Маи мзазы 75 шықәса ҵуеит аҵарауаҩ ду археолог Иури Воронов диижьҭеи .

05.04.2016
881

Еицырдыруа археолог, аҵарауаҩ ду, Кавказҭҵааҩы, ауаажәларратә усзуҩ Иури Воронов иубилеитә ныҳәа амҩаҧгара иадҳәалоу апресс-конферениа мҩаҧысит Аҧснытәи аҳәынҭқарратә университет ахыбраҿы. Аҵарауаҩ хынҩажәи жәохәтәи имшира азгәарҭоит маи ааба рзы. Ари апресс-конференциа амҩаҧгаҩцәа хықәкыс ирыман Иури Воронов ицәыргам иусумҭақәеи, идырым, уаанӡа зыӡбахә ҳәамыз иҧсҭазаара аҿынтәи афактқәеи рааҧшра, рылацәажәара.

Милаҭла даурысын, аха доуҳала саҧсилуп, ҳәа ихы иазиҳәон Воронов. Иара  иҧсадгьыл Аҧсны дазхьаауан. Иусумҭақәа реиҳарак зызкыз  уи анкьатәи аамҭаз изеиҧшраз  аҭҵаара акәын, атәыла ҭоурых гәыблыла дазнеиуан. Ҧсбарала абаҩхатәра ҷыда змаз, хшыҩла адунеи аҵарауаа дуқәа ирхыҧхьаӡалаз иара иааиҧмырҟьаӡакәа аҭҵаарадырра инапы алакын.  Иара авторс дрымоуп жәабала ашәҟәқәа, урҭ рхыҧхьаӡараҿы еицырдыруа  «Белая книга Абхазии». Хәышә иреиҳаны анауакатә кьыҧхьымҭақәа дравторуп, урҭ рахьтә ҩажәи жәаба монографиақәоуп.  Иахьа иара иҭҵаарадырратә усумҭақәа рхы иадырхәоит астудентцәа реиҧш, еицырдыруа археологцәагьы. Иара иҩыза, иколлега, археолог Олег Бҕажәба иҳәоит, Воронов иибоз аџьааба ду ишалҵшәахаз  анаукаҿы иоуз ақәҿиара дуқәа.
Маи ааба рзы аҵарауаҩ ииублеи азгәарҭоит. Апресс-конференциа амҩаҧгаҩцәа хықәкыс ирыман уи арыцхә аҽазыҟаҵараан амасса-информациатә хархәагақәа рхаҭарнакцәеи, иара астудентцәеи идырым, уаанӡа ицәыргамыз анаҩстәи русураҟны рхы иадырхәаша иара иҧсҭазаара аҟынтәи афактқәа дырдырра.

Аҧсны археологиатә ҭҵаарадырра Иури Воронов ихьӡ иузаҟәымҭхо иадҳәалоуп. Убасгьы ихьӡ адҳәалоуп амилаҭтә хақәиҭратә қәҧара. Иидыруаз аҭоурых фактқәа ихы иархәаны илиршон ауаа рҿынӡа аиаша анагара. Ҳтәыла азы ихьанҭаз аамҭақәа рзы инапы злакыз ауаажәларратә ус аҭыҧ ду ааннакылон, аҳәаанырцә ҳҿахәы зҳәоз дыруаӡәкын. Апресс-конференциаҿы иазгәаҭан, Иури  Воронов  дипломатк   иаҳасаб алагьы, изныкымкəан жәларбжьаратәи аиҿцәажәарақәагьы дышрылахәхахьаз.

Аҧснытәи аҳәынҭқарратә университет аҭоурыхтә факультет аҿы аус ауеит Иури Воронов ихьӡ зху ацентр. Уаҟа лассы-лассы имҩаҧыргоит еиуеиҧшым аиҧыларақәеи ақәгыларақәеи. Иаҧҵоуп иара убасгьы иара ихьӡ ала астипендиа. Ацентр абжьаратәи ашколқәа аиҳабыратәи акласс аҵаҩцәа рыбжьара ирыланаҳәеит аиндаҭлара, иреиҕьу ажәахә азы. Ажәакала, сынтәатәи ашықәс Воронов ишықәсны ишыҟамгьы, аҵарауаҩ еснагь дыргәаладыршәоит. Уи иусумҭақәа ахә ҳаракны иршьоит, рхы иадырхәоит астудентцәа.

Сима Аргәын, Беслан Џьынџьал. АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
3
Уаҟа ахәаҧшцәа идырбан Фазиль Искандер иҩымҭала иқәыргылоу аспектакль «Ажьақәеи арқьымаҭқәеи ».
62
Аҭыжьымҭаҿы:Адепутатцәа ирыӡбеит апарламент аилатәарақәа ишиашоу ицо аефир ала дырбара.
30
Аҧсны аҵара аминистрра Аиааира 25 шықәса ахыҵреи ҳтәыла ахьыҧшымра азхаҵара аиужьҭеи 10 шықәса аҵреи инарымаданы, еиҿнакааз ашколхәыҷқәа рсахьаркыратә ҧхьара аконкурс.
146
Аҳəынҭстандарт аинспекторцәа – аилахәыра «Север-1 » иатәу афатә аалыҵқәа рышьҭаҵарҭа агәаҭарақәа ирыхрыжьит .
Алаҳәарақәеи адныҳәаларақәеи
АГТРК