Мшаҧымза быжьба рзы иазгәарҭоит Анан Мариа лгәырҕьаҿҳәаша амш.

07.04.2016
1085

Мшаҧымза быжьба рзы иазгәарҭоит Анан Мариа лгәырҕьаҿҳәаша амш. Уи аиаша қьырсиан динхаҵара аҟны ихадоу жәаҩа ныҳәа ируакуп. Ари аныҳәа  ҧшьа  азгәарҭоит Аҧсны  аҧшьаҭыҧқәа  зегьы рҟны.

Жәиҧшь шықәса лхыҵаанӡа Ацқьа Мариа ауахәама аҟны драаӡон, анаҩс  аҧшьаҧҟара инақәыршәаны, дызхылҵыз рахь дгьежьуан, мамзаргьы,аҭаацәара далалар акәын. Аҧшьаҩцәа уи  аҩнра дрышьҭыр рҭахын, аха Мариа ирылалҳәеит аҿаҭахьа шлықәылҵаз, дҭыҧҳаны дшаанхо Анцәа имаҵ ауразы. Усҟан,   илыуаз ҧшьаҩык, Иосиф захьӡыз, быргк дизырҳәеит. Галилеитәи ақалақь Назареҭ  Иосиф иҩны Мариа  дынхоижьҭеи  ҧшьымз  ааҵуаны    еиҧш, аҧааимбар  абас ҳәо длызнеит: «Бгәырҕьала лыҧха змоу, Ҳазшаз дбыцуп. Быҧшьоуп бара аҳәса рыбжьара!»-ҳәа. Аҧааимбар Гавриил илеиҳәеит, ицқьаӡоу аҭыҧҳа Ҳазшаз илҧха ду шлоуз, Анцәа иҧа доуҳала  длоураны дшыҟоу.

Аиашахаҵара ақьырсианцәа рзы - ари амш акраҵанакуеит. Ақьырсиан уахәамақәа зегьы рҿы имҩаҧыргоит Анцәа имаҵзура.

Альбина Жьиҧҳа, Роберт Ломиа ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Алаҳәарақәеи адныҳәаларақәеи
АГТРК