧсны Ахада иазгәеиҭит, Шьалуа Ҷыф-иҧа  иааҧсара ахә ҳаракны ишишьо. Иара актиортә ҟазараҿы имоу  аҧышәа ду атеатр ахь  раҧхьатәи зшьаҿақәа еихызго аҿар ирымеидап ҳәа агәра ганы дшыҟоу иҳәеит, Рауль Ҳаџьымба.

«Ахьӡ-аҧша» аорден азы Аусҧҟа атәыла Ахада инапы аҵеиҩит март ҩажәи жәеиза рзы. Иахьа Рауль Ҳаџьымба уи аҳамҭа актиор инапаҿы ииҭеит.
                                      
Шьалуа Гыцба аҳәынҭқарра Ахада иҭабуп ҳәа еиҳәеит атеатртә  ҟазараҿы илшамҭақәа абас   ахәшьара ҳарак ахьрыҭаз азы.  Иҳәеит, иара иҧсҭазаара зегьы атеатр ишадҳәалоу, ихаҭара ашьақәгылараҿгьы аҭыҧ ду шааннакылаз. Шьалуа Ҷыф- иҧа иазгәеиҭеит, ианаршьаз аорден аҭакҧхықәра ду шиднаҵо.
Апрель хҧа рзы Шьалуа Гыцба ихыҵит 80 шықәса. Уи арыцхә аҳаҭыр азы атәыла Ахада ҳамҭас ииҭеит ахҭырҧа. Акультура аминистр Ельвира Арсалиа-ҧҳа актиор изеиҕьалшьеит ақәҿиареи, ирҿиаратә гәазыҳәарақәа рынагӡараҿы аихьӡарақәеи.

Актиор ихыҵит ҧшьынҩажәа шықәса. Иара ишиҳәаз ала, илихыз амҩа дацәхьаҵуам. Иара изы инасыҧ дууп актиортә ҟазара иҧсҭазаара ахьадеиҳәалаз.

Шьалуа диит апрель хҧа, 1936 шықәса рзы, Гәдоуҭа араион Дәрыҧшь ақыҭан, Ҷыф Гыцба иҭаацәараҿы. Данхәыҷыз инаркны иара арратә усхк иҧсҭазаара адиҳәалар иҭахын. Аха, ар рымаҭәа асценаҿы ауп иахьишәиҵаз. Иҟазаратә мҩа иалагӡаны шәкы иреиҳаны арольқәа наигӡахьан атеатр аҿы. Смирнов, Маркиз де Поза, Дон Алонсо, Алиас Смырба уҳәа жәлар рыбзиабара изаазгаз роуп. Уабсгьы хыҧхьаӡара рацәала асахьаркыратә фильмқәа рҿы дыхәмархьан. Ухәыҷқәа еилымхӡакәан ишуҭаху еиҧш, ирольқәа зегь бзиа ибоит еиҧшны, иҳәоит аҟаза.  

Еиуеиҧшым ашықәсқәа рзы зны Гәдоуҭатәи, нас Тҟәарчалтәи атеатрқәа напхгара рзиуан. Шьалуа Гыцба Аҧсны жәлар ратист ҳәа ахьыӡ ҳарак ихҵоуп. Акыр ааҭма аибашьра ашьҭахьтәи ашықәсқәа рзы иара аҟазаратә ҿымҭра иман. Ааигәаӡоуп асценахь даныхәынҳәыз. Аҟаза иҧсҭазаара ибом атеатр ада.

Сима Аргәын, Ельдар Дамиров,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
3
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
8
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
8
Арҭ ашықәсқәа рыҩныҵҟа, ишҧаҿиоз аекономика аминистрра , иарбан проектқәоу зеиҿкаара алыршахаз? 
8
Ҧхынҷқәын мза 13,1988 ш.рзы Аҧсуа ҳәынҭқаррратә филармониҿы имҩаҧысит «Аидгылара» раҧхьаӡатәи аҧҵаратә еизара ду.
3
Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
Алаҳәарақәеи адныҳәаларақәеи
АГТРК